DEWASA ERTIMBANG

Bahan sermon klasis pekan keluarga hari ke-7

Ogen               : Ulangan30 : 15 - 20

Kotbah            : I Kor. 2 : 6 – 16

Tema              : Dewasa Ertimbang

Pendahuluan

Dewasa adalah orang yang dianggap sudah mampu menentukan pilihannya sendiri, orang yang secara                   hukum sudah mampu mempertanggungjawabkan perbuatannya, dan secara biologis sudah cukup umur untuk beregenerasi.Jadi kalau disebut dewasa ertimbang itu berarti mampu menimbang, memilih atau membuat putusannya sendiri tentang  yang baik dan jahat dan menanggung segala konsekuensinya.

Isi

Dalam kitab ulangan (ogen), Musa memaparkan dua pilihan kepada bangsa Israel, baik dan buruk, kehidupan atau kematian. Siapa yang mengikutkan Firman Tuhan akan diberkati dan siapa yang tidak mengikutkan Firman Tuhan maka ia akan binasa. Musa memperlakukan umat itu secara dewasa, Musa tak perlu menakuti-nakuti mereka atau membesar-besarkan maksud dari pemberitaannya atau menjanjikan sesuatu dengan cara melebih-lebihkan, tetapi apa adanya. Bangsa Israel bebas memilih sebagai tanda bahwa mereka dewasa dalam berpikir dan beriman. Musa juga tidak memaksa atau mempengaruhi mereka dalam mengambil sikap menanggapi pesan yang diasampaikan.

Menurut Rasul Paulus, kedewasaan iman berkaitan dengan kesanggupan seseorang menerima hikmat (kepentaren) Allah. Orang yang dewasa secara imanlah yang mampu menghargai pemberitaaan akan kebenaran Firman. Kebenaren dan hikmat itu tidak dapat dipahami orang – orang dunia ini termasuk pengusasa-penguasanya sebab hikmat itu bukanlah berbicara tetang pengetahuan jaman sekarang, pengetahuan yang berujung pada kebinasaan. Orang yang dewasa secara iman yang mampu menimbang apa yang datang dari Allah dan apa yang berasal dari dunia. Orang yang dewasa adalah orang yang padanya ada Roh Kudus,  ia mampu menimbang apa pun tetapi dunia ini takmampu menimbang tentang dia, seperti ada tertulis, “siapakah yang mampu mengetahui pimikiran Tuhan dan yang sanggup mengajarkannya?”. Orang yang dewasa secara iman tidak akan diombang-ambing pengajaran-pengajaran yang datang dari dunia ini.

Aplikasi

Baiklah setiap hamba Tuhan,  menyampaikan pesan Allah tanpa dipengaruhi oleh pengajaran-pengajaran dunia ini yang berpotensi berubah maksud Allah.Jangan terlalu ambisi untuk membuat orang berubah atau memilih jalannya sehingga hamba-hamba Tuhan mengada-ngada dalam pemberitaannya. Sampaikanlah apa yang seharusnya disampaikan yakni kebenaran Firman Tuhan, sebab itulah yang membawa kehidupan. Biarkan umat memilih dan menimbang sendiri apa yang harus ia lakukan setelah mendengar pemberitaan itu. Ini semua bias dilakukan jika para pemberita itu dikuasai Roh Kudus, sebab hanya orang yang dikuasai Roh yang mengerti isi pikiran Allah. Pemberita pesan Allah  tidak boleh punya maksud atau kepentingan pribadi dalam pemberitaannya, kepentingan uang atau keinginan untuk dipuji parapendengarnya, jika itu ada dalam benaknya penyesatan akan terjadi.

Para pendengar Firman, anak-anak Allah baiklah hidup dalam kedewasaan iman, supaya mampu menimbang setiap pengajaran yang ia dengarkan. Bukan asal enak didengar,  bukan pula karena pertimbangan masuk akal, dan bukan pula  tergantung dari siapa yang memberitakannya, pendeta terkenal atau kurang terkenal, bukan itu semua yang dipertimbangkan orang yang dewasa secara iman, tapi kebenaran yang terkandung dalam pemberitaan-pemberitaan yang didengar. Kuasa Roh Kudus harus dimiliki setiap orang supaya mampu membedakan mana yang benar dan mana yang tidak benar supaya tidak terombang ambingkan oleh pengajaran – pengajaran yang berasal dari dunia ini yang menuju pada kebinasaan. Dengan demikian kita tidak salah berbuat seperti penguasa-penguasa dunia  yang telah menyalibkan Yesus karena mereka piker mereka benar (ayat8).

DEWASA ERNATAL

Bahan sermon Pekan Kebaktian Keluarga GBKP 2017 si pe-VI

Invocatio        : “sabab bage pengkelengi Dibata doni enda, e maka iberekenNa anakNa Sitonggal, gelah ole bene ise pe si tek man baNa, tapi gelah dat kegeluhen si tuhu-tuhu si la erkeri-kerin” (Johanes 3:16).

Ogen               : Jesaya 61:1-2

Renungan      : Matius 2:1-12

Tema              : Dewasa Ernatal

Lanai dekah nari kita bakal ngerayaken Natal tahun 2017 enda. Ngo seh ja nge persiapennta ibas merayaken natal tahun enda. Mulai kin ibas pemilihan panitia Natal , persiapan dana, kegiatan acara, baju seragam, dll. Tapi situhuna ibas kita ngerayaken natal e, enggo nge sisikapken diri bage pe pusuhnta ibas perayaan Natal e? Perayaan Natal e tuhu banci meriah, tapi makna Natal enggo nge tuhu-tuhu meriah? Kai dage buktina? Uga pemahamennta Yesus e bas diri bage pe pusuhnta ntah bage nge situhuna cara kita rikutken tindaken si ibereken kita man baNa.

Perayaan Natal tanggal 25 desember, bena-benana ilakoken sebagai penghormaten man Dewa Sang Surya Syria i Emesa nari ibas masa pemerintahan Kaisar Aurelianus (tahun 274) si mbangun kuil Dewa Matahari i Kampus Agrippae-Roma. 60 tahun kenca sie, gereja Roma ngerayaken Natal ibas tanggal 25 Desember tahun 336 sebagai wari ketubuhan Tuhan Yesus. Gereja Timur ngerayaken Natal menaken tahun 430. Selanjutna tahun 1038, misa Kristus igelari Cristes-messe ntah pe Christ-mass, ras jadi kata Christmas ibas bahasa Inggris. Natal bahasa Latin nari eme : dies Natalis ei ertina “ketubuhen”. Kerna aksesoris pohon natal rehna i Eropa Barat ras Timur nari singelambangken batang kayu si megegeh. Bage pe lilin Natal berhubungen ras Yesaya 9 :1-2; Matius 4:16 kerna “Terang si mbelin”, bage pe lampu kelap kelip sebagai terang si naluken kegelapen, enda ngelambangken maka ketubuhen Yesus sebagai “sinar kemurnian” ibas kegelapen doni enda.

Temanta ibas pekan kebaktian keluarga GBKP 2017 si pe_VI eme “dewasa ernatal”. Kata Dewasa berasal ibas bahasa Latin “adults” i ertina telah tumbuh menjadi kekuatan dan ukuran yang sempurna. Oleh karena itu orang dewasa adalah individu yang telah menyelesaikan pertumbuhannya dan telah siap menerima kedudukan dalam masyarakat bersamaan dengan orang dewasa lainnya. Ibas tulisan Rasul Paulus ngatakenca “Asum anak-anak denga aku, pengeranangku, perukurku, ras pengertinku bali ras anak-anak. Tapi kenca aku dewasa, kutadingken kerina biak anak-anak e” (1 Kor. 13:11). Hadirna Yesus bas pusuhnta jadiken kita dewasa. (Efesus 4:13). pertumbuhan secara jasmani kurang lebih bersifat otomatis, tapi pertumbuhan ibas tindaken ras kiniteken membutuhken upaya. Kedewasaan adalah suatu proses. Lalit jelma si ibas kitik nari langsung jadi dewasa baik ibas segi usia, iman, bage pe karakter. Adi dewasa merupakan proses, emaka ulin nge adi kita la pernah menganggap dirinta lebih dewasa asangken kalak sideban. Uga kita sipulung enda, enggo nge kita dewasa?

Ibas kitab Matius 2:1-12 i ceritaken mengenai ketubuhan Yesus, ija lit piga-piga situasi ibas ketubuhen Yesus e. Sipemena eme ibas guru i Timur nari: ia merupakan para ahli perbintangan i daerah Timur nari. Ija ibas munculna sada bintang si cemerlang iyakinina e sebagai tanda lahirna sekalak pemimpin besar. Hal enda banci jadi refleksi man banta, ibas kita ngerayaken ketubuhan Yesus e ibas Natal, kai nge si menjadi tanda-tandana Yesus e nggo tubuh bas dirinta?. Selain keyakinenna mengenai lahirna sekalak pemimpin e, atena ersura reh guna nembah man baNa. Ibas ay. 9-11, meriah kel ukurna, ibas bahasa karo ikatakenna “la tanggung riahna ukurna ngidahsa”, ahli perbintangen e jumpa ras Yesus, isembahna bage pe ipersembahkenna man Anak si mbaru tubuh e, eme: emas, kumenen ras mur.[1] Sada hal simenarik i akap kami ibas kalak timur enda, ija ibas ia mamba persembahen enda pe, kepeken nggo i sikapkenna ope denga idahna Yesus e tubuh. Persembahen si ibabana e pe kerina simerim ras simeherga. Kerina e iberekenna man Yesus, sebab tehna man ise ia mere e. Hal enda tentuna menjadi pejemba man banta ibas kita nehken persembahan man Tuhan Dibata, gelah ola mekarus.

Sipeduaken situasi ketubuhen Yesus e lit ibas Herodes[2] nari. Sengget ia ibas berita ketubuhan Yesus e. Sebab mbiar ia tersaingi ibas kedudukenna sebagai raja. Rasa mbiar e erbanca Herodes la erngadi-ngadi ndarami informasi, seh ka pe ipepulungna kerina imam-imam si mbelin ras guru-guru agama Jahudi. Informasi siidatna ibas ahli perbintangan bage pe imam-imam mbelin ras guru agama labo erbanca ukurna meriah guna jumpa ras Yesus e, tapi erbanca turah atena segat, cemburu, marah, seh atena guna membunuh. Rencana Herodes la banci erdalan, sebab e labo rencana Tuhan, sienggo i suratken ibas Johanes 3:6 “sabab bage pengkelengi Dibata doni enda, e maka iberekenNa anakNa Sitonggal, gelah ole bene ise pe si tek man baNa, tapi gelah dat kegeluhen si tuhu-tuhu si la erkeri-kerin”. Ketubuhan Yesus ku doni enda, gelah manusia terkelin, baik ibas kemusilen, si getem pusuhna, si tertaban, si ibas penjara, bage pe si erceda ate (Yesaya 61:1-2)[3].

Ibas ketubuhan Yesus ku doni enda, Dibata membuktiken kai sienggo i belasken bage pe ijanjikenNa man manusia, gelah manusia e terkelin. Sebab ibas Yoh.1:1,14 “ope denga ijadiken Dibata doni enda, kata enggo lit.bkata e ras Dibata, janah kata e Dibata. Kata e enggo jadi manusia, janah Ia ringan i tengah-tengahta. Enggo idah kami kemulianNa si mbelin, e me kemuliaan si ibereken Dibata man baNa erkiteken Ia Anak Dibata si Tonggal. Anak e encidahken lias ate ras kai si benar kerna Bapa e”. Eme siilakoken Dibata ibas malam natal, “PerkataanNya menjadi PerbuatanNya”. Maksudnya, perkataan telah menjadi kenyataan. Kata telah menjadi fakta. Kata dan tindakan menyatu. Dalam Kristus terjadilah integritas. Salah sada bentuk kedewasaan eme litna integritas bas dirina.  Visi GBKP 2016-2020 “gereja aron Dibata guna jadi pasu-pasu man isi doni enda”, ertina kehadiran Gereja tuhu-tuhu ernanam man sekelewetna, labo terjeng alu kata-kata tapi arah kerina pengkebet geluhna. Kepribadian berintegritas imulai ibas perkara si kitik. Kai si ilakoken e ka si iyakini, kai siiyakini e ka si ