DONI KALAK MATE

BAHAN SERMON PJJ TANGGAL 03-09 MEI 2015

Ogen   : Heber 11:13-16

Tema   : Doni Kalak Mate

Tujun   : Gelah ngawan ni perpulungen ngangkai doni kalak mate.

              Gelah ngawan ni perpulungen lanai mbiar ngalaken kematen

I.          Pemahamen Teks

Man kalak sierkiniteken, nggeluh alu kiniteken ertina mate ibas kiniteken. Nggeluh sierkiniteken eme sada tantagen. Surga eme satu-satunya rumah man kalak si erkiniteken ras setia. Surga eme tanah air siterulin man kalak si setia ras erkiniteken, singiket dirina tuhu-tuhu ras Dibata. emaka Dibata pe ngiketken DiriNa man kalak enda. Dibata la mela ikataken Dibatana emaka ipesikapna ingan tading nandangi manusia kepunyaannya.

Menarik memang ketika kalak Kristen ikataken harus jadi bagi kalak pertandang, arah kitab heber enda jelas isuratken maka  “terang-terangen iakuina maka ia kalak perlajang dingen kesilang i doni enda”. Bagi kalak gelandangen maka lalit kenyamanen ras perlindungen  sibanci idapetina i rumah. Tapi ietehna  guna tetap erpengendes man Dibata. pengendesen ras aspirasinya iarahken guna sada tujun eme ingan kesenangen sienggo isikapken Dibata man bana.

Arah nats enda kita isadarken maka kita enda berada diantara dua keinginan. Eme, :

1. Sura-sura guna mulihi kuingan sindekah (ayat. 15). Alasaen siipake banci saja erkiteken siiarapkenna lenga idatkenna. Kita enda beradal dari tempat sienggo ndekah sitadingken eme dosa (Rm. 3:9-20). Tempat kita yang lama eme dalan kematen ras kebinasaan. Tapi erkiteken Jesus e terang maka sitadingken ingan sigelap.
2. Sura-sura guna menuju ku ingan simbaru/ kiniteken ku Yesus (ayat. 16). Siyakini maka kita enda empuna Dibata si seh kel ulina (Mzm. 103:1-4). Kita pe empuna kesah si Badia sijadi penampatta ras singapuli kita, terlebih-lebih kita empuna sorga, eme ingan tading siterbaik (Yoh. 14;2).

Adi sioge ibas sada pasal enda. Kalak enda siikataken ibas pasal e eme saksi-saksi iman. Kalak e kerina enggo mate kecuali henokh. Ibas kiniteken saksi-saksi iman enda lit keyakinenna maka Dibata enggo nikapken sada kuta siibangun Dibata guna kalak enda. Para saksi iman padan sindekah enda memang lenga meteh kerna dalan menuju ku ingan e, eme arah Jesus Kristus (Joh. 14:6). Sanga kalak enda kerina nggeluh denga, Jesus lenga nusur ku doni  guna jadi dalan keselamten satu-satunya. Tapi man banta kerina singgeluh ibas zaman anugerah (zaman ija Jesus enggo nusur), sitandai Jesus ejadi Tuhan ras juruselamatta. Emaka sungguh-sungguh sia-sia adi kita hanya mikirken kerna doni si gundari tapi pikirkenlah kerna Doni masa depanta. Doni sijadi inganta gundari e, entisik ngenca tapi doni masa depanta (surga) doni e kekal abadi seh rasa lalap. 

II.          Aplikasi

1.    Kematen eme akibat keberdosaan (Rm. 6:23a) erkiteken manusia engo erdosa maka kematen e pasti ialami kerina manusia. Jadi seduai ras biak-biak Dibata, Ia simereken kegeluhen labo kematen. Kematen e akibat keberdosaan manusia. Tapi ibas Kristus, kematen e irobah jadi proses si menuju ku kekeken ras pe kegeluhen sirasa lalap.[1]

2.    Kematen eme keterpisahen Roh dari tubuh manusia nari, enda termasuk implikasi logis arah peristiwa penciptaan. Tap arah pemahamen si e, lit ka pemahamen si lebih luas eme manusia banci ka ikataken mate adi ia ngelanggar ketetapen Dibata, sebab kehendak Allah lanai lit ibas kegeluhen manusia e. [2]

3.    Kalak simate ibas Tuhan eme ikataken berbahagia. Sebab kematen e bersifat sementara saja, erkiteken memang akan disusul oleh kekeken, bagi Kristus sienggo keke, kematen e lanai akhir kegeluhen tapi proses menuju ku kegeluhen sirasa lalap . eme sebabna Rasul Paulus pe ngatakenca maka kematen e keuntungen man bana (Flp. 1:21), sebab memang tanpa kematen la banci sidat kekekn ras kegeluhen sirasa lalap e.

---

[1] Lumbantobing, darwin, Teologi Di Pasar Bebas, Pematang siantar, SAPA, 2007, hlm. 364

[2] Ibid., hlm. 365

Pujilah Tuhan Erkiteken PerbahanenNa

Invocatio       : “Kata Kristus sidem alu kinibayaken nggeluh min ibas pusuh peratenndu. Siajar-ajarenlah kam alu kepentaren. Endekenlah masmur, ende-enden pujin ras ende-enden pertendin. Rendelah muji Dibata dingen ngataken bujur ibas ukurndu” (Kolose 3:16)

Ogen             : Ketangkasen 15:1-4 (Tunggal)

Khotbah        : Mazmur 47:1-10 (Responsoria)

I. Kata Perlebe

Ende-enden eme ungkapan simewakili pusuhta man Dibata, tapi rusur kel ende-enden enda la tuhu-tuhu mewakili pusuhta sebab la siendeken alu sungguh-sungguh. Bahkan sejujurnya rusur kel ende-ende siisehken kita la sesuai ras kinata kegeluhenta. Terkhusus ibas proses peribadahenta rusur kel ende-endenta e la siendeken alu sepenuh hati, tapi gelah nggo dung saja. apai ka adi melala ayatna man endeken biasana tading piga-piga kalak nari singendekenca itambah ka adi lalit iringan musik guna menghidupkan ende-enden e.

II. Invocatio-Ogen-Khotbah

˜   Introitus

Arah invocatio ngingetken kita maka kata Dibata (Firman, Alkitab) harus rusur sioge, sipelajari, sirenungken, ras sitotoken gelah Kata e diam ibas kita. Adi hal sienda enggo ilakoken kita maka pola pikirta, pengerananta, lagu langkahta, ras motivasinta pasti ipengaruhi/ iterangi Kata e ras pe ikuasai Kristus. Ende-enden pujin, Mazmur, kidung pujin ras pe ende-enden rohani arusna sipake guna nehken pengajaren kerna Kata Dibata bage pe guna mpersingeti kalak si tek gelah nggeluh setia, patuh man Kristus saja.emaka secara tidak langsung tep-tep ende-enden siiendeken kita adi alu sepenuh hati maka pasti ngajarken kita ntah pe mpersingeti kita ibas kai siilakoken kita gelah ngikuti sura-sura Dibata, bagi sitertulis ibas Efesus 5:16.

˜   Ogen

Arah nats enda kita ipersingeti mulihi kerna biak-biak Dibata sibenar ras adil. Dibata singukum ras memulihkan. Dibata si ibas kerina perbahanenNa rusur mpersingeti bangsaNa kerna perbahanen-perbahanenNa si lewat. Ibas pengenehenen Johanes (bindu 15) enda banci siidah dua hal, eme :

1.    Pengenehenen Johanes enda bali ras keadaan si tersurat ibas kitab keluaren 14 ras 15 (ay. 2). Pengenehenen enda nuriken kerna pengataken bujur bangsa Israel man Dibata kenca bangsa e berhasil menyebrangi laut Merah, ras pe iselamatken arah ayak-ayak prajurit Mesir nari si tewas i Laut Merah.

