Hidupku Bukannya Aku Lagi

Khotbah Natal Permata Rgn. Periaria

29 Desember 2014

Nats     : Galatia 2:20

Tema   : Hidupku Bukannya Aku Lagi

…, sanga anak sekolah minggu denga aku mbarenda, lit lagu anak sekolah minggu sibagenda laguna “Hidupku bukannya aku lagi tapi Yesus dalamku 2x” adi sirenungken makna lagu enda situhuna dalam kel. Engkai? Sebab memang kin tuhu-tuhu geluhta I doni enda labo kita empuna. Tapi kalak si erkiniteken arusna geluhna e Dibata empuna. Adi bage pengangkanta tentu lit pasti pergolakan ibas pusuhta guna ingin berubah kita. Adi selama enda kita nggeluhken geluhta e man gunanta saja, mulai gundari mari nggeluhken geluhta e guna Dibata. memang ibas awal2 keinginenta mau berubah pasti melala kel tantangen, bahkan mungki resiko. Melala buku2 kesaksin kalak si ngaloken Jesus sincritakensa tantangen2 si ni hadapina. Di usir dari rumah, dibenci teman-teman, mau membuang berhala2 yang selama ini diTuhankan bagi penglaris misalna, seh maka bangkrut kepeken usahana, la jadi sinuan2na, la kena erga barangna, tapi adi tetap setia ibas pencobaan awal enda maka upahna pasti lit isikapken Tuhan man kalak si setia e.

Rasul Paulus ibas perubahenna si anti Yesus sungguh2 drastis, ia siawalna munuhi kalak, ngayak-ngayak kalak, nyiksa kalak si tek. Justru jadi kawan sekerja Allah, Hamba Tuhan, ikut muat bagin ibas mpeseh berita injil kubelang2 doni. Sekitarta enda pe lit ka nge kalak si drastis perubahenna guna ngikutken Tuhan Yesus, dosa-dosa sindekah ilepasken, misalna saja adi anak-anak muda usur kel ndabuh kubas dosa perzinahan, percabulan, pornografi. Hal-hal sibagenda si rusur menggoda anak-anak muda. Mawen2 tempa2 mereha siakap, tabu siakap adi ncakapken hal si e, tapi adi guna perobahenta ku hal-hal si mehuli engkai maka lang. “Tapi ula vulgar kel bahasana vicaris, me bage?” anak-anak muda si kin memang nggo alokenna Tuhan Jesus tubuh ibas pusuhna, pasti lanai ia mudah tergoda ku hal-hal sibage ikataken kami ndai.

“Darah muda darahnya para remaja..” nina lagu roma irama, Permata pe darah muda denga nge darehna. Kai maksudna? Labil denga, lenga beluh ngaturken emosi. Tapi adi masa-masa nguda e la nggit berobah, mesera nge pagi berobahna. Adi la kam tek sungkun kari lansia, ajarken perobahen man bana, lanai bo masuk e, mis nge kari “matt” kita singuda e ban na, emakana sanga kita nguda e lah, nggit megiken ajar, nggit berobah.

…, terkadang la siperdiateken, maka situhuna perobahen ibas kita e harus terus continue, 1 Kor. 11:1 “Usihlah dage aku bage aku ngusih Kristus” Rasul Paulus pe maksudna nulisken surat enda labo berarti ia nggo sempurna gusih Kristus, tapi lit kininggiten guna setahap demi setahap berubah ku arah lebih baik. Lit piga-piga tokoh2 Alkitab simereken contoh man banta kerna jatuh bangun ibas ngusih Kristus. Nuh, ibas ia setia ngikutken Dibata pe lit paksa-paksa ia ndabuh, mabuk ia oleh anggur. Musa pe ibas kesetiaanna ngikutken Tuhan lit ka masa-masa ia memberontak, sanga isuruh Dbata ia ngerana ku batu gelah ipedarat lau arah batu e nari, tapi malah ipek-pekna batu e. ibas hal si e kerina nandaken maka kita enda manusia denga, labo kita Dibata si sempurna tapi hal penting sijadi cataten eme, nggit min kita berubah, gelah hari lepas hari reh sempurnana kita ilebe-lebe Dibata.

