Dibata i tengah-tengahta

BAHAN SERMON KHOTBAH MINGGU PENEN 13 DESEMBER 2015

Invocatio      : Bagi nina Dibata, “Nggeluh me Aku ras ia janah ringan Aku i tengah-tengahna. Aku me jadi Dibatana janah ia jadi bangsangKu” [II Kor. 6:16b]

Ogen               : Lukas 3:7-18 [Tunggal]

Khotbah          : Jesaya 12:2-6 [Responsoria]

Tema               : Dibata i tengah-tengahta

Kata Perlebe

Erbage-bage persoalen si ni hadapi kalak Kristen mekatep rusur erbahanca kita nungkun “ija kin Dibata e?” tekanen nggeluh, perjuangen ibas ngalaken perbeben ras pe ibas nimai jawaben Tuhan banci saja erbahansa kinitekenta lanai megegeh tapi Kata Dibata meyakinken kita maka lit Dibata e itengah-tengahta.

Pendalamen Teks

Ibas bagin kitab Jesaya enda sidapeti me ende-enden pengataken bujur arah bangsa Israel siberupa ende-enden Mazmur. ende-enden enda enggambarken penderitan bangsa Israel siisampati Dibata janah pe ibebasken Dibata. penderitaan bangsa israel enda iumpamaken bagi sekalak si muas itengah padang gurun, kerah ras las. Bangsa e tuhu-tuhu menderita erkiteken dosa-dosana sendiri. Ibas keadaan si muas, kerah ras tandus, Dibata sumber keselamaten reh mereken mata lau keselamaten. Kerina jelma bebas muat lau arah mata lau keselamaten e.

ü  Jesaya 12 : 2

Adi labo erkiteken Dibata, labo mungkin Israel bangkit mulihi. Tapi erkiteken lit padan Dibata man Daud, maka Israel bangkit mulihi alu luar biasa sue ras kata Dibata. Dibata jadi keselamatenna bagepe Israel tek ras la mbiar erkiteken Dibata lit itengah-tengahna. Ibas pembebasen siibereken Dibata e lanai lit man kebiarenken, erkiteken Kristus merentah alu mutlak. Luar biasa tuhu-tuhu sebab Israel jadi seh kel hebatna, megegeh ras pe dem alu kuasa, Emaka erkiteken nubuat enda bangsa Israel muji-muji Dibata sebab Dibata kap jaminen keselamaten Israel.

ü  Jesaya 12 : 3

Lau e biasana enggambarken keriahen ras kepuasen si rehna ibas Dibata nari. Kerina bangsa Israel pagi mut lau alu keriahen arah sumur keselamaten sienggo pasti eme Tuhan Jesus, juru selamat doni. Kerina ia banci mbuat lau e, bebas, senang ras pe Cuma-Cuma. Lau ibas bangsa Israel rusur ipergunaken ibas upacara keagamaan guna menahirken jelma si enggo terlepas arahpinakit tertentu, lau e pe ipake guna mbersihken diri kenca njemak mait. Ibas padan simbaru Jesus ngataken Dirina eme lau kegeluhen, mata lau si la banci kerah

ü  Jesaya 12 : 4

Ibas wari pembebasen simereken keselamaten man Israel, Gelar Dibata ilebuh dingen ipuji.erkiteken Dibata enggo encidahken perbahanenNa itengah-tengah bangsaNa, musuh-musuh Israel italukenNa [Bil. 24:18 “italukenna musuhna i Edom ibuatna tanehna jadi sikerajangenna, ibas si e Israel tetap menang”] Ibas kitab Jesaya melala kesaksin kerna surak-surak ibas wari siitimai e bagi sitersurat ibas Jesaya 25:9 “Tupung e ikataken kalak me ‘enda me Dibatanta! Enggo kita ernalem man Bana, janah enggo ipulahiNa kita. Ia kap Tuhan! Enggo kita ernalem man Bana janah genduari malem ateta, meriah siakap erkiteken ikelinina”. Wari si reh e, eme wari kemenangen man kalak si tetap setia dingen tek man Dibata.