2.    Johanes pe ngidah hal simengerikan (ay. 5-8). Iidahna 7 malekat sincidahken kebadian Dibata salu maba 7 malapetaka. 7 malapetaka enda eme perwujudan murka Dibata. pengenehenen enda mpersingeti perpulungen maka tuhu-tuhu enda eme hukumen si terakhir, si mengakhiri murka Dibata. emaka memang ibas penghukumen siterakhir enda Dibata mereken penghukumen yang sebenar-benarnya dan sepenuhnya.

Ungkapen ende-enden pengataken bujur man Dibata enda, ikumandangken kalak enda lewat ende-enden pujin i tepi laut. Arah ende-enden enda lit pengakuan kekal sepanjang masa maka Dibata me simulahi bangsaNa. Bage pe ibas upacara pengorbanen domba paskah, ende-enden enda sirusur iendeken.

Hal simenarik ijenda eme dua ende-enden enda, eme ende-enden Musa ras ende-enden Anak Domba (ay.3-4). Ibas padan simbaru, anak domba eme sebutan man Jesus Kristus. Enda menandaken maka pembebasen siibahan Dibata arah arah Musa ibas padan sindekah, ngarahken kita ku bas fakta pembebasen si sempurna, sejati ibas padan simbaru, eme pengorbanen Jesus i kayu persilang.

˜   Khotbah

Mazmur enda eme undangen man kerina bangsa gelah muji Dibata. ende-enden enda ibukaken alu pengajuk man kerina bangsa gelah bertepuk tangan, ersurak muji Dibata. undangen sibagenda rupana pe lit ka ibas beberapa mazmur sidebanna. Ajaken enda bersifat umum la itujuken man pribadi ntah pe kelompok tertentu tapi man kerina bangsa iajuk guna muji Dibata si mbisa alu tepuk tan sijadi tanda sukacita. Pengajuk guna ersurak enda idasarken arah perbahanen Dibata man manusia. Arah hal enda ituriken maka Dibata e Raja sierkuasa, Allah yang dahsyat erkiteken enggo italukenNa bangsa-bangsa iteruh kekuasaan Israel. Italuken ijenda terarah ku perebuten taneh kanaan jadi taneh pusaka man bangsa Israel. Taneh Israel siawalna iduduki bangsa sideban tapi Dibata nyerahken taneh e man Israel. Ibas kai sienggo ilakoken Dibata enda arusna lit ka min tanggapen/ responta simehuli. Dibata enggo nusur mereken penampat eme sebabna bangsa Israel ndatken kemenangen.

Arah ps. 47 enda igambarken kebesaren Dibata siisembah pemazmur. Rasa kagum ras hormat icidahkenna, ras pe mereken pengajuk man bangsa-bangsa guna mpermuliaken gelar Dibata. enterem kel kalak Kristen kurang menyadari hal enda, seh maka geluhna pe la bergairah guna muji ras mpermuliaken Dibata bagi arusna. Bangsa Israel erbahan Didata e setara ras keberadaan manusia si la abadi. Ibadahna terjeng perentah manusia saja siihafalken ras rutinitas belaka. Labo e saja, tapi bangsa Israel pe erbahan patung anak lembu emas guna sesembahenna janah menyebut gelar patung e alu sebuten “tuan” sehingga menyamakan kebesaren Dibata alu istilah-istilah manusia. Hal serupa pe terjadi man Jesus, anak Dibata, manusia la menaruh rasa hormat janah pe kerehenNa tempa-tempa la iarapken, padahal Jesus e Raja sitertinggi. Adi sisedari ise situhuna kita enda, arusna lanai bo lit alasenta guna la erbahan hal si la mehuli ras pe ngutamaken Dibata ibas kerinana.