Ibas renungen natal enda, Rasul Paulus ngajuk kita arah Kata Dibata e, gelah nggit min kita nggeluhken geluhta e labo laku perbahanenta si ndekah tapi geluhta simbaru e mutlak ras berpusat ku Yesus.

Ø  Pernah kin kam Permata itawari Jabaten/ Promosi tapi alu syarat harus nadingken Jesus? Melala kel kejadin sibage, mungkin hal sibagenda pe lit isekitar ta.

Ø  Pernah kin kam Permata, erkiteken kedudukenndu tapi justru erbahan kam la bijaksana, malah menyalahgunakan keduduken e.

Ø  Ntah pernah kin kam Permata itunjuk guna jadi pengurus/petugas ntah panitia natal tapi justru itulakndu alu seribu macam alasen? Padahal situhuna ibas pikirenndu labo kerna hal sie, tapi erkiteken la nggit latih, tapi arah pudi justru mandangi dahin kalak. La ia nggit erdahin, la nggit ertanggung jawab ibas hal si e, tapi justru pandangina kalak sierdahin.

Melala kel perilaku nta si ndekah, si seharusna itadingken kita adi kin memang siaminken maka kita e kalak si nggo tek man Tuhan, Permata si erkemalangen Dibata. Permata e me tiang Gereja, jadi adi Permata la paguh kinitekenna uga kari gedung gereja e, tentu mudah iruntuhken.

Jadi uga carana gelah la mudah iruntuhken gereja e? harus lit ibas kita kebutuhan pokok Rohani (KPR), labo kompleks Perumahan Rakyat tapi Kebutuhen Pokok Rohani            :

ü  Tumbuh Didalam Firman Tuhan →Kata Dibata ngatakenca maka kita harus hidup di dalam kasih, nggit pikul salib. Ras pe hal sipentingna eme mau mematikan tabiat2 yang lama alu makeken tabiat2 simbaru

ü  Doa → orang-orang muda harus tekun berdoa, gelah tetap ipengasup makeken tabiat2 simbaru. Alu tekun berdoa maka orang muda e mudah dipimpin Roh Allah.

ü  Persekutuan & Ibadah → arah persekutuan ije nge banci kita saling menasehati. Kalak si la nggit inasehati berarti ia keras hati, janah ndabuh me ia kubas dosa kesombongan piah kedungenna ndatken cilaka Amsal 29:1 “Kalak si mekeng, aminna pe usur gia ipandang, ibas sada paksa la banci lang getem, lanai terpekena mulihi”

Adi sungkun pe kita sada persada pasti nggitten nge kita ndatken pasu-pasu Dibata asangken palu-palu Dibata. emaka sanga ipersingeti Dibata kita arah katana ula kita mekeng, adi nina Tuhan sendah Permata harus berobah, Hidup permata bukan miliknya tapi kegeluhen Permata e Dibata empuna. Maka dalankenlah kegeluhenndu alu erkemalangen man Tuhan. Amin

Ibas Ia Ngenca Lit Kegeluhen

Khotbah Natal 25 Desember 2014

Introitus      : Sabab Ia reh guna merentah doni enda. irajaiNa kerina bangsa i doni enda alu bujur ras rembang tengah. (Mazmur 98:9)

Ogen           : Mzm. 98:1-9 (Anthiponal)

Khotbah      : Johanes 1:1-9 (Tunggal)

Tema          : Ibas Ia ngenca lit kegeluhen

Masa-masa Natal memang identik kel alu symbol-simbol terang, bagi cahaya lilin, pohon terang ras  pe lampu kerlap-kerlip. Janah pe lit ka ilantunken lagu-lagu natal siberhubungen ras simbol terang e, bage pe tanda kelahiren Tuhan Jesus sendiri la terlepas arah simbol terang ntah pe cahaya, misalna saja bagi cahaya malekat si reh ndahi permakan i mbal-mbal guna meritaken kerna ketubuhen Jesus e, bage pe lit ka bintang i Timur si menunjukkan arah man orang-orang Majus, bintang tanda kelahiran Jesus. Tapi pernah kin terpikirken kita kai kin situhuna makna terang e? atau mungkin terang e terjeng ritual keagamaan ngenca man banta (adi natal ningen e lenga klop adi la nagani lilin, terjeng bage saja), la sieteh kai ertina. Terang e lit dua ertina       :

1. Terang e simbol pengorbanen →Jesus e reh Ia ku doni enda, man gunanta. Ia reh labo tanpa alasen, tapi Ia reh maba dame, Ia maba pengajaren man kalak si la megiken ajar, Ia reh maba pedang man kalak si la nggit erbahan hal si mehuli. Jesus e nggit mereken kerinana man banta, waktuNa, tenagaNa, pikirenNa, bahkan ngasamken kesahNa. Nggit Ia ianggap perdosa gelah kita manusia lanai erdosa ras pe banci ngaloken kegeluhen situhu-tuhu.

Ø  Padahal me banci saja jesus e tenang-tenang Ia i surga. Cukup itatap-tatapNa saja uga kita nggeluh i doni enda. Kenca bage, adi nggo seh masana kari ibas kerehenNa peduakaliken, tading iukumNa saja kalak si la nggit ngikutken perentahNa. Tapi kepeken Jesus perkeleng kel ia nandangi kita tinepaNa, labo ipelepasNa kita ndalani kegeluhenta, tapi ia pe nggit ikut ngenanami kai siinanami kita i doni enda. (Jesus pe pernah muas, ngenanami mesui, igombang-gombangi kalak, ifitnah, perbahanenNa simehuli ibalas salu kejahaten) kita pe me pernah ngenanami hal si e.

2. Terang e simbol penunjuk arah → Bagi orang-orang majus i Timur nari, ietehna ketubuhen Jesus arah terang bintang. Amin pe ieteh kita maka kalak majus e pe logikana ka ipakena, labo bintang ndai iikut-ikutna. Iakapna “anak Raja nge pasti situbuh e” mis ia reh ku istana herodes, piah anak-anak kitik si la ersalah pe jadi korban kerna kinilapatuhen kalak majus enda. Tapi misalna ndai binta e saja iikut-ikut kalak enda, pasti mis kel ietehna ija nge tubuhna Jesus e. terang Jesus e pe kepeken ngasup mereken arah sitepat, adi erdalan kita ibas gelap.

Ø  Adi kegelapan bagi mate lampu lah misalna me enggo terbayangken kita, apai ka ikuta nta enda, memang enggo tempa-tempa lit rosterna mate lampu. Adi mate lampu me mesera nge siakap erdalin, apaika tantangna mate lampu e, pasti kidaramen nge kita ija nge lilin, ndarami lilin e pe, pasti mesera nge siakap bagi lagu karo nina “Ula cidadap.. ula cidadap.. adi mate lampu e, cidadap kari.. cidadap kari.. kudin belanga” adi cidadap kita sangana mate lampu e, banci si kin la arusna terdadap kita, jadi terdadap. Adi kudin belanga terdadap kita, me tentu mbiring ibahanna tan nta. Bage ka nge adi kita erdalin ibas kegelapen geluh enda, cidadap denga kita ndarami apai kin dalan sipayo, piah kedungenna terdadap kita nge kudin belanga ndai, ikut arus kita kubas geluh kalak si la bujur.

Ilustrasi

Lit sekalak mandor ibas proyek bangunan sitinggina lit 10 lantai. Sangana mandor e i tingkat 7, mentas nge sekalak buruhna i lantai 2. Mandor enda ndai atena ngerana man buruhna e, jadi mulai me ia teriak-teriak, ngelebuhi buruhna e. tapi perbahan jarak lantai 7 ku lantai 2 ndauh kel, emaka sora mandor e la ibegi buruhna ndai. tapi la kehabisen akal mandor e ndai, ibuatna sen logam erga 500, benterkenna ku buruhna ndai, pas kel ndabuhna la ndauh arah buruh e nari, (adi kita manusia biasana me, adi sen ningen pasti jeli kel) emaka buruh e pe ipungutna sen 500 ndai minter kantongina, la ipernenna ku datas. Ndarami akal ka me mandor e ndai, buatna ka batu kitik, benterkenna ka ku buruh e ndai, pas kel kena takal buruhna ndai, spontan kel buruhna e ngenehen ku datas, ise ka kin si mbenter aku e ‘te na? kenca nehenna ku datas, emakana banci me ngerana mandorna ndai man bana.

Makna

Dibata pe mawen-mawen ngelakoken hal si erbahanca kita nge-nen Ia. Adi pasu-pasu siiberekenNa bagi sen 500 ndai la banci erbahan kita nge-nen Dibata, maka banci saja iberekenNa man banta kiniseran, gelah kiniseran e lah gia erbahanca kita nge-nen ku Dibata.

Selaku Ia dalan kegeluhen nta, pasti enggo isikapkenNa rancangen-rancangen si mulia man banta, rancangen si erbahanca banci kita senang i doni enda, tapi adi kesenangen e justru erbahanca kita lupa nandangi Ia, pasti cara sideban nge ilakoken Dibata man kita.

Dibata e simereken terang kegeluhen man kita kalak Kristen tapi lit piga-piga tipe terang kalak Kristen sibanci iperdiateken kita :

1. Terang lampu listrik

     ↔ Lampu listrik cahayana me tergantung PLN nari, adi iputusken PLN arus listrik, maka lampu ndai tentu la menyala. Ibas kita kalak Kristen, lit deba-deba ketergantungen man kalak si deban. Bagi lampu ndai ketergantungen man PLN. Adi lalit kalak sideban si menopang kita ntah pe sada organisasi, persadan si mengangkat kita, lanai teridah terangta ndai.

2. Terang lampu petromak

     ↔ me itandai kita denga lampu petromak? Lampu siperlu ipompa ia gelah gara. Bage ka terang kalak Kristen si lampu petromak, la ia banci memicu dirina sendiri, la ia banci menyemangati dirina sendiri. Harus lit kalak si deban ngiahken ia gelah reh gereja. Adi lalit pendorongna la ia ku gereja, biasana e siteridah kel ibas singuda-nguda anak perana, perban lit siikeker2na, singena atena, makana reh ia ku gereja “gelah ieteh adek ah aku rajin, gelah ieteh abg ah aku tutus”, tapi kenca lanai je sijadi pemompana ndai, lanai ia idah-idah, piah redup nge terangna ndai.

3. Terang obor

     ↔ adi mbarenda sope lenga lit lampu listrik bage gundari, lampu obor nge ipake kita. Tapi lampu obor e lit kelemahenna eme, ipedaratna asap mbiring. Asap mbiring enda siibaratken roh kesombongen. Mungkin saja arah darat teridah kita sekalak situtus kel erkiniteken, tempa-tempa erkemalangen kita man Dibata. tapi justru perbahan si e, turah pengakapenta maka ganjangen siakap kita ibandingken kalak si deban. Terang obor enda, bagi malekat Lucifer, awalna ia pemimpin puji-pujin i sorga tapi perban meganjang ukurna, iambekken ia ku doni, lanai ia jadi pemimpin puji-pujin i sorga.