ü  Jesaya 12 : 5

Seisi doni pasti nandai gelar Tuhan Jesus juruslamat doni. Ibas jaman sigundari memang lenga siisi doni enda, tapi ibas kerehen Tuhan Jesus sipedua kaliken ije enggo tangkas kerina doni enda nandai gelar Jesus. Berita simeriah harus iberitaken kubelang-belang doni seh maka kerina manusia megikensa. Eme berita kerna uga Dibata enggo mulahi manusia ibas perbudaken dosa nari, perbahanenNa simbelin e siarus iberitaken kita ku kerina jelma [ersaksi], seh maka doni enda pe rende muji gelar Dibata.

ü  Jesaya 12 : 6

Bangsa Dibata bebas ersurak-surak ngelebuh gelar Dibata. pengulangen perentah guna ersurah ras rende eme ngatakenca maka keriahen si bakal idapeti bangsa Israel e tuhu-tuhu lalit tandingenna, seh maka iajukna kerina Doni guna muji gelar Dibata. Ibas kerehen Jesus itengah-tengah doni enda ka nge pagi tangkas man banta pemerentahen Dibata alu tongkat besina, kerina manusia si la tek nandangi Dibata pasti binasa, tapi kalak si ernalem ras mengandalkan Tuhan saja ikelininna.

Pengkenaina

Kai kin makna kehadiren Dibata itengah-tengahta? Dibata mereken penghiburen, Dibata mereken keselamaten. Tentuna ibas kehadiren Dibata itengah-tengahta perlu lit respon sirehna arah kita nari. Kitab Jesaya si jadi bahan renungenta ngajuk kita guna :

1. tetap ngataken bujur man Dibata, tindaken enda ngajarken man banta guna tetap nginget uga belinna perbahanen Dibata ibas geluhta seh maka kita pe la erngadi-ngadi guna ngataken bujur man Bana.

2. rende muji Dibata [bermazmur], ngajuk kita guna tetap mpenangkih kidung pujinta man Dibata.

3. Ersurak, enda salah sada contoh aktif guna bertindak, erbahan sesuatu sijadi tanda maka kita tuhu-tuhu nggejabken Dibata lit itengah-tengahta. Bagi bahan ogenta ibas Luk. 3:7-18, Johanes Peridiken alu tegas ngatakenca maka kita harus ngasilken buah pertobaten, pertobaten e labo terjeng pengakun i biber saja tapi siutama eme tindaken nyata, bagi nina “Ise lit dua bajuna arus iberekenna sada man kalak si lalit bajuna, bage pe ise si lit nakanna arus ibagikenna”.

Ula min kari kita bagi kalak si munafik, tempa-tempa ngataken bujur, bermazmur ras ersurak tapi la itadingkenna biak-biak si gelap. Emaka selaku kalak Kristen banci kita ikataken Kristen sejati labo ibas kita ngataken bujur, bermazmur ntah pe ersurak saja, tapi uga kita ncidahken tindaken nyata si encidahken kualitasta selaku Kristen sejati, alu bage pe kita enggo ersaksi man kalak si deban maka Dibata lit itengah-tengahta.

Cl. Pdt. Julia Elprida Br. Ginting’s

GBKP Runggun Penen

Selamat Melayani

Tertib acara Retreat Moria

Tertib Acara Retreat Moria Gabungen Runggun Penen

1.  Votum    : Kebaktin Retreat Gabungen Moria Runggun Penen enda ibenaken ibas gelar Dibata Bapa, AnakNa Yesus Kristus ras Kesah si Badia.

Salam     : Perkuah ate ras dame ibas Dibata Bapa ras ibas Tuhan Yesus Kristus nari, ibas kerembaken Kesah si Badia ras kita kerina gelah. Amin

Perp       : Amin... Amin... Amin...

2.  Rende     :

Senang ukurku jumpa ras Yesus

Senang ukurku Haleluya

Rasa lalap ateku ras Ia

Senang jumpa ras Yesus Tuhanku

Haleluya Glory 2x

Ersurak surak puji Tuhan

Haleluya Glory 2x

Puji Yesus rasa lalap

3.  Ertoto

4.  Rende     :

Kumasuk ruang maha kudus

Dengan darah anak domba

Kumasuk dengan hati tulus

Menyembah yang Maha Kuasa

KumenyembahMu )

KusembahMu               ) 2x

S’bab namaMu Kudus )

Kudus..... Tuhan....     ) 2x

5.  Khotbah

6.  Pengakun Kiniteken

7.  Persembahen

Nina Dibata kerna persembahen : “Lit kalak si melumbar mere tapi tambah-tambah kebayakenna, lit kalak pelit, tapi tambah-tambah kemusilenna. Melumbarlah mere maka kam reh bayakna” (Kuan. 11:24-25a).

