ETIKA KERJA KALAK KRISTEN

Bahan Sermon Perpulungen Jabu-Jabu Tanggal 28 juni – 4 juli 2015

Ogen   : Kuan-Kuanen 20:13 ; Kejadian 3:17-19

Tujun   : 

-   Gelah ngawan ni perpulungen meteh maka erdahin alu tutus eme pendilo kalak sierkiniteken

-    Gelah ngwan ni perpulungen makeken wari-warina erdahin alu payo

1.      Adi erpalasken Kejadin 3:17-19, melala kalak menganggap maka erdahin eme kutukan ukumen labo pasu-pasu. Anggapen enda muncul ngidah kerna dabuhna manusia si pemena kubas dosa janah iukum Dibata ia erkiteken dosana. Tapi mengacu kubas Kejadin 3:17-19 tempa mereken pengertin seolah-olah dahin/kerja merupaken ukumen ntah pe kutuk siibereken man Adam ras Hawa bagepe kesusurenna. Tapi adi siperdiateken sudut kronologisna maka situhuna dahin labo ukumen akibat dosa manusia. Alasen sipemena ngkai maka dahin e labo ukumen erkiteken Dibata nggo mereken perentah man manusia guna erdahin ope manusia ndabuh kubas dosa (Kej. 1:28). Enda me perentah Dibata sipemena man manusia, beranakcucu, bertambah banyak, memenuhi bumi dan menaklukkannya serta menguasai lautan dan daratan. Perentah enda tentu la terlaksana adi kalak siiperentahkenNa e la erdahin. Alu kata sideban sejak Adam ras Hawa ijadiken Dibata, enggo iperentahkenNa guna erdahin erkiteken erdahin eme tanggung jawab ras bagin utuh ibas kegeluhen. Alasen peduaken eme erkiteken Dibata enggo lebih rinci ngatakenca maka sanga Dibata namaken Adam ras Hawa i Taman Eden, maka kalak enda harus erdahin ibas Taman e (Kej. 2:15). Kata “ngusahai” ras “njagaisa” ijenda tentu masudna eme erdahin. Adam ras Hawa ngusahai taman eden erkiteken eme tugas ras kewajibenna. Arah sienda jelas banci sieteh maka erdahin enggo jadi bagin kegeluhen Adam ras Hawa mulai ia itepa Dibata. perentah guna erdahin enggo ibereken Dibata ope manusia ndabuh kubas dosa. Adi bage kai dage maknana ukumen siibereken Dibata ibas Kej. 3:17-19? Erkiteken ope erdosa enggo isuruh Dibata manusia erdahin emaka kai siipeseh Dibata ibas Kej. 3:17-19 e merupaken penegasen maka manusia erdahin lebih giat ka guna ncukupi keperlun geluhna. Alu bage erdahin eme nehi perentah Dibata sekaligus ngaturken kesinambungen kegeluhen sienggo isikapken Dibata alu dem tanggung jawab. Guna sie tentu perlu kel kepentaren ibas ndalankenca.

2.      Guna si e kitab kuan-kuanen siisina eme kerna kepentaren ras pe nuratken kerna piga-piga petunjuk guna nggeluh ibas keberhasilen. Gelah seh ku je, maka kitab kuan-kuanen enda rusur ncidahken hal si positif ras negatif, gelah simegisa banci meteh simehuli ras ndalanken simehuli e, sebab simehuli e mpereh keberhasilen ras si mpengasup kita nggeluh alu pentar. Salah sadana eme kitab kuan-kuanen mbue ngerana kerna erdahin. Ibas erdahin perlu kepentaren misalna mperdiateken ras erlajar arah perkis (kuan. 6:6), janah ibas oratenta kuan-kuanen 20:13 iperbandingken kerna kegeluhen kalak si perkisat ras kegeluhen kalak si mejingkat. “adi dekahen kam medem, musil me kam, kalak mejingkat cukup me nakanna”. Pengajaren e itujuken man kalak peminum ras mabuk-mabuk si la mperdiateken pendahin (20:1). Seh maka alu la isadarina musil me ia erkiteken la iperdiatekenna kerna waktu erdahin (dekahen tunduh). Arah oratenta enda iajuk kita gelah pentar ngaturken waktu antara erdahin ras istirahat. Ula taren medem-medem lupa erdahin janah ula erkiteken mbue pendahin lupa beristirahat.