4. Terang lilin

     ↔ Lilin enda memang adi ibandingken ras terang sideban ndai labo uga kel terangna. Tapi adi ibas ruangen gelap, terang sikitik epe terakap kel. Janah pe perlu kita mencontoh tabiat hidup lilin enda, lilin enda seh keri ia tertutung, tetap ia gara, nggit ia ngorbanken dirina seh keri gelah isekelewetna iterangi amin pe alu terang si kitik.

Ø  Dibata Bapanta si i sorga pe, iarapkenNa kel kita bagi lilin enda. Seh ku penghujung kesahta pe tetaplah kita ncidahken terang kinitekenta i doni enda. Lanai kita pasang-surut ibas erkiniteken, tapi terangta e tetap, lanai milep-ilep. Emaka gelah tetaplah terangta e ersinalsal, haruslah kita nggeluh ibas dalan si enggo itetapken Dibata man banta.

Dibata simasu-masu kataNa ras ipengasupna kita ndalankenca ibas kegeluhenta. Selamat wari Natal. Amin.

Kudus dan Tak Bercacat dimata Tuhan

Nats       : I Pet 1:13-16

Tema     : Kudus dan Tak bercacat dimata Tuhan

Adi siperdiateken tema nta enda, tempa-tempa bagi kalimat kiasen ngenca. Sebab memang labo mungkin lit manusia si sempurna. Adi kudus ikataken tentu tidak becela, lanai lit man pandangen enggo mejile kerina, mehuli perbahanenna. Tapi kai ninta rusur manusia guna membela diri. Aku enda manusia biasa, jadi wajar adi ngelakoken kesalahen/dosa.

Tapi justru hal simenarik siiangkatken Paulus ibas surat-suratna, rusur kel ia menyapa jemaat-jemaat na alu panggilen orang-orang kudus adi ibas bahasa karo ikatakenna “Anak-anak Dibata”, jadi akap kami memang lebih tepat terjemahen bahasa Indonesia. Paulus rusur menyapa jemaatna alu kata orang2 kudus labo berarti perpulungen ibas paksa sie lalit cacatna, lalit kesalahenna, lapernah erbahan dosa, Lang! Justru hal sebalikna :

ü Jemaat Korintus simengenal kelompok-kelompok, la akur sada ras sidebanna.

ü Jemaat efesus sirusur inasehati Paulus alu pedah-pedah gelah ngelakoken kekelengen, ertina jemaat enda pe lit kecenderungenna la nehken kekelengen man temanna.

Tapi engkai maka Rasul Paulus ngataken maka kalak enda eme orang-orang kudus?

Mungkin banci saja terpintas bas kita, maka rasul Paulus e mungkin atena ngajarken kerna perfeksionisme? Adi anak Dibata harus ngelakoken hal simehuli, lanai banci ngelakoken Dosa, harus badia geluhna. Tapi situhuna lang! sebab Paulus sendiri pe ngatakenca ibas I Tim 1:15 “aku siberdosana kel”. Surat I Yoh. 1:18, pe ngatakenca, adi sikataken kita la erdosa maka kita enda penipu.

adi bage uga dage caranta banci jadi kudus, badia, la cacat ilebe-lebe Dibata? tentuna labo arah gegehta, labo arah perbahenta. Tapi erkiteken keleng ate DIbata man kita manusia. Sope lenga ijadiken Dibata doni enda enggo ipilihNa kita guna jadi anak-anakNa sibakal ngaloken janji keselamaten arah Yesus nari. Engkai maka aku kalak sila benar, la jujur, la setia, banci jadi kalak Kristen? Mesera kel njelaskenca adi arah pemikirenta nari, sebab pemikirenta enda terbatas, kita siterbatas enda labo banci siangkai kerna kerina rahasia Dibata enda. Tapi sipasti keberadaanta selaku kalak Kristen, labo berarti lebih Badia kita ibandingken kalak sideban. Tapi erkiteken keleng ate Dibata silaterbatas eme sierbahanca kita ibadiaken.

