Nggeluh Bujur Maba Kemalemen Ate

Bahan Sermon PJJ 22-28 Februari 2015

Ogen                 : Matius 24:45-51

Tema                 : Nggeluh Bujur Maba Kemalemen Ate

Tujun                 : -  Gelah ngawan perpulungen meteh ulu kemalemen ate

      -    Gelah ngawan perpulungen nggeluh ibas kinibujuren

1. Latar Belakang Ogen

Penulis kitab Matius enda eme Lewi anak Alpius sipendahinna selaku pemungut cuke. Kenca ia enggo jumpa ras Kristus janah jadi muridNa, gelarna jadi Matias, ertina anugrah Allah. Selaku mantan pengalo cuke si segat ate kalak jahudi khususna, Matius terpanggil guna nuriken kerna Jesus man kalak Jahudi Kristen. Secara umum isi kitab enda nuriken kerna Jesus kalak nasaret, alu penekanen petandaken Jesus e Mesias siipadanken ibas padan sindekah. Enda teridah ibas bena injil alu namaken silsilah Jesus. Janah inti pemberitanna eme kerna “kinirajan Sorga”. Kinirajan sorga siituriken Matius enda nggembarken maka Jesus selaku Mesias eme jadi Raja ibas kinirajanNa. Ibas ogenta sekali enda nuriken perumpamaan kerna juak-juak situtus ras juak-juak si la tutus. Salah sada metode pengajaren Jesus eme erban perumpaman, tujun mpenukah pengangkan simegi kerna pengajarenNa. Anding-andingen siipake Jesus eme gambaren umum ibas kesemalen kalak simegikenca, cth: man perjuma make istilah benih, taneh rsd.

2. Tafsiren

Ibas ogenta enda teridah Jesus nuriken kerna kerajan sorga bagi tuan ras juak-juak. Tuan eme Jesus jine selaku Raja ibas kinirajanNa, ras juak-juak eme gambaren kita manusia enda sienggo nandai Jesus (Kristen). Juak-juak situtus (Berjaga) eme gambaren jelma sienggo nandai Dibata ras ngangkai pengajarenNa, teliti makeken kebenaren Dibata. ertina, kai sienggo iangkana idalankenna (bagi juak-juak si tutus ndahiken dahinna bagi arusna, eme kebujuren kalak tutus). Ijagaina kebenaren e (kata Dibata) turah ibas kegeluhen, labo sekedar tanggungjawab tapi lebihen asa si e, eme kata Dibata e enggo jadi geluhna.

Gambaren juak-juak si la tutus, eme kalak Kristen simeteh kerna kata Dibata tapi la idalankenna. Bagi ogenta, teridah maka ia sekalak juak-juak, ietehna nge pendahinna, tapi erkiteken la ije tuanna ia erate-ate, bage pe engkorbanken kalak sideban guna kepentingenna (ngelakoken perbahanen si la sue ras kata Dibata). la isedari makana ia juak-juak lit tanggung jawabna, tapi atena tupung la irumah tuanna, ia atena jadi tuanna. Enda gambaren manusia simerincuh kel mandangi kuasa, erta ras jabaten. Akapna e banci mereken kemalemen ate, tapi kenca reh tuanna janah ieteh tuanna perbahanenna ia kena ukum. Kerehen tuanna, eme umputen kerna bagin teks ope teks enda kerna “ise pe la meteh kerna warina ntah jamna”.

Antusenna man banta eme, metengetlah selaku kalak Kristen. Sabab lit kuan-kuan kalak karo natakenca: melala jelma merincuh gelah jadi pentar, tapi sitik ngenca simerincuh jadi jelma metenget; tapi pangen jadi kalak metenget asangken kalak pentar, sabab liten nge kalak pentar itikohi asangken kalak metenget.

Janah ulih kalak simegiken kata Dibata ras ndalankenca tentu ngaloken ulihna ibas tuanna nari, eme: ibereken kepercayaan guna ngurusi erta-erta tuanna (ngaloken hak istimewa). Atpi juak-juak si la tutus ndai ngaloken ukumen ibas tuanna nari eme ibunuh (lanai jadi juak-juak/ipecat). Jadi selaku juak-juak Jesus, ola sempat pagi ipecatna, seh maka lanai kita bengket ku bas kinirajanNa.

3. Persoalen si man Jabapen (Kinata Kegeluhen)

a.    Psikologis

Manusia modern cenderung la malem atena adi la ngikuti perkembangen si lit, terlebih ibas perkembangen IPTEK. Hasil IPTEK labo salah, tapi jelma simakesa cenderung salah, bahkan seh kecandun, contohna: enggo pangen ku gereja maba I-pad sejenisna asangken maba Pustaka Si-Badia ras buku ende-enden.

b.    Sosial, ekonomi, ras masyarakat

Adi sinen kubas jaman enda, melala jelma “Pengen enaknya saja”. bagi ungkapen kecil dimanja, besar kaya raya, mati masuk surge, rsd… pola hidup sibage bagi juak-juak si la tutus, melala enggo menjangkit ibas manusia. Enda teridah arah melalana usaha sihanya dengan modal uang, goyang kaki, tidur dan makan enak di rumah she waktuna aloken ulihna. Megati lupa kita maka Dibata masu-masu ulih latihta. Biasana jelma sibage rupana, mbiar jumpa kiniseran.

c.     Teologi

Lit turah kelapuasen perpulungen ibas gereja she maka jajan rohani atau lanai ku gereja pe, la malem atena ku gereja adi la bagi ukurna, rsd.

4. Aplikasi Tema (Njabab persoalen i datas) ras kesimpulen

“Nggeluh bujur ras maba kemalemen ate”, bujur adi sekalak juak-juak ndahiken dahinna bagi sienggo iaturken tuanna, janah bujur me kalak Kristen nggeluh ndalanken Kata Dibata. bujur nge adi juak-juak si la tutus (malas) ngaloken ukumen (ipecat), janah bujur nge kalak Kristen si la ndalanken kata Dibata ibas geluhna ipecat selaku warga kinirajan sorga. Si pasti ateta nggeluh bagi juak-juak si tutus (erjaga), ersikap katawari pe, malem ateta katawari pe, janah reh malemna ateta adi kita iangkat pagi jadi “Pegawai tetap” Kristus. Sebab nggeluh bujur me erta si mereken kemalemen ate situhu-tuhu. Riahen latih ibas Kristus, asangken meriah ibas ngikutken doni.

Teklah Nandangi Perkuah AteNa

Bahan Sermon Khotbah 01 Maret 2015

Invocatio      : Aku tetap nginget padanKu man bandu ras man kerina kesusurenndu ersundut-sundut janah perpadanen e tetap rasa lalap. Aku jadi Dibatandu ras jadi Dibata sinursurndu. (Kejadin 17:7)

Ogen             : Kejadin 17:1-7, 15-16 (Responsoria)

Khotbah       : Markus 8:31-38 (Tunggal)

Kata Perlebe

Ibas ndalani kegeluhen enda selaku kalak si tek man Dibata, tentu melala pergumulen siialami kita, mawen-mawen pergumulen e erbahan kita tersungkun-sungkun man Dibata, Mengapa ini terjadi?. Erdalan ras Dibata labo berarti kita bebas arah kesuliten-kesuliten. Selama kita nggeluh i doni enda pasti harus sinanami  mesera ntah pe senang, lit hambaten ntah pe lancer, tapi adi erdalan ras Dibata mereken ban banta keyakinen kerna kenyamanan nggeluh enda. Ugapa pe serana tapi teklah nandangi perkuah ate Dibata sebab  Dibata erdahin guna mendatangkan kebaikan man banta.

Introitus – Ogen

Abram enggo 99 tahun janah pe Sara enggo lewat umurna guna mupus anak. Tapi kenca 13 tahun kenca Ismael tubuh ras 24 tahun kenca Dibata erpadan man bana, Dibata ncidahken diriNa man Abram alu sada berita ras tuntuten. Dibata menuntut Abram gelah erdalan arah dalan Dibata, mengabdi sepenuhnya guna ngelaksanaken sura-sura Dibata (Kehendak Allah). Bali ras kiniteken Abram siiperluken guna ngaloken padan Dibata bage ka nge ia ituntut ia guna patuh man kerina ketetapen Dibata. sebab memang kerina perbahanen Dibata siluar biasa terjadi hanya adi umatNa berusaha guna nggeluh la bercacat janah pusuhna pe terarah man Dibata saja. ibas ay. 2 Dibata mengulangi perpadanenNa ras Abram eme guna mereken taneh perjanjin man bana. Dibata pe memperbaharui perpadanenNa si ndube ras Abram, eme ibas kesusuren Abram nari bakal muncul mbue raja ras bangsa. Janji Dibata man Abram ibas ay. 6 pe bakal ialokenna sanga ia ngiket dirina ras Dibata ras ndalanken kewajibenna ibas perpadanen e. ibas ayat 5 gelar Abram ertina “Bapa yang Mulia” Abraham ertina “Bapa banyak orang” (Roma 4:17). Penggantin gelar Abram jadi Abraham enda nandaken hubungen simbaru ras Dibata. Padan Dibata guna “jadi Dibatandu” eme sijadi dasar padan Dibata sidebanna, siberarti Dibata tanpa pamrih ngiket diriNa man bangsaNa alu setia, Dibata jadi perisai nandangi bangsaNa. Enda ertina maka kerina pasu-pasu, janji-janji, perlindungen, bimbingen, penampat ras pe kerina hal-hal mehuli sidebanna ibereken man bangsaNa ibas kekelengen Dibata (Kasih). Kerina kalak Kristen pe mewarisi padan Dibata enda arah erkiniteken man Yesus.

Khotbah

Itengah-tengah kegeluhen enda enterem jelma menolak menderita, la nggit ras Jesus si ngenanami kiniseran tapi merhat ngaloken pasu-pasu arah Jesus si ngenanami kiniseran, bahkan terkadang kita muncul jadi pembela Tuhan, bagi Petrus. Enterem jelma menolak ajaran Jesus kerna kiniseran, apai ka harus mersan kayu persilang. Emaka memang tempa-tempa nggo jadi trend bas paksa enda man perpulungen megiken khotbah-khotbah kesuksesen, sukacita, teologi simabai ku masa depan cemerlang. Kinigenggengen ras kesadaren enggo mulai pudar ibas diri manusia. Kerina manusia enggo merhaten hal-hal si serba cepat ras lanai nggit latih. Guna banci ngangkai ras ngelakoken sura-sura Dibata banci siidah carana arah kai siikataken Jesus “Ise atena ikut ras Aku, arus maka ipersilahangna bana, ipersanna kayu persilangna jenari ikutkenna Aku” kai siipikirken Ddata la bagi kai siipikirken Petrus, eme sanga doni ndarami raja guna politik doni enda, ije me Dibata reh arah Jesus, Mesias si menderita. Kemungkinen Petrus mela iakapna adi guruna harus isalibken emaka ia mindo gelah Jesus mundur dari salib, ijenda me letak kekurang pahamenna guna ngikutken Jesus.

Syarat guna ngikut Jesus labo paksaan ras pengambilen keputusen pe berarti siap alu kerina konsekuensina. Adi kita nggo mereken diri man Jesus, maka kita arus ngelakoken telu hal siikatakenNa, berarti pe ikut tek labo perban ingin sukses, ipasu-pasu tapi ngikut Jesus berarti menyangkal diri ras pe mpeteruk diri. Janah kai pe siterjadi kenca kita muat keputusen guna ngikutken Jesus e, kiniseran ntah pe senang tetap kita tek maka Dibata pasti ncidahken perkuah ateNa nandangi kerina kalak si memang nggit mereken diri man Dibata, ngiket dirinta alu perpadanen man Dibata bagi Dibata pe nggit ngiket Dirina alu perpadanen man kerina bangsaNa.