3.      Arah duana oratenta enda ipersingeti kita kerna uga kita memandang dahin e sebagai tanggung jawabta janah uga kita ndahikenca alu pentar. Ibas bukuna Delapan Etos Kerja Profesional, Jansen H Sinamo nuriken 8 etos kerja profesional eme:

1. Kerja adalah Rahmat; Aku Bekerja Tulus Penuh Rasa Syukur

2. Kerja adalah Amanah; Aku Bekerja Benar Penuh Tanggungjawab

3. Kerja adalah Panggilan; Aku bekerja Tuntas Penuh Integritas

4. Kerja adalah Aktualisasi; Aku Bekerja Keras Penuh Semangat

5. Kerja adalah Ibadah; Aku Bekerja Serius Penuh Kesetiaan

6. Kerja adalah Seni; Aku Bekerja Cerdas Penuh Kreativitas

7. Kerja adalah Kehormatan; Aku Bekerja Tekun Penuh Keunggulan

8. Kerja adalah Pelayanan; Aku Bekerja Paripurna Penuh Kerendahanhati

4.      Bersyukur ibas pendahin siipercayaken Dibata man banta baik dahin simereken ulih eme gaji, upah, rsd bagepe si la menghasilken upah (misalna dahin rumah tangga) erbahanca kita banci menghargai pendahinta ras ndahikenca alu tutus. Nikmatilah pendahinta si genduari enda ipercayaken Dibata man banta, janah sipndo gelah ibereken Dibata man banta kepentaren guna ndahikenca janah makeken waktu si mehuli.

Cl. Pdt. Julia Elperida Br. Gintings

                                                                                              GBKP Runggun Penen

TUTUS ERDAHIN BIAK ANAK DIBATA

Bahan Khotbah Minggu 05 Juli 2015

Invocatio      : “Aku ngenca meteh sura-surangKu nandangi kam, eme gelah kam senang labo gelah cilaka. Rancanganku eme mereken wari si pepagi bagi siiarapkenndu” (Jeremia 29:11)

Ogen             : Kejadin 3:17-20 (Tunggal)

Khotbah       : II Tesalonika 3:6-12 (Tunggal)

Kata Perlebe

Selama piga-piga minggu enda kita i bimbing alu tema-tema mingguta kerna erdahin ras pengataken bujur. Tuhan erdahin arah pendahinta eme salah sada tema perikop minggu sienggo pernah iulas kita. Janah ibas bahan perikop mingguta sekali enda itegasken ka man banta kerina gelah tutus erdahin sebab e kin biak anak Dibata. Dibata ta memang enggo ngatur ras nikapken kerina siiperluken kita manusia tinepaNa tapi labo berarti kita banci bersantai ras berleha-leha nimai pemere Dibata e. tapi tentu guna ndatken kai sienggo isikapken Dibata e perlu ka perjuangen arah kita. Dibata keleng ateNa kita manusia emakana ididikNa kita jadi pribadi silebih mandiri ibandingken kalak si deban. Dibata la senang adi manusia tinepaNa terlalu bermanja-manja erkiteken pasu-pasuNa.

Pendalamen Teks

1.      Arah bahan Invocatio, maka sieteh nge kerina siterjadi i doni enda situhuna enggo nge irencanaken Dibata. tapi la ka banci kita berpikiran secara ekstrim. Misalna erkiteken siidah kalak si musil, sirayung jabuna, kalak sinarkobaan, labo berarti enggo itetapken Dibata ia ndatken hal si bage. Tapi Dibata nikapken melala rancangen man banta, janah selaku manusia sihakikatna bebas, maka kai siipilih kita ibas kegeluhenta akibatna pe enggo itentuken Dibata. Adi sinehen keadaan doni enda genduari, ija keadaanna labo ertambah cerah tapi ergelapna nge. Adi bage keadaanna lit denga kin masa depan si cerah, simehulina?