Pernah iidahndu bunga si mbentar kel warnana? Uga adi bunga simbentar e sinehen alu make kacamata warna biru? Tentu bunga sindai aslina mbentar ia bakal jadi kebiru-biruan siidah arah pandangenta. Bageka pe kepeken Dibata ngenehen kita, arah kacamata Yesus Kristus. KerehenNa ku doni enda nadingken kebadianNa i surga, nusur ku doni enda ibas ingan sihina kel, gelah kita ibadiaken. Alu kacamata kekelengen lanai iidah DIbata kerina perbahanenta silamehuli, lanai iperhtungkenNa kekurangenta, tapi isempurnakenNa kita arah Jesus Kristus.

Misalna adi kita nukur mobil alu kredit pasti harus lit lebe DP-na, jadi jaminen ntah pe janjinta/ tanda jadi maka mobil e pasti silunasi. Dibata pe ibas ia erjanji man banta mereken keselamaten, lit DP-na leben iberekenNa jadi jaminen, maka keselamaten siijanjikenNa e pasti ilunasina kari ibas waktuna. saja sijadi permasalahen eme mawen2 kita la nggit ngaloken DP enda ndai. kai kin DP na? Kesah si Badia. Kesah sibadia e jadi tanda sebagian kecil kerna keselamaten sienggo ijanjiken Dibata man banta.

Misalna pe adi siidah bulan i langit, amin pe sitik dengan ia idah, pasti la pernah sikataken “nehen min lit sebagian bulan I langit” labo pernah bage ninta tapi pasti sikataken “nehen min lit bulan I langit”. Ertina alu ngidah sebagian kecil saja enggo sieteh maka situhuna labo terbagi-bagi bulan ndai tapi lenga waktuna idah kerina.

Bage ka pe gereja, mungkin siidah kita sebagian kecil ngenca gereja e ngelakoken hal sibenar, tapi situhuna e labo ngurangi kerna kebenaren gereja secara keseluruhan.  Justru orang-orang Kristen yang merasa sok benar dan sok suci, alu ngidah kesalahen gereja sitik saja pe mis itadingkenna gerejana, membenci gerejana. Padahal situhuna gereja justru membutuhkan orang-orang Kristen terbaik guna memperbaiki gereja e labo menghakimi. Adi kam kerina ngidah lit kekurangen gereja, ula mis sicap gereja e jadi gereja si bobrok. Sebab situhuna itengah-tengah sora si merdu pe pasti lit nge sibegi sora sisumbang. Emaka itengah-tengah pertikaian pe pasti lit kekelengen.

Bagelah kita arusna jadi anak-anak Dibata si la ercacat iadep-adepen, tapi tuhu badia kegeluhenta. Erkiteken tetap berusaha kita ndalani kegeluhenta bagi singena ate DIbata. labo sura-suranta sidalanken, tapi ikutkenlah sura-sura Kesah si Badia. Tetaplah erkemalangen man DIbata, alu bage Dibata pe meriah ukurna ngidah kita kalak sitek ndalani kegeluhenta bagi sisentudu ras ngena ateNa. Amin.

Labo lit simetahat ibas Dibata

Bahan Sermon Khotbah Minggu

21 Desember 2014

Introitus          : Lit kin simetahat ibas Tuhan? (Kejadin 18:14a)

Ogen               : 2 Samuel 7:1, 11-16

Khotbah          : Lukas 1:26-38

Thema             : Labo lit simetahat ibas Dibata

I. Kata Perlebe

Ibas pustaka si Badia lit piga-piga ketubuhen si iikuti alu kejadin-kejadin menarik. Sanga Dibata mpeseh kataNa guna mberitaken ketubuhnen sekalak anak, lit piga-piga tanggapen siibereken calon pernanden. Contohna ibas Kejadin 15:9-15, sanga tawa Sara perbahan Dibata erbahanca mehuli kulana, padahal ia enggo metua. Iakapna e labo mungkin terjadi, lit keraguanna. Ibas Lukas 1:18, zakaria, Bapa Johanes peridiken, ia pe ragu kerna kata-kata malekat man bana. Jelas kel berbeda ras sikap siimiliki Maria, tupung ialokenna berita arah Malekat nari, amin pe mbue kel resiko si arus itanggungna, resiko si mberat tapi ikatakenna “Kuendesken diringku man Tuhan, janah jadilah ibas aku bagi sienggo ikatakenndu e!”. 