III. Pengkenaina

Rende alu sepenuh hati ras penuh kesadaren merupaken tantangen serius man banta. Ibas kegeluhenta enda marilah siwujudnyataken kekelengen situhu-tuhuman Dibata alu erpengendes man bana saja. alu bage kita pe ngasup ngungkapken kejujurenta kerna kekelengenNa man bnata. Payo nge kita muji Dibata erkiteken Ia layak ipermuliaken alu ende-enden pujinta. Kita pe harus mpermuliaken Ia erkiteken kebenaren ras karya-karyaNa siajaib ras pe erkiteken kerina pasu-pasuNa jasmani bage pe rohani sienggo iberekenNa man banta. Ende-enden pujinta harus sipersembahken terus-menerus, adi kerina puji-pujinta siendesken alu ketulusen pasti banci mpermuliaken gelar Dibata.

Tuhan Jesus enggo njanjiken pasu-pasu man kalak si setia. Janji-janji DIbata e labo omong kosong saja tapi tuhu-tuhu igenepina. Ibas ketangkasen 15:1-4 banci siidah maka Dibata ngasup nggenepi janji-janjiNa, perbahan Ia sienggo naluken musuh-musuhta bage pe ise pe si menganiaya kalak sierkiniteken pasti italuken Jesus e, segelah alu bage ise siteraniaya ndatken penghiburen ras pe idorong guna tetap setia ibas kiniseran terlebih-lebih ngasup tetap muji gelar Dibata ibas keadaan sikugapana pe.

IV. Penutup

Kita harus bangga sebab kita empuna Dibata si nggeluh ibas gelar Tuhan Jesus Kristus, sebab Ia me raja seluruh bumi. Adi Dibata simada doni enda nemani kita tentu lanai lit alasenta gentar ras mbiar. Amin pe mekatep dor kita menghadapi perbeben, kiniseran, tantangen nggeluh ntah pe hal-hal sierbahanca kita lemah ras tak berdaya. Memang labo situhuna kita ngasup guna mnegatasi situasi nggeluh enda adi sibelinken gegeh kemanusianta saja, emaka kita harus tek maka Dibata e labo saja sinjagai geluhta ras mereken gegeh man banta tapi Ia pe hadir jadi penampat man banta ibas kerina kinata geluh siihadapi kita. Adi sisadari kerna kebenaren enda maka pasti ngasup kita naksiken man kalak si deban bagi kai sienggo isaksiken pemazmur. Mungkin kita la sedang berada ibas bencana alam tapi mungkin kita lit ibas bencana sideban sierbahanca banci saja aru ateta. Tapi amin pe bage gia mberatna baban geluhta aruslah siinget maka kai pe siterjadi, Kata Dibata ngajarken kita gelah ula kita mbiar janah ibas dampar kegeluhan siuga pe tetap harus kita ngasup mpenangkih ende-enden pujinta man Dibata.

KETERKELINEN KALAK SI TEK

KHOTBAH MINGGU 26 APRIL 2015

Invocatio       : “Dage tangkas kal man banta maka kita engg”o rembak ras Dibata erkiteken Jesus Kristus enggo engkorbanken diriNa seh mate; tentu terlebih-lebih pe kita terkelin ibas penembeh ate Dibata nari arah Ia” (Roma 5:9)

Ogen             : Masmur 23 (Responsoria)

Khotbah        : Perb. 4:1-4

Tema             : “KETERKELINEN KALAK SI TEK”