Tapi arah kitab Jeremia enda sieteh nge maka ibas masa pembuangen bangsa Israel ku Babel pe kepeken tetap ipelihara Dibata kegeluhen kalak enda kerina. Nabi Jeremia ernubuat man bangsa Israel arah surat kirimenna man tua-tua iantara kalak buangen, man imam-imam, man nabi-nabi bagepe man kerina rakyat sienggo iangkut ku pembuangen oleh Nebukadnezar, arah Jerusalem nari ku Babel. Sienda kerina erkiteken dosa bangsa Israel emaka ibuang ia kerina seh dekahna 70 tahun. Bangsa Israel harus ndiriken rumah, bekebun, beranakcucu ras ertoto man Tuhan guna kesejahteraan kotana. Amin bage gia siarus ilalui bangsa Israel tapi Dibata senantiasa nikapken masa depan cerah man bangsa Israel, emaka harus ia bertahan.

Yeremia 29:11, ngajarken kita gelah        :

1. tek man Dibata sebab wari sipepagi Ia empuna

2. Imani ras cikep teguh padan Dibata simereken pengharapen

Bage pe arah I Korinti 15:58, ngajarken kita gelah bekerja keras, khususna ibas erdahin di ladang Tuhan.

2.      Ogenta Kej. 3:17-20 umumna muncul penungkunen singkat eme erdahin e kutuk ntah lang?, janah pe enggo melala ka nge pembahasen kerna si e. adi siperdiateken kai sitersurat ibas kitab kej. 3:17-20 eme Dibata mengutuk taneh, tapi labo mengutuk pendahin simengusahaken taneh e. kutuk man taneh e erbahanca erdahin ras lingkungen pendahin e jadi lebih sukar tapi labo merenggut nilai erdahin e. Dibata engo leben mereken perentah man manusia guna erdahin sope lenga manusia e ndabuh kubas dosa. Jadi perentah guna erdahin e enggo lit ibas orde penciptaan. Dibata sendiri erdahin. Umpamana erdahin eme kutuk, tentu Dibata la menjalani kutuk. Tapi siperdiatekenlah Kej. 1, tep-tep kali Dibata erdahin njadiken sesuatu maka meriah ukurna erkiteken mehuli kerina, berarti iadepen Dibata erdahin e me hal simehuli.

Erdahin labo kutul tapi pasu-pasu. Dibata sendiri erdahin, ras ipilihNa ka kita pe guna jadi rekan KerjaNya i doni enda. Tentu sada kebahagiaan man banta erkiteken banci siresponi pilihen Dibata guna jadi temanNa erdain. Pengerana 3:22 nina, Erkiteken si e kugejabken maka la lit siterulin seakatan nggeluh ermeriah-meriah ngenanami ulihta latih, sebab eme sikerajangenna. Terjemahen bahasa indonesia lebih tegas ngatakenca “Aku melihat tidak ada yang lebih baik bagi manusia daripada bergenbira dalam pekerjaannya, sebab itu adalah bahagiannya”. Arah dua bahasa enda terjemahen bahasa indonesia lebih cenderung mengena kubas temata minggu enda, erkiteken ibas kita erdahin e nge terindah selaku biakta anak Dibata.

3.      II Tesalonika 3:6-12, Paulus mpersingeti kalak Kristen si kisat erdahin, ntah pe ngarapken perkuah ate kalak sideban saja. Paulus mpersingeti alu tegas, maka adi kalak si la erdahin, ula min ia man. Selaku sekalak perberita si meriah si berhak ndatken upah, Paulus la ngarapken si e saja. tapi ia rela erdahin, bekerja keras guna kegeluhenna, alu bage ia mereken teladan si nyata kerna semangat erdahin.