8.  Rende     :

Bila topan k’ras melanda hidupmu

Bila putus asa dan letih lesu

Berkat Tuhan satu-satu hitunglah

Kau niscaya kagum oleh kasihNya

Berkat Tuhan mari hitunglah

Kau kan kagum oleh kasihNya

Berkat Tuhan mari hitunglah

Kau niscaya kagum oleh kasihNya

Adakah beban membuat kau penat

Salib yang kau pikul menekan berat

Hitunglah berkatnya pasti kau lega

Dan bernyanyi t’rus penuh bahagia

Berkat Tuhan mari hitunglah

Kau kan kagum oleh kasihNya

Berkat Tuhan mari hitunglah

Kau niscaya kagum oleh kasihNya

Bila kau memandang harta orang lain

Ingat janji Kristus yang lebih permai

Hitunglah berkat yang tidak terbeli

Milikmu di sorga tiada terperi

Berkat Tuhan mari hitunglah

Kau kan kagum oleh kasihNya

Berkat Tuhan mari hitunglah

Kau niscaya kagum oleh kasihNya

Dalam pergumulanmu di dunia

Janganlah kuatir, Tuhan adalah!

Hitunglah berkat sepanjang hidupmu

Yakinlah, malaikat menyertaimu

Reff : Berkat Tuhan.......

9.       Ertoto kerna persembahen

10.   Rende :

Jahwe sipepayo aku

TandaiNdu aku itehNdu aku

Kundul ntah tedis

Janah sura-surangku iangka Kam

Idauh-dauh nari

Erdalan entah pe medem

Kam kap lalap oh Jahwe sipepayosa

Perbahan Kam simetehsa langkahku

Kerina oh Jahwe

Kuja banci aku lawes

Maka aku la tungkuk ayongku

Kuja nge kulawesken

Maka terligen bas mataNdu

Oh jahwe

Bicara nangkih aku ku langit

Ije kepe inganndu oh jahwe

Entah medem aku bas gelap

Ikepar lawit kuban inganku

Kam pe ije

Ije pe jemakNdu aku    )

Alu tanNdu sikemuhen )

Terang singkleweti aku )

Oh jahwe                      ) 2x

11.   Doa Syafaat

12.   Rende        :

Rirang-rirang gumpari

Gumpari meruah-ruah

Sirang kita gundari

Sirang pe mejuah-juah

Mejuah-juah hey!

Mejuah-juah kita kerina

Kuputikken sada cina

Kugatgati babo meja

Enem wari kita ku juma

Pepituken kugereja

Mejuah-juah hey!

Mejuah-juah kita kerina

Kutukurken sada lilin

Kubereken pedah sepuluh

Adi kita kalak ke-risten

Ula lupa pedah sepuluh

Mejuah-juah hey!

Mejuah-juah kita kerina

13.   Pertoton Tuhan

14.   Pemasu-masun :

Mulihlah alu dame ras mejuah-juah, alokenlah pasu-pasu idur Dibata nari : “Lias ate Tuhan Yesus Kristus, Kekelengen Dibata, ras kerembaken Kesah si Badia, ras kita kerina gelah”. Amin.

Perp   : Amin... Amin... Amin...

PERBAHANEN DIBATA JADI ADAT KEGELUHEN

Khotbah 04 Oktober 2014

Invocatio      : “Tapi man banta sada ngenca Dibata, eme Bapanta. Ibas Ia nari me rehna sinasa lit, janah kempak Ia me perlawesta. Janah sada ngenca Tuhan, e me Jesus Kristus. Arah Ia me kerina sinasa lit ijadiken, dingen arah Ia kita nggeluh”. (I Korinti 8:6)

Ogen             : Mazmur 150:1-6 (Responsoria)

Khotbah       : Keluaren 12:21-28 (Tunggal)