Perpulungen kekelengen Tuhan, rusur kel ibas kita ndalani kegeluhenta adi lit hal-hal si la bagi ukurta ntah pe si la irencanaken terjadi biasana perasaan pertama simuncul ibas pusuhta, banci saja perasaan tertolak. Janah pe erkiteken lit perasaan tertolak ndai maka akibatna siilakoken kita eme erbahan perlawanen-perlawanen guna ncidahken maka kita la senang kerna kai siterjadi e, banci siidah bagi ibas negaranta enda, situasi siterjadi gundari ibas negaranta. Melala siidah ntah sibegi bermacam-macam kelompok ntah pe organisasi bertikai, enda erkiteken lit salah sada pihak merasa “la ibela” merasa lit pihak-pihak siatena ngancurken ia, rsd. Labo terjeng ibas organisasi ntah pe kelompok tapi pe ibas negranta terjadi hal sibage. Melala kebijaken pemerintah siianggap pihak-pihak tertenti “la pro” terhadap rakyat, emaka kedungenna enterem masyarakat erbahan aksi perlawanen, bagi demo guna ncidahken rasa protesna.

Bage ka pe ibas kai siterjadi arah bahan khotbahta minggu enda, lit pihak-pihak si la senang ibas kai siilakoken Petrus ras Johanes. Rasul-rasul enda erbahan pengajaren kerna “Kekeken ibas simate nari”. Ibas paksa si e memang topik kerna kekeken ibas simate nari tuhu-tuhu igandrungi masayarakat kel. Enda pe terbukti ibas ingan rasul-rasul enda mereken pengajaren lit 5000 kalak si tek.

Situhuna kelompok-kelompok penguasa bait Allah-lah ningen bagi kalak saduki ras sanhedrin eme imam kepala Bait suci, ietehna nge kerna pengajaren enda. Sebab enda enggo inubuatken mbarenda nari. Tapi engkai makana kalak enda erbahan tindaken sibertentangen ras pengetahuan siiatehna? Kai nge situhuna ndia sijadi penyebabna? Akap kami la perlu ndauh sigar-gari guna ndatken jawabenna. Sebab memang ibas bahan khotbahta sendah pe enggo teridah alu jelas. “KEPOPULEREN” lit pergeseren pepularitas iakap kalak enda. Kepopuleren kelompok saduki merasa tersaingi ras pe kewibawaan kalak enda tempa-tempa lanai iperhitungken. Emaka menurutna hal enda jadi sada ancamen besar, ancamen si serius.

§  Imam-imam merawa atena sebab menurutna rasul-rasul enda, lalit hakna guna erkhotbah. Sebab kalak enda labo kelompok lewi siitugasken jadi serayan i bait Allah, janah pe labo keturunen Harun siitugasken jadi Imam. Enda berarti mempersoalken otoritas lembaga agama si lit iteruh naungen kelompok sanhedrin. Rasul-rasul enda sibanci ikataken para nelayan enggo mencoreng wibawa ras otoritas Imam sebab pang kalak enda erkhotbah.

§  Kalak Saduki pe merawa erkiteken pengajaren kalak enda kerna “litna kekeken ”sienda pe ngerasana kerna kemurnian ajaren. Kalak Saduki ngatakenca maka labo lit kekeken ibas simate nari. Adi rasul-rasul enda ngajarkensa, ena ertina pengajaren sisesat.

§  Lit ka kepala penjaga  bait Allah. Terkumpulnya banyak orang tentu menciptakan keramaian isekitar bait Allah. Janah enda pe tugas Kepala penjara guna nertibkenca, ngamankenca labo pengawal kerajaan.

Menarik tuhu sanga itangkap Petrus ras Johanes, la lit itulisken kerna perlawanen kalak enda. La nggit ia melawan, tapi menurut saja kujapa pe ia ibaba kelompok simenentang kalak enda ndai. tapi labo perban la ngelawan kalak enda, maka banci ikataken ia mbiar “Lang”. sebab ibas ayat 5 adi sioge seterusna justru kalak enda lebih lantang ka ia nuriken kerna pengajarenna. Enda berarti nuriken man banta maka strategi pekabaren injil kalak enda enggo ipersiapkenna alu matang. Bicara ngelawan ndai kalak enda misalna mungkin la bagi siitulisken siterjadi, banci saja kalak enda justru la ibereken kesempaten guna mbritaken injil.