Ayat 6 “Sirangindulah kerina si perkisat” arah tulisen enda Paulus ngingetkenca maka labo berarti la banci kita erteman ras kalak si perkisat. Tapi lit siperlu man jaganta eme gelah ula min kita terkontaminasi sifat perkisatna. Rasa malas banci saja menyerang kita tapi kita banci nulaksa. Adi kompromi kita ras kemalasen e erbahanca dahinta tertunda, gagal ras pe kalak sideban lanai tek man banta. Ayat 7-9 “labo kami perkisat...” selaku Rasul singelai Perpulungen Tesalonika situhuna berhak me Paulus, Silwanus ras timotius guna datken upah. Tapi si e la inomorsadakenna. Erkiteken selaku Rasul kalak enda pe harus encidahken teladan (walk the talk), la terjeng ngerana tapi ndalankenca. Ayat 10-12 “Kalak si la nggit erdahin ola bere man...” alu erdahin tentu datken hasil guna banci ncukupi keperlun geluh termasuk guna pangan. Adi kalak si la erdahin tentu la ndatken kai pe, man kalak si bage Paulus ngatakenca ula min ia man. Persinget enda labo itujuken man kalak si lanai ngasup erdahin tapi man kalak si langgit erdahin.

Pengkenaina

Guna ngusahaken ras memelihara doni enda, sipertama ibereken Dibata man Adam eme dahinna labo ndeharana. Manusia ipake Dibata guna mengelola doni enda alu mehuli. Situhuna erdahin alu tutus labo guna ndatken hasil, duit, sebab adi bage tentu lalit nilaina kegiaten sosial. Erdahin banci meneguhkan harga siri sesorang. Kalak si lalit pendahinna, tentu labo pang ngangkat takalna alu tegak, mela nge iakapna janah pe sekaligus ka turun harga dirina. Adi bage berarti sifat mekisat tuhu-tuhu sangat memalukan.

Alu semangat tinggi, anak Dibata harus erdahin, ngelaksanaken tugas masing-masing alu ketutusen, berusaha ndahikenca alu sebaik-baiknya, labo sekedar gelah ndatken upah saja tapi alu kesadaren penuh maka memang e enggo jadi tugasta manusia, guna jadi wujud tanggung jawabta selaku tinepa Dibata. alih-alih menjadi beban atau tanggungan orang lain, biarlah melalui pekerjaan kita, justru banci kita nampati kalak si deban si membutuhken.

Alu erdahin maka siikuti me teladan Dibata, bagi siikataken tema nta “tutus erdahin biak anak Dibata”. Dibata erdahin njadiken langit ras doni, mereken nafas kehidupan, mereken semangat ras pe gegeh man banta. Tep-tep wari Dibata ngerancangken damai sejahtera bas kegeluhenta ras mereken pengharapen. Ibas erdahin pe lit waktuna ngadi, istirahat (Kej. 2:3) erdahin terus menerus, terlalu memaksaken diri justru erbahanca kita cenderung ngelakoken kesalahan tapi malas erdahin pe labo ka lit gunana. Erdahin alu sepenuh hati labo alu setengah hati. La munafik, la alu terpaksa, tapi alu meriah ukur alu bage konsentrasi, motivasi, kreativitas ibas erdahin pe lebih baik.mari gunaken O2H otak, otot, hati ibas kita erdahin. Seh maka si persembahkenlah pendahinta guna kemuliaan Dibata. 

Cl. Pdt. Julia Elperida Br. Ginting

GBKP Runggun Penen – HP: 085361753339

MERDANG IBAS GELAR TUHAN

Bahan Khotbah 28 Juni 2015 (Minggu Merdang)

Invocatio      : Bahan maka kalak si merdang dingenna tangis, banci rani alu ersurak (Mzm. 126:5)