Adi siukuri segedang-gedang geluhta pasti melala kel enggo perbahanen Dibata siterjadi man gunanta. Adi ipindo kita guna nuliskensa, banci saja lanai tertulisken kita pe. Sebab kai? Sebab memang seh kel buena perbahanen Dibata ibas kegeluhenta. Bangsa Israel sendiri pe ibas bahan khotbahta sekalenda nuriken kerna uga perbahanen Dibata siialami bangsa enda. Rencana Dibata simbelin guna mulahi bangsa enda ibas perbudaken Mesir nari. Sope lenga ipeseh Dibata tulah sipesepuluhken, leben ipersingetina bangsa Israel, gelah namaken dareh biri-biri ntah pe kambing ibas binangun pintun rumah. Gelah kai? Gelah sanga mentas kari malekat kematen, la ia masuk ku rumah bangsa Israel. Janah kejadin e nge jadi bena-benana lit hari raya Paskah itengah-tengah bangsa Israel. Paskah e asal katana eme “Pesakh” sierina melewati, enda mereken persinget man bangsa Israel uga malekat kematen e mentasi rumah kalak Iarael, la ia bengket kubas tapi adi rumah kalak Mesir, bengket ia kubas.

Memang adi ibas kita kalak Kristen, Paskah e enggo jadi sada perayaan man banta. Tapi adi man bangsa Israel e jadi adatna. Tentuna pengertin adat enggo sieteh ras-ras eme kerna suatu kebiasan yang diturunkan secara turun temurun. Emakana ibas ayat 26 ije jelas tercatat maka ketetapen enda enggo jadi adat man bangsa e. janah si luar biasa kerna pernyataan ibas ay. 27 “adat e ilakoken guna mpehaga Tuhan”. Hal enda nge sirusur mawen-mawen lanai iinget kita selaku kita kalak karo. Kita rusur ndabuh kubas pemahamen maka erbahan adat e guna mpehaga manusia labo guna mpehaga Dibata, kenca si e kita cebuni ibalik kata Dibata kerna “kai siilakoken ndu man seninangKu e, bage me perbahanenndu man BangKu”,

Temanta sekalenda ngatakensa “Perbahanen Dibata jadi Adat Kegeluhen”. Adi arah konteks khotbahta sekalenda siidah maka perbahanen Dibata e, eme membebasken. Enda ertina maka adat si ipake kita e pe harus sipakeken ka guna mbebasken kalak si deban si lit ibas perbudaken (musil, keterpuruken). Ula min sempat adatta selaku kalak karo justru membelenggu kalak sideban.

Ibas hal enda Gereja tentuna harus beluh jadi penengah kerna si e. soal bahasa/bicaranta enda mawen-mawen la sigejab maka e lanai sue ras kinitekentna, sebab banci saja enggo terbiasa kita megiken kerna si e. ibas mereken uis arin teneng, enggo biasa siakap adi singendesken uis arin teneng e ngerana “enda ibereken kami uis arin teneng man bandu gelah teneng tendi ndu”, padahal kalimat enda banci nge aturna siperjelas “bagi gelar uis e arin teneng, maka Dibatalah simpeteneng tendindu”. Banci aturna ije iselipken kita kerna pedah Dibata, tapi rusuren dengan enda ilupaken kita.

Perbahanen Dibata la pernah pekulah-kulah man manusia, tentu adi perbahanen Dibata e jadi adat kegeluhenta tentuna kita la banci pekulah-kulah. Ibas kerja erdemu bayu tempa-tempa zaman genduari enda enggo wajar siakap pekulah-kulah bage. Ibas kerja erdemu bayu e lit nge luah si man alonken, bagi amak, tilam lit ka lampu, rsd. Tapi rusuren sienda kerina terjeng simbol saja, kenca enggo dung kerja erdemu bayu e kari labo lit e ialoken. Sebab kai kita aturna simaba luah tapi luahta e kalak nukursa lanai kita. Jadi terjeng simbol saja, tentu enda pe banci ikataken pekulah-kulah kap kita ije.

Tapi tentuna rikutken bahan renungenta sekalenda maka, adat e harusna erpalasken perbahanen Dibata, dem alu kekelengen labo pekulah-kulah, membebasken labo membelenggu. Janah sipaling pentin kel, ibas kerina adatta selaku kalak karo harus mpehaga Tuhan Dibatanta. Amin