Tapi amin pe kalak enda itangkap, rasul-rasul enda itangkap ceritana lenga dung. Ibas ayat 4 banci sitemuken maka enterem kalak sibertobat ras pe nggit ngaloken Tuhan Jesus, jumlahna pe la sitik tapi seh 5000 kalak. Kenyataen siterjadi enda negasken man banta maka kuasa Firman Tuhan sindarat dari mulut perberita si meriah la pernah ndarat alu sia-sia tapi pasti lit hasilna. Sebab kai siilakoken kita man Dibata pasti dat kita nge buahna, ulihna. Salah sadana eme keterkelinen ibas geluh enggo jadi baginta.

Bagi Jesus kiniseran ras kegeluhen labo dua hal sibertentangen, tapi justru saling mengisi. Justru arah kiniseran nge terjadi kegeluhen. Melalui penderitaan terjadi kehidupan. Enda me siiperbuat Jesus ras kerina rasul-rasulna, keberadaan kalak enda labo guna dirina sendiri tapi guna kalak sideban. Jesus sendiri pundak penderitaanNa eme ibas masa penyaliban ras kekekenNa. Arah penderitaanNa kita ndatken kegeluhen. Bage ka pe janji Dibata arah kai siituriken Pemazmur 23, sijadi bahan ogenta, eme Dibata sijadi ulu kerinana ibas kegeluhenta, ia ulu kecukupen sierbahan la kita kekurangen, ia ulu kemalemen ate sierbahanca kita senang, janah ia pe ulu keterkelinenta. Dibata simasu-masu kataNa, Amin..

RAS TUHAN TENENG AKU

Khotbah Minggu 19 April 2015

Ogen               : Heber 11:32-40 (Tunggal)

Khotbah          : Mazmur 4 (Responsoria)

Tema               : Ras Tuhan Teneng Aku

Adi ngerana kita kerna ketenengen i doni enda tempa-tempa mesera sitik kita jababsa. Engkai? Erkiteken memang adi nggeluh denga kita ibas doni enda labo lit si tenengna. Ngukur-ngukuri kerna si e tersinget aku kerna sada lagu si enggo popular pasti ibas kita, bagenda nina syair lagu e “Adi ukuri nggeluh i doni enda mesera ras latih kel kepe….”. lagu enda menyiratken man banta kerna kecibalen geluhta i doni enda labo lit sitenengna sebab memang kegeluhenta enda beralih dari sada perbeben ku perbeben sideban. Bahkan lenga dung pe perbeben sipertama ndai banci ka enggo reh perbeben sipeduaken. Yakin aku kam kerina perpulungen kekelengen Tuhan pasti megati nanamindu hal sibagenda rupana. Masalah ekonomi simorat-marit, lenga ka guna nutupi pinjamin, ngelunasi utang-utang, nggalar angsuren ku CU si enggo ndeher tanggalna, itambah ka uang sekolah anak-anak sienggo nunggak apai ka ntisik nari ujian ia, adi la lunasi la ia banci ikut ujian. Lenga ka dung ngukuri si e, tambah ka lit anggota keluarga si sakit, guna pertambarna pe lanai sieteh ija man buaten. Adi bage kel kegeluhenta ma enggo tumpang tindih kel kerina. Adi bage lit denga kin sitenengna kegeluhenta enda?