Ogen            : Ulangen 33:13-17

Khotbah       : II Korinti 9:6-15

Kata Perlebe

Ope denga reh agama Kristen ku Taneh Karo, masyarakat karo mempercayai animisme ras dinamisme. Mbue kel ritual-ritual siilakoken guna ndatken keselamaten, bage ka guna mempertahanken ras melestariken geluhna. Ritual-ritual eme: upacara mindo udan, upacara erpangir, ras pe upacara merdang. Merdang eme salah sada kegiaten utama siilakoken ope denga nuan. Mulana kalak karo ibas ngelakoken kegiaten merdang enda maka ilakoken lebe sada upacara man beraspati taneh (dewa penguasa taneh) gelahna page siisuan tumbuh subur ras melimpah ka pe hasilna. Bibit page siisuan iumpamaken bagi sekalak anak diberu sibiasa igelari beru dayang. Gelahna beru dayang betah tading ibas juma, maka ibahan me inganna tading eme perbenihen (tempat persemaian). Perbahan serana ras erpengharapen kel kalak karo gelahna hasil peranin e banci mehuli ras melimpah maka ritual siilakoken harus tutus (biasana mereken persembahen sirih).

Pembagesi teks

Ibas mazmur 126 ilatarbelakangi kerna kalak Israel, ija ibas ayat pemena bangsa Israel ngataken bujur man Tuhan ibas ia enggo ngaloken pembebasen ibas taneh pembuangen nari. Tapi seh ayat 4-6 bangsa Israel kecewa kerna situasi sinyata terjadi, emaka erpengarapen kel bangsa Israel gelah Dibata simasu-masu kegeluhenna bage pe hasil sinuan-sinuanna. Perbahan enggo ibayangken, ija ibas sanga nuan-nuan, mulai kin kari merdang-rani mbue kel hal si terjadi terlebih kerna kebiaren gagal panen. Makana bangsa Israel mindo man Tuhan gelahna ipasu-pasu Tuhan kerina sinuan-sinuanna.

Ulangen 33:143-17, bagin enda secara khusus kata-kata terakhir Musa ope kematenna. Ibas bagin enda berisi “berkat” ntah pasu-pasu ija ia melihat nasib setiap suku. Menarik siperdiateken maka berkat enda irancang dalam rangka pujin yang mengangunggkan pemerintahen ras kemenangen Dibata Israel, bagepe kemakmuren man taneh. Ibas bagin enda (1-29) kerina suku ibelasken rikutken khusussenna masing-masing, kecuali Simeon (bd. Kej 49). Menarik kel siperdiateken maka kerina suku e ndatken pasu-pasu rikutken kecibalna masing-masing bagepe kekhususenna ibas tugas ras mata pencaharian (Lewi sebagai imam simabai umat e erpenandan man Dibata, Yusuf jadi Petani, Ishakar ras zebulon sebagai perbinaga). Lalit suku enda si la ipasu-pasu Dibata ertina maka karya ras pendahin kalak enda kerina iperdiateken ras ipasu-pasu Dibata.

Senada ras keadaan situasi bangsa Israel idatas maka Paulus ngatakenca kerna hukum tabur-tuai man perpulungen Korinti. Ija ibas sedekah enda perpulungen Korinti nggo mbue nampati ibas ndahiken dahin Tuhan, tapi Paulus ngingetkenca maka arah ras tujun penampat e labo terjeng mpenahangi baban kalak sideban (perp. I Jerusalem) tapi pe kai siibahanna e sada bagin pengataken bujurna man Dibata 9:12. Paulus nantang kalak enda maka bukti nandai Diabta eme kap keterlibatenna rikutken pusuhna ibas muat bagin ibas dahin keleng ate e (13). Penampat e jadi sada sarana pebelangken berita si Meriah jadi sada bagin saluren gelah kalak erpenandan man Dibata (14-15).

Pengkenaina

Adi kita mere persembahen gelah Dibata banci ngelakoken sesuatu guna kita, misalna gelah kita sembuh, gelah kita bayak, gelah kita sukses, bukankah hal sibage enggo bagi menyuap Dibata? kata memberi banci jadi merosot alu kata membayar. Tiap bulan kita ngeluansi iuren rekening listrik misalna , e labo ikataken memberi taspi keharusen ntah pe kewajiban. Persembahenta man Tuhan banci jadi merosot ertina adi ipandang sebagai suatu keharusan, kewajiban ras peraturen. Dibata engkelengi bagepe masu-masu kalak simere alu ukur meriah (Dibata sincukupken kerina keperluenta). Mere eme wujud pelayanen kasih, labo saja mencukupi keperlun kalak sideban tapi e sebagai bentuk pengataken bujurta man Tuhan. Alu mere maka kalak sdeban pe terpasu-pasu bage pe alu mere secara sukacita maka e sebage bentuk kesaksinta man kalak sideban.