Erlebuhlah Man Yesus

Khotbah Minggu 22 Februari 2015

Introitus          : Marilah kam silatih janah beraten, maka kubereken pengadi-ngadinndu (Matius 11:28)

Ogen               : Markus 1:9-15 (Tunggal)

Khotbah          : Mazmur 25:1-10 (Responsoria)

Sijadi bahan perenungenta minggu enda mulai arah introitus, ogen bage pe khotbah, teluna enda saling melengkapi. Introitusta ngatakenca “…”Jesus sendiri singataken kalimat enda. Kata-kata Jesus enda banci ikataken jadi sada undangen simanis siitujuken man kerina jelma si latih ras beraten erkiteken perbeben nggeluh, ntah pe erkiteken beban dosa sendiri. Alu cara reh ndahi Jesus, jadi hamba ras pe naati kerina perentahNa maka manusia banci ibebasken arah arah kerina beban si la teratasi kita, janah pe bereken Dibata ka inganta ngadi. Alu ngendesken kerina dirinta ku Dibata maka ibereken Dibata pe kesah si Badia guna nuntun kita, uga kita harus ndalani kegeluhenta i doni enda. Sebab sada pe kita e labo meteh kai si bakal terjadi man banta ibas wari si pepagi. Rencana siisikapken kita pe, siakap ngenca mehuli akap Dibata lenga tentu. Jesuslah simeteh kai sibakal terjadi man bana ibas Ia ndalani nggeluh i doni enda.

Ogenta ngajuk kita ngenehen sanga peristiwa Jesus iperidiken ras icubai Iblis. Ibas ayat sebelumna Markus 1:4, nina “Jeralah maka kam iperidiken, gelah dosa-dosandu ialemi Dibata”. pengakap ibas paksa si e, lit singatakenca maka kalak si erdosa nge maka iperidiken, gelah ibersihken nge ia ibas dosana nari. Tapi ibas peristiwa enda, Jesus labo erkiteken ia erdosa maka ia iperidiken, tapi justru arah peridin e ertina maka Jesus nggit mpeteruk bana ras nggit jadi korban penebusen dosa. Janah memang luar biasa kel kenca iperidiken ndai Jesus e rempet terbegi sora i surga nari, ay.11 “…” jadi arah si e berarti memang peridin e labo main-main. Arah peridin Jesus itegasken maka Ia eme anak Dibata. janah kenca dung Ia ngaloken pe kepeken ije me awalna reh Buena permasalahen man bana. Kenca dung Ia iperidiken maka Ia icubai Iblis.

Enda pe jadi sada perbandingen man banta, kepeken kenca kita ngaloken tanda keselamaten ibas Jesus nari, labo e ertina maka kegeluhenta enda pasti bakal senang-senang saja. tapi justru kenca kita ngaloken tanda e, justru e me jadi awal kerina kesusahen nggeluh enda bakal nderpa kita.

Bahan khotbahta ibas Mazmur ndai jelas iturikenna uga ia, pemazmur tuhu-tuhu memang erpengendes man Dibata. ibas ay.1 jelas ikatakenna “Man bandu Tuhan ertoto aku” ibas konteks enda pemazmur ertoto man Dibata labo erkiteken rutinitas saja, tapi memang gejabkenna lit kesalahenna emaka turikenna kerina kesalahenna e man Dibata. ay.2 lebih jelas ka nina “Man bandu aku ernalem o Tuhan”, berarti ijenda lit penyerahen secara total. Total e ertina menyeluruh, la setengah-setangah, la sepertelu, la seperempat, tapi kerina hal iendesken ku Dibata. ibas pemazmur erpengendes ku Dibata lit keyakinen na maka memang labo gel-gel wari e, labo terus nge kari arah teruh, labo lalap gelap wari e, pasti lit ka nge terangna. Bagi kalak si jaga malam, lit keyakinenna maka pasti terbit matawari, janah terang na e mahanca lalit kegelapen.

Adi silenga totalitas erpengendes man Dibata pasti nungkun-nungkun denga nge ia bas pusuhna “Lit kin Dibata e?” padahal ibas kita erpengendes, ibas kita ngelebuh ku Dibata e bagi siikataken tema labo banci bagi sigetep lacina, tetap lit prosesna. Pemazmur pe ertoto nge ia lebe, kenca bage memang tuhu-tuhu ia 100% erpengendes, janah pe ibas ia erpengendes lit keyakinenna man Dibata maka pasti lit serpang pulah emaka nimai jawaban Dibata e pe harus tetap optimis.

Situhuna persoalen manusia man kemelanken nge man Dibata, sebab persoalenta e rusuren kerna pangan, inemen, sen, erta-erta, juma ras pe kurang iperdiateken kita misalna. Amin bage pe, Dibata tetap nggit nampati kita. Kerina persoalenta sibage ndai rupana enggo leben ialami Jesus ibas Ia icubai iblis.

Jesus icubai labo ibas hal simudah, ia ituntut gelah tetap ibas kemanusiaanNa siutuh, la ncidahken kuasa si luar biasa alu erbahan tanda-tanda sengget, gelah kai? Gelah memang tuhu-tuhu terbukti maka Jesus e tuhu-tuhu manusia 100%. Hal kerna pangan, penting kel man manusia, Jesus enggo leben inanamina la man 40 wari, 40 berngi, hal kerna jabaten/kuasa simenggiurkan ras pe menggoda kita rusur, enggo ka leben ialami Jesus, tapi banci italukenNa sie kerina.

Emaka perbahan Jesus pe enggo leben inanamina uga kin kinigulutenta selaku manusia, maka Ia nge ngenca sibanci mereken serpang pulah, dalan kuluar man banta. Alu bage arah tema enda ipetangkas man banta sekali nari, kai pe permasalahenta, kai pe persoalenta, perbebenta, kinigulutenta, erlebuhlah man Jesus sebab Ia ngenca banci mulahi kita ibas kerina belenggu kiniseran singiket kegeluhenta. Amin

 

Kolose 1: 27

Khotbah Retreat Runggun Bekala

Nats     : Kolose 1:27

lit sada biara i daerah Beijing sihampir bubar. Penghuni biara e tading enem kalak lansia ngenca. Guna nelamatken keadaan biara e emaka berkat me pemimpin biara e guna nungkun sekalak orang bijak si terkenal i negri e. “O, Guru, sampati min kami, bereken min nasehat guna nelamatken keadaan biara kami e.” bage me nina kepala biara e alu terisak-isak, ngandung ia. Nggo lanai kel ietehna uga nari carana gelah la bubar biara e, gelah tetap lit penghunina, ceda kel atena, alu mengis-ngis kel ia mindo penampat man orang bijak e ndai. emaka perbahan alu mesek-sek kel ia mindo e guru bijak ndai pe ikut ka ia netesken iluhna, ia pe tersentuh ibas pemimpin biara e ndai nuri-nuri. Tapi kai nina “Mindo maaf kel aku, aku pe labo kueteh uga jalan keluarna masalahndu e.” “ula min bage nindu guru, kam kel ngenca harapen terakhir kami e”. emaka nina guru e selanjutna “sada kel ngenca sibanci kukataken, salah sada iantara kena eme Mesias” emaka mulih me pemimpin biara e ku biaran, i biara na e enggo nimai teman2na si enem ndai.

“Kai ndai nasehat guru bijak ah?” alu sora datar ikataken pemimpin biara e “guru pe la banci nampati kita, tapi sada hal kel ngenca siikatakenna tapi aku pe labo kuangka kai maksudna. Ikatakenna maka salah sada antara kita e, eme Mesias ntah pe Kristus.” Emakana hari-hari berikutna irenungken biarawan e kai kin maksud siikataken guru ndai. “Lit kin si iantara kami enda jelmaan Kristus? Ah labo mungkin e, tapi adi tuhu kin siikatakenna biarawan siapai?” emaka perban la ieteh kalak e ise si iantara ia penjelmaan Kristus, maka mulai me kalak e bersikap hati, ras pe penuh hormat sada ras sidebanna.

Emaka panjang berjalannya waktu, rukur ka biarawan e “jangan-jangan Kristus e menjelma ibas aku” emaka mulai me ia hati-hati ibas pengerana ras perbahanenna. La ndekah asa si e, suasana biara Beijing e ndai pe jadi ramah ia, kepate, ras pe biara e jadi ingan si meriah. Kalak si nterem pe si singgah ku biara e mulai tertarik ia nandangi cara biarawan e ndai bersikap. Emaka mulai me kalak e rusur reh guna ercakap-cakap ras biarawan2 ije.

Sada bulan kudepanna reh piga-piga orang muda ku biara e, atena ikt pulung jadi biarawan ka ije. Tep-tep wari minggu pe reh teremna kalak reh ku biara e erkebaktin arah kota-kota sekitar. Kalak e kerina pe mulai memperlakukan dirina sebagai Kristus. Hasilna biara si ndai ikataken hamper bubar justru jadi hidup kembali, reh teremna ka kalak reh ku biara e.

Nasehat guru ndai singatakenca maka lit Kristus iantara biarawan endai adalah benar. Tentuna labo maksudna maka salah sada antara biarawan e, eme Jesus Kristus, tapi tep-tep kalak sierkiniteken situhuna ia eme sosok dari Kristus. Bagi nats sijadi perenungenta enda nina “Kristus lit ibas kam…”adi terjemahen bahasa Indonesia nina “Kristus ada ditengah-tengah kamu…”. Ibas ayat enda situhuna Dibata mbukaken sada rahasia. Eme kerna Kristus e lit I tengah-tengahta. Alkitab bahasa aslina nina “Khritos en humin”. En humin lit dua pengertinna eme : iantara kam ras pe ibas kam. Jadi menurut ayat enda Kristus lit hadir itengah-tengahta ntah pe ibas kita. Bayangken min adi Kristus lit itengah-tengahta maka kita akan memperlakukan orang lain seperti kita memperlakukan Kristus, adi Kristus lit ibas kita maka kita pe akan berlaku seperti Kristus. Enda me siilakoken para biarawan ndai.

Sienda ka nge situhuna jadi rahasia kualitas hubungan antar kita manusia, ibas keluarga, kelompok, ntah pe jemaat bagepe persadan-persadan sidebanna. Tep-tep komunitasta pasti berubah adi kin kita memperlakukan kalak sideban bagi Kristus ras pe berlaku seperti Kristus.

Enda sirusur jadi pergumulenta, kita merhat iperlakukan seperti Kristus, imuliaken, ipuji-puji, isanjung, ipuja, isembah. Tapi la kita nggit memperlakukan kalak si deban bage. Kita saja ateta inomor sadaken, emaka la kita heran adi lit ibas perpulungen e, kurang rusur iakapna pelayanen gereja man bana, kurang pedas iakapna serayan e reh guna name-nami ia, emakana bahanna rusur tingkahna gelah banci ia idahi serayan e rusur. Tapi tek nge aku kam kerina sipulung e, e kalak bujur kerina labo lit sada pe bage. Me bage nindu? (jawab “ue..”). emaka mulai kin wari enda seterusna kari mari siperlakukan teman-temanta sada rarasen e bagi memperlakukan Kristus.

Gelah alu bage tergejab nge nanamna kita erkiniteken, ernanam ningen e pe lit ka nge macamna. Lit nanam tengguli lit ka nanam pegu. Kita nanam siapai nge e? lenga kari kita ngerana man temanta e lenga bo gulut ukurna, reh denga nge ia kegiaten gereja, perminggun, tapi kenca ngerana kita ras ia piah lanai bo idah-idah temannta ndai. berarti me labo nanam tengguli ndai kita e, tapi nanam pegu. Adi Kristus lit ibas kita tentu nanam si lit ibas kita e nanam tengguli labo mungkin nanam pegu. Entebu ia la pagit.

Emaka alu nanam kegeluhenta sientebu bagi tengguli ndai banci kita jadi cerminen ku teman-temanta maka situhuna ibas Kristus e lit senang, lit menahang ras pe Meriah pasti siakap sebab erbeluhna nge kita ngalaken kerina baban berat si lit ibas kita e. Dibata si masu-masu kataNa. Amin.