II. Pendalamen Nats

Ketubuhen Jesus Kristus ku doni enda, memang sejak awal enggo menimbulken gejolak man kerina jelma siterlibat ibas proses ketubuhen e. sikataken saja Jusuf ras Maria, amin pe kalak enda duana statusna tunangen denga tapi DIbata make peranaken Maria guna mengandung Jesus. Persoalenna, man Maria enda suatu tantangen siluar biasa. Sekalak diberu singuda denga, silenga erjabu tapi enggo mehuli kulana. Ibaratna enda bagi ndatken bencana yang besar ibas paksa si e. pasti mbue kel perkataan kalak silapayo kerna ia, mungkin kalak sienterem bakal menganggap ia sekalak pelacur. Janah pe kenca enggo melahirken, diberu sihamil diluar nikah e arus ngurus anak e sisada tanpa lit penampat arah perbulangenna nari si kin memang ibas paksa si e statusna bertunangen, ia pe kemugkinan menerima akibat maka Jusuf banci saja nulak ia jadi calon ndeharana.

Bagi Jusuf ras Maria, keajaiban ketubuhen Jesus harus berbenturen ras konsep nggeluh masyarakat paksa si e (seh gundari pe), eme menolak kehamilan sope lenga erjabu. Maka konsekwensina eme ndatken kemalun siarus itanggung Jusuf ras Maria. Memang sangana Maria ngaloken berita e lit gejolak ibas pusuhna, seh maka ikatakenna : “Kuga banci jadi e man bangku?” tapi pernyataan iman Maria teridah ibas ayat 38.

Perban kiniteruken ukur Maria sirela menyediaken geluhna guna ketubuhen Kristus, Dibata pe la pernah nadingken Ia. Adi iperdiateken, amin pe ketubuhen Jesus la sejalan ras pemikiren manusia, krina proses e tetap berjalan dengan baik ras lancer. Erkiteken kai? Perban la lit simetahat man Dibata.

Ayat 26, itegasken maka sanga reh Malekhat ndahi Maria, Elisabet enggo 6 bulan natang tuah. Lukas eme sekalak penulis simendetail ibas nulisken kerna keterangen waktu. Ibas ayat 26 enda sieteh maka kenca Elisabeth enggo 6 bulan natang tuah emaka ipebetehken ku Maria bahwa ia pe bakal mengandung. Ibas sienda berarti umur Jesus lebih muda 6 bulan ibandingken Johanes Peridiken.

Sifat kiniteruken ras kepatuhen Maria situhuna eme buah kinitekenna sihebat. Bukti nyata kinitekenta eme sibakal menakluken pikirenta, seh maka kita lanai pang erbahan alasen man Dibata, sebab keberanienta nimbak kata Dibata eme awal ketidakpercayaan. Adi kata Dibata jelas, ula pernah kita nimbaksa amin pe mungkin saja e la logis ntah pe beresiko berat. Tapi kesadaraen kerna pasu-pasu Dibata simbelin mengharuskan ras empengasup kita guna ngikut Dibata ras peratenNa.

Ibas salam siikataken Malekat man Bana, Maria sadar maka ia ndatken psu-pasu idur Dibata nari. Kesadaren Maria erbahanca ia meteh maka situhuna labo ia pantas ndatken pasu-pasu e. ia sadar maka pasu-pasu Dibata e nge sierbahanca Dibata milih ia. Selanjutna ia pe sadar maka Dibata pasti empengasup ia gelah patuh. Memang mbue resikona tapi Malekat e mpersingeti ia maka Kesah si Badia pagi nusur ibabo Maria guna melindungi ras mpengasup ia. Dua alasen enda me sierbahanca Maria patuh nandangi sura-sura Dibata sibakal terjadi man bana.

III. Pengkenaina

Arah cuplikan peristiwa petubuhen Jesus simenghebohkan enda, pernah kin kita ngadi kentisik ibas kerina aktifitas ras kesibukenta, jenari ngerenungken sada pertanyaan sederhana : engkai maka Kristus nggit reh ku Doni si dem alu dosa enda? Jawaben pertanyaan sederhana e enggo menghasilkan bejilid-jilid buku siitulisken para ahli, si kin memang membeberken sada hal ngenca , eme “Keleng ate Dibata nandangi doni enda”. Adi Maria ngueken kai siikataken Malekat Gabriel man bana, perbahan keyakinenna kerna keajaiban Dibata. ibas situasi si sulit pe Maria tetap ngatakenca “kundesken diringku man Tuhan. Janah jadilah ibas aku kai sienggo ikatakenndu e”.

Ibandingken ras bahan ogenta pe Raja Daud ncidahken uga kinitekenna nandangi kai siijanjiken Dibata man bana. Jadi sekalak raja tentu labo hal sigampang, tapi perbahan kai sienggo ikataken Dibata man bana, tetap me ukur Daud maka ia pasti ipengasup Dibata guna mpekena-kena bangsa Israel, bangsa si memang cukup mbelin adi iperentah sekalak raja. Sura-sura Daud janah pe keyakinen bangsa Israel ibas paksa si e adi la kin Dibata ras kalak enda, emaka pasti talu nge bangsa e adi iserang bangsa sideban. Emaka ibas sura-sura Daud guna majekken rumah pertototn man Dibata, situhuna pemikiren Daud menganggap maka Dibata e banci ikungkung ibas sada ingan (rumah pertoton) gelah lanai lawes Dibata e nadingken kalak enda. Pemikiren sibagenda rupana banci saja muncul arah pengangkan Daud selaku manusia biasa, mbiar ia la ngasup jadi sekalak Raja guna mimpin bangsa simbelin, bangsa sitandai memang keras kepala. Tapi perbahan perkatan Dibata arah nabi Natan, ipetetap Dibata ukur Daud, maka amin pe la ipajekken rumah man Dibata, tapi situhuna Dibata e tetap ras ia. Janah hal siluar biasa, Dibata erpadan maka sekalak anak raja Daud (Salomo) jadi raja gancihken ia kenca Daud mate, janah penampat Dibata man anak Raja Daud e la pernah ibuatna mulihi. Emaka kenca Salomo jadi raja, amin pe ia erbahan salah tetap denga ia jadi raja seh mate. Janah janji Dibata maka sekalak ibas kesusuren raja Daud e kerajaanna la erpeltep-peltep ras tetap paguh, igenapi Dibata ibas ketubuhen Jesus Kristus (Kerajaan Tuhan Yesus la ermasap-masap seh rasa lalap). Tuhu-tuhu luar biasa janji Dibata man kalak si ngikutken pedah Dibata.

Adi sendah Dibata maka kerina kegeluhenta guna ngelai ia, la kin e pasu-pasuna man banta, nginget maka kita enda bagi sampah si lalit ertina? Nggit kin kita ipake Dibata amin pe harus nadingken kerina impian ras sura-suranta? Adi lit denga keraguenta guna ngelai Dibata, la kin Dibata simenopang kita? Mari dage kita ngelai Dibata ali gegeh sienggo iberekenna man banta. Kerjakan baginta, maka Dibata pasti ngerjaken baginNa. Bagi kiniteken Maria singasup ngatakenca “Jadilah man bangku”. Encidahken maka ibas kemustahilan ipikiren manusia, tapi ibas Dibata lalit simetahat.