Merdang kepeken labo terjeng nuan ijuma ntah pe erdahin i sabah. Tapi pe kepeken lit nuan ibas arti sideban “nuan kiniulin ntah pe merdang keleng ate”. Enda me siiumpamaken Paulus man perpulungen Korinti. Nuan keleng ate, mpenahangi baban kalak e ulihna ibas Dibata nari. Bukti kita erDibata tentuna kita megegeh erdahin, erbintuas ibas erusaha tapi ibas sisi sideban ngiit ka kita muat bagin ibas dahin keleng ate.

Merdang ibas gelar Tuhan. Kai pe dahinta, usahanta benakenlah e ibas gelar Tuhan. Adi ibenaken ibas gelar Tuhan tentu ulihna pe kari ibas gelar Tuhan ka nge.

Cl. Pdt. Julia Elperida Br. Gintings, S.Th

GBKP Rgn Penen

MERIAHLAH RAS KERINA JELMA

BAHAN SERMON PJJ 31 MEI-06 JUNI 2015

Ogen   : Roma 12:14-18

Tema   : Meriahlah Ras Kerina Jelma (Pluralisme)

Tujun   :

& Gelah ngawan ni perpulungen meteh maka ia nggeluh ibas kinierbagen

& Gelah ngawan ni perpulungen ngasup nggeluh ibas kinierbagen

I. Perlebe

Kerna perbahanen kegeluhen nandangi kalak si sada kiniteken ras si la sada kiniteken e me menjadi bahasenta sekali enda. Kita erbahan si mehuli labo man si sada kiniteken ngenca tapi man kalak si la sada kiniteken pe. Kita erbahan simehuli man ise pe. Sada kisah ibas pelayanen bunda Theresia i Calcutajadi contoh. Sewaktu ia berkunjung ku rumah ras mereken sada karung beras man petani miskin siberagama hindu, petani si beragama hindu enda membagi dua beras sisada karung e, ras mereken man tetanggana si mesera baban geluhna siberagama islam. Erbahan simehuli ras behken kekelengen la banci ibatasi oleh kai pe, termasuk agama.

II. Isi/Tafsiren

Ibas Roma 12 secara keseluruhen, Paulus nuriken kerna lagu langkah ntah perbahanen kalak Kristen ibas kegeluhen si tep-tep wari merupaken penembahen man Tuhan (Ibadah). Jadi penembahen man Tuhan labo saja ibas gereja ntah ngikuti kerina kegiaten kebaktin tapi pe perbahanen kegeluhen si tep-tep wari merupakan penembahen ka nge man Tuhan. Ibas ogen (Rom. 12:14-18), merupakan nasehat man perpulungen Roma si seh kel beratna ndalankenca. Kalak si kegeluhenna dem ibas kiniteken dingen nggit ikuasai Kesah si Badia nge maka ngasup ndalankenca.

Ay.14: “Pasu-pasulah kalak sipesega-sega kam, ola sumpahi” biasana perbahanen kalak nandangi kalak sierbahan la mehuli man bana eme erbalas, numpahi/mengutuk ia. tapi ijenda isuruh kita gelah masu-masu ia. la biasa enda (la normal), sebab memang tidak ada yang normal adi berkaiten ras hal kekelengen si sentudu ras cara Dibata. adi kita erbahan mehuli man kalak si erbahan mehuli man banta, terlebih kalak sienggo leben erbahan mehuli ma banta; bali saja me kita bagi kalak si labo Kristen pe. Tapi kalak Kristen maka perbahanenna harus lebih tinggi levelna. Arah kata ‘ola numpahi’ nuduhken sebage kalak Kristen kita harus tetap nehken kekelengen man kalak si ngelakoken si la mehuli pe man banta. Ola timai respon meriah ukurna ngenen kita, maka kita nehken kekelengen man bana. Kita harus jadi teladan nehken simehuli e, sebab kita encidahken kekelengen man Tuhan labo guna manusia saja.

