TERANG DIBATA MPERSADAKEN KITA

SERMON KHOTBAH MINGGU 12 APRIL 2015

Invocatio         : Kata e me ulu kegeluhen, janah kegeluhen e maba terang man manusia (Joh. 1:4)

Ogen               : Mazmur 133

Khotbah          : I Joh. 1:1-10

Tema               : Terang Dibata Mpersadaken Kita

Invocatio

Ibas bagin enda “kata” ntah pe “logos” labo kata siipahami kita si terjeng terbelas, ntah pe banci isuratken tapi kata e eme Dibata sendiri. Kata e nggo lit ope denga doni enda ijadiken Dibata, kata e ras Dibata janah pe kata e sendiri me Dibata, kata e sendiri me kegeluhen e. logos ntah pe kata ningen e eme Jesus. Maka siikataken “Kata atau Logos” situhuna e me Jesus simaba kegeluhen. Berarti kita ngerana, erberita kerna Jesus maka situhuna kita nggo maba ras meritaken kegeluhen e.

Ogen : Mazmur 133

Bagin Mazmur enda nuriken kerna “Persaudaraan si rukun” ntah pe keleng ate ersenina. Lit 3 bagin makana penting ibas nats enda:

a.       Nggeluh rukun eme keindahan ras kenikmaten kegeluhen e sendiri (ay. 1)

b.      Ibas nggeluh lit pasu-pasu si simper si la erkeri-kerin (ay. 2). Minak identik ras berkat ibas zaman PL, minak siitamaken ku takal Harun maler ku janggut, ku jubahna. Nuriken kerina merim ibahanna, bagepe kiniersadan, nggeluh harmonis e maba ku bas kegeluhen si senang, si kin riahna erbahanca kalak si tading ibassa merasa aman, tentram, damai. Ma ije kin pasu-pasu e ibas rasa damai, tentram ras terlindungi.

c.       Ibas kegeluhen “rukun” lit karunia nggeluh si berkemenangan (ay. 3). Pemazmur menggambarkan bagi embun I deleng Hermon (Kerajaan Israel Utara) musur ku deleng Sion (Kerajaan Israel Selatan). Artina la ia ngenca ngenanami pasu-pasu e, tapi pe tergejap ibas maba ketentramen man kalak si tading i sekelewetna. Zaman kerajaan Israel nuriken si e sanga Istael utara bage pe Israel selatan seh kubas masa kejayaan ras keemasan. Tapi ketika utara mulai jatuh ku bas tan Asyur maka nimai wari Israel selatan pe ndabuh ku Babel. Persaudaraan si mehuli si dame maba kemenangen man kerinana.

Khotbah: I Joh. 1:1-10

Lit piga-piga point penting ibas nats-ta enda :

1)      Kesaksin Penulis (Johanes) ay. 1-4

“Kata” atau “Logos”. Isuratken kami e, obegi kami, tuhu-tuhu iidah kami. Artina penulis mereken sada kesaksin si banci tuhu-tuhu iteki sebab ia mendengar langsung, melihat langsung, meraba langsung firman (logos) eme Yesus Kristus sendiri. Sehingga orang lanai perlu ragu nandangi kesaksin e.

2)      Terang ras gelap (5-7)

Yohanes mau menegur kalak si kin ngataken dirina nandai Dibata tapi la ngelakoken perintah-perintahNa. Kalak e mengklaim dirina memiliki pengetahuan khusus kerna Dibata tapi lagu langkahna ndauh kel ibas kalak siikataken nandai Dibata. Allah aalah terang, sehingga anak-anak terang labo banci nggeluh ibas dua dunia sekaligus terang ras gelap. Sebab ibas terang labo lit siterbuni.

3)      Nggeluh ibas persadaan (persekutuan)

Lit kritikan tajam ibas Johanes nari mankalak perguak. Perguak siikataken ijenda eme kalak si ngataken lalit lepakna, lalit salahna. Kalak sitading ibas kegelapen labo mungkin banci nggeluh ibas kebenaren. Kalak si ngelakoken kebenaren maka si lit ibas geluhna eme proses pembersihan ibas dosa-dosa nari labo ngataken ia lanai erdosa. Johanes mengingatkan bahwa perngorbanen Kristus labo saja menebus dosa-dosa masa lalunta tapi pe mperlengkapi kita nggeluh ibas kekudusan setiap wari. Setiap saat kita membutuhkan pengampunan ibas Dibata nari.

Pengkenaina

1.      Kata e eme Jesus sendiri, ngerana kerna Yesus berarti kita nggo ngerana kerna Dibata, berarti kita enggo ngerana kerna kegeluhen (Introitus)

2.      Terang Dibata mpersadaken kita :

a.       Komunitas Tuhan bukan komunitas suci tanpa dosa, tapi komunitas yang berjuang nadingken dosa. Lalit kalak la erdosa, kerina kalak erdosa. Adi lit kalak ngataken dirina lebih benar ngasangken kalak si deban maka ia me perguak e. gedang-gedang geluhta kita membutuhkan pengampunan Dibata. adi Dibata pe labo pakena alasen dosa guna Ia ngalemi dosa (sola gracia) ma labo ka pas adi kita ka njadiken salah teman jadi alasen la erkiniteken, jadi alasen kita lebih benar asangken ia.

b.      Kalak si ersada ras Tuhan eme kalak singgeluh ersada ras seninana. Efek nyata kiniersadaan ras Dibata teridah nyata ibas kiniersadaan sapih-sapih kita. Kiniersadaan e eme pasu-pasu e, kiniersadaan e eme keselamaten e, kiniersadaan e eme kemenangen e. emaka adi meriah denga siakap rubat, nembeh, elem-elem maka situhuna labo kita ersada ras Dibata tambah si e kita pe labo kalak pemenang.

3.      Minggu enda igelari minggu Quasimodogeniti: Bagi anak simbaru tubuh. Artina masih polos, la tehna melala pemeteh seakatan mindo man nandena. La tehna melala lagu langkahta emaka kalak si enggo itebus Tuhan eme kalak situhu-tuhu bagi anak kitik simbaru tubuh, sinandena ngenca inganna ernalem, kit ape Dibata ngenca inganta ernalem. Kemenangen kalak Kristen lit ibas Ia ersada ras Dibata, bergantung penuh man Dibata. ras sienda maba kedamen si la terturiken, si la erkeri-kerin bagi minak ibas takal Harun, bagi embun I deleng Sion sebab ras seninana pe erdame ia.