Bahan ogenta sendah adi si oge mulai kin ay. 4 nari maka situhuna ije ituriken penulis kerna tokoh-tokoh si lit ibas pustaka sibadianta uga kerna kinitekenna sipaguh ibas ngikutken Yesus. Mulai kin abil nari seh ku Rahab ibas ay.31. janah sijadi bahan ogenta enda iperhadapken man banta, adi kin memang kurang tek denga kita man Dibata lanjutkenlah ngoge kisah-kisah sideban bagi Gideon, Barak, Daud, rsd. Tek aku maka kita sijenda pe enggo meteh sitik-sitik lah gia kerna turi-turin peristiwa kalak enda kerina. Singkatna kerna uga kin kiniseran siialamina, uga kinigenggengenna ibas perbeben, tapi kedungenna Dibata erbahansa kalak enda menang ibas perbeben nari. Aminna gia harus mate pe, gelah mate ibas Tuhanlah kita. Emaka kedungenna ngasup kita ngataken man dirinta “sura-sura Dibata sijadi labo sura-surangku”. Alu kalimat singkat enda situhuna kita enggo mengikrarkan kerna buah kinitekenta. Eme tetap tek man Dibata ibas situasi sikugapana pe.

Pemazmur Daud arah bahan khotbahta, nyaksiken man banta maka ibas enteremna kalak rate segat man bana tapi justru tetap iingetna Dibata, bahkan Dibata ngenca ibahanna jadi simereken ketenengen man bana. Arah mazmur Daud bindu 4 enda pe nuriken uga kiniteken Daud ras pengataken bujurna kena kerina pasu-pasu Tuhan si enggo ialokenna. Adi siperdiateken kerna tulisen pemazmur enda, banci sikataken maka pertoton enda eme pertoton sanga berngi.

Adi siperhadapken kubas kegeluhen manusia zaman genduari enda, reh Buena kalak si banci ia medem erkiteken obat tidur. Hal enda erkiteken kekhawatiranna kerna geluhna justru jadi momok sierbahanca la banci entabeh pertunduhna. Jadi uga nge ndia carana gelah banci kita medem alu teneng, lanai iawang-awang rusur pemikirenta muat tunduh e. bagi pemazmur enda kita harus meteh leben kai sijadi penyebab kita gelisah. Banci kerna dosa, lit hal-hal tertentu sienggo ilakoken kita si la sesuai ras peraten Dibata, entah mungkin kita menyakiti temanta, erkiteken pengerananta misalna enggo ia sakit hati, luka batin. Tentu pertobatan alu sungguh-sungguh sibanci memulihkan perasaan bersalahta. Mulai alu pertoton mindo ampun man Dibata, emaka upayaken ka guna memperbaiki kesalahen sienggo pernah silakoken nandangi kalak sideban. Bangun kembali relasi kita alu teng-teng ras mehuli.

Banci jadi ka bertubi-tubi kel reh masalah nimpa kita, padahal kita enggo nggeluh alu payo. Tapi justru kalak si deban memfitnah kita alu keji, tempa-tempa masalah e reh erkiteken kesalahenta, erkiteken dosanta. Emaka la mengherankan adi merawa kita, tidak terima ras pe lit keinginen guna membalas. Tapi nasehat pemazmur wari enda perlu siresapi. Amin pe merawa kita tapi harus beluh kita mengendalikan emosi sehingga la kita menghujat ntah pe mpedarat kata-kata si la man belasenken. Tapi sebalikna, ertotolah kita ibas pusuhta, tung-tungken kerina perasaanta man Dibata gelah mereda amarahta ndai, gelah alu bage reh salangna pusuhta ertenengna ka kita ndalani kegeluhenta banci ka badeh pertunduhta. Adi enggo siendesken ibas pertotonta man Tuhan pasti kita ndalani kegeluhenta pe harus ras Tuhan. Bagi sada lagu bagenda nina “Bersama Yesus lakukan perkara besar, bersama Yesus tidak ada yang sukar…..”

Adi ras Dibata kita labo ise pe ibas doni banci naklukken kita, tapi pasti kita jadi anak-anak Pemenang ibas kita ndalani kegeluhenta. Dibata simasu-masu kataNa ipengasupna kita guna ndalankenca ibas kegeluhenta. Amin.