Siidah sejarah Paulus maka ia pernah jadi kalak si penganiaya kalak Kristen jenari pernah ka ia ianiaya ibas nehken berita si meriah. Emaka banci igejabkenna duana hal enda subuk jadi pelaku penganiaya ras korban ianiaya. Itehna perasaan alami simenginginken erbalas dendam man kalak si mpesega-sega kita. Emaka nasehatna kita ahrus ku level simeganjang enda, adi kita enggo iampuni maka kita pe harus mbue nehken pengampunen man ise pe.

Ay.15-18; merupaken nasehat praktis ibas kegeluhen silebih rendah asa ibas ay. 14. “memberkati kalak si menganiaya kita”. Ertina adi level sipaling tinggi pe kita ngasup, tentu level siteruhenna enggo murah iakap kita ndalankenca. Manusia rusur sukur berjenjang teruh nari ku datas, simurahna lebe maka si lebih mesera. Tapi Paulus ibas mereken nasehat kerna erbahan simehuli e secara radikal. Pola pikir ibas level simeganjang lanai banci berobah, emaka ndalanken hal praktis enggo lebih murah eme:

U  Ermeriah ukur ras kalak si ermeriah ukur

U  Tangis ras kalak tangis

U  Arus mperdiateken keperlun kalak si deban

U  Ola meganjang ukur

U  Pertemani kalak si meteruk pe

U  La beluh akapndu bandu

U  Ola mbalas perbahanen kalak jahat alu kejahaten.

U  Usahakenlah meriah ras ise pe.

Tempa-tempa ibas ndalanken sipraktis enda bagi kalak siikenai pinakit skyzhofrenia eme pinakit terbelah pikiran atau pikiran yang terpecah, bukan gila yang disebabkan dengan banyak emosi yang bercampur aduk dalam diri kita. Kita harus ngasup ngenanami kerina perasaan kalak sideban, tapi bage me kerna keKristenan si payo.

Usahakenlah/lakokenlah erbahan si mehuli man kerina manusia la erndobahen. Arah kalak Atheis ntah berbeda agama pe ras kita, kita tetap erbahan simehuli man bana. Ola pejangjang ukur ukur ernembeh ate e, sebab nina: “ketika anda membenci maka sang pembenci akan kehilangan banyak daripada orang yang dibenci”.

III. Aplikasi

1)      Ibas negara Indonesia enda pada umumna kita nggeluh ibas kecibal sierbage-bage agama/penganut kepercayaan (pluralisme). Masyarakatna pe majemuk eme erbage-bage suku bangsa kita ibas bingkai negara “Bhineka Tunggal Ika” enda. Ngasup nggeluh ersada ras ise pe sue ras kata Dibata sijadi ogenta sekali enda. Si man jagan gelah ola min terjadi konflik ras teman si berbeda agama enda. Konflik labo lit untungna, tapi nggeluh dame erbahan malem ateta. Lakoken kata Diabta, ola balas kejahaten, la numpahi, tapi meriah ras ise pe.

2)      Maka ngasup kita nggeluh ibas kinierbagen e alu dame, uga carana? Kita la bersikap eksklusisme: pengidah kegeluhen sihitam-putih, benar-sesat, anak Allah-Anak setan. Sikap bage cenderung menentang kalak si la seri ras kita. Tapi sikap pluralisme: menghargai perbedaan ras membangun komunikasi bage pe kerjasama guna si mehuli, umpamana mengentaskan kemiskinan, menentang ketidakadilen, menentang KKN, rsd. Tapi pe guna kinitekenta pribadi kalak Kristen arus tegas, “ola ninta seri kerina agama”. Kalak Kristen harus maka adi kerna keselamaten jelas hanya Joh. 14:6 “Yesus ngenca dalan ku surga”, taspi tetap ergaul ras ise pe.