Geluhku Enda Kado Man Bandu, Bapa !

Renungan Natal 06 Des 2014

Nats       : Jesaya 9:6-7
Thema  : Geluhku enda kado man Bandu, Bapa!

mungkin sangana sioge bahan renungen nta enda tentu ibas pikirendu enggo lit gambaren kerna garis besar sijadi intisari khotbah wari enda. Sebab memang jelas, arah kai sienggo ioge kita ndai e me alasen nta guna pulung/erkebaktin ibas paksa enda. “Sekalak anak enggo tubuh man banta” enda alasen utama nta, Tuhan Jesus enggo reh ibas rupa manusia ku doni enda. Adi nggit kit mperdiateken isi pustaka sibadianta pasti terheran-heran nge kita kerna berita siisehken ibas ayat 6-7 enda. Engkai? Kitab Jesaya itulis tahun 700-680 SM, tapi enggo ietehna kerna bakal reh Juruselamat e, kerna kerehen sekalak anak manusia sibakal membebasken bangsa Israel ibas kiniseranna. Silebih aneh ka, ietehna ka maka anak e eme anak “dilaki”. Enda me hal siluar biasa.
Zaman gundari saja adi sekalak calon pernanden USG ia ku dokter kandungen gelah eteh calon bayina e diberu ntah dilaki saja pe, banci nge lit kesilapen. Padahal ibas alat2 pengecek I kodekteran ah cukup canggih ninta. Banci kari anakndu e dilaki nina kepeken kenca tubuh diberu kepeken, bageka pe sebalikna. Bahkan banci saja kerna dugaen si la tepat e menimbulken kekecewaan ibas kita. Apai ka ibas sada keluarga e enggo 7 anakna diberu kerina pas anak si nomor 8 “anak ndu e dilaki nina dokter” ibas paksana tubuh anak ndai kepeken diberu ka.
Tapi jesaya e memang tuhu-tuhu2 nubuatna e tepat ras pasti bakal tubuh me pagi sekalak anak dilaki man gunanta, Ia me penampat simeganjangna, Bapa sirasa lalap. Luar biasa kel, tentu kabar enda menggembirakan hari bgsa Israel ibas paksa si e. adi kita gundai enda uga? Bagi bangsa Israel mbegi nubuat enda kin keriahenta entah biasa2 saja siakap.
lit sekalak anak kitik sangan ia mperdiateken hadiah-hadiah natal sibertumpuk iteruh pohon natal si lit ibas rumahna. Anak kitik enda awalna ipilih-pilihna piga2 kado simejile kel iakapna bungkusna, sigalangna, simberatna. Enca bage igoyang2na hadiah e, sembari itebakna kai kin isina ibas kotak natal e. sangana asik kel ia nebak2 isi kado natal ndai, ndabuh kepeken sada pita sigalang kudeher anak kitik enda ndai. Ibuatna pita ndai kenca e itempelna idahina. Kiam ia dahina Bapana enca nina “nin aku pak, aku enda kado natal”. Bage min aturna kita, bagi anak kitik e labo terjeng ia ngaloken hadiah natal saja tapi kit ape harus nggit jadi hadiah terindah man Tuhan Yesus, alu bage bagi kepolosen anak kitik enda ndai banci sikataken man Tuhan “Nin aku Bapa, aku enda kado natal”. Uga pasti ayo Tuhan Yesus? Cirem ntah sedih ia.
ü  Adi cirem ninta “Tuhu kin e?”, adi kita pe ku kegereja sung-sungen, PJJ pe kita malas, PA-PA pe mbue alasenta. Uga banci Tuhan Jesus e cirem? Siakap kari nggo payo kai siidalanken kita e, padahal dimata Tuhan, MELKET iakapna. Bahkan silebih memprihatinkan kita sirajin kugereja e ka nge sierbahansa kalak kisat ku gereja. Sekalak pernanden enggo latih kel iakapna ngiahken perbulangenna gelah ikut gereja ras PJJ tapi kai jabab perbulangenna “Temanndu sibas gereja ah ka nge teman ku erjudi kede ah”. Adi bage me nggo mberat kita e. (tapi tek nge aku, labo lit kita sipulung ijenda e bagi perbapan sikuceritaken enda, ei enda bas kuta kami ah nge kuakap e) amin ninta?
Mereken geluhta jadi kado persembahen man Dibata, labo perlu jadi pandita ntah pe pertua diaken kita lebe. Kecenderungen sirusur salah ibas kita, adi sibegi kata menyerahkan geluhta, rusur kita ndabuh kubas keputusen jadi pandita/pertua-diaken. Padahal kai pe profesinta e banci jadi sarana kita mereken geluhta man DIbata. bage Buena pemere Dibata man banta, kesehatennta, keluarga siharmonis, pendahinta ipasu-pasuna, hubungen yang baik ras tetangganta, anak-anak bernilai bagus I sekolah, temanta sada perpulungen ertambah-tambah kinitekenna. Tentu lalit habisna, kurang kai nari kin siakap Bapanta si ni surga ah yah? Si selama enda bodoh, la pentar eme kita anak-anakNa. Senangen siakap nggeluh ibas kebohongen duniawi, mau sejahtera KORUPSI, mau cepat naik title NYOGOK, gelah ikataken gaul NARKOBA, mau yang enak-enak silakoken hal-hal sijustru masuk ku kategori DOSA.
Natal eme saat sitepat guna kita merenung kembali kerna kerina anugrah, pemere Dibata ibas kegeluhenta, labo terjeng sirenungken, tapi mensyukuri ras pe sirespon kerina pemere Dibata e, bertekad kita geluh menuju kita ku pribadi yang lebih baik. Bagi kepolosen anak kitik singatakenca maka ia eme sebuah kado,bage ka min kepolosenta ngadap ku Dibata, ras kataken enda aku Tuhan sebuah Kado terindah man Bandu, gelah cirem Dibatanta ngidah kita anak-anak si enggo ngelakoken kai singena ateNa, janah kerina malekat pe pasti bersorak-sorak, AMIN?

Terpujilah Gelar Tuhan arah kata Dibata Enda, Tuhan simasu-masu kita kerina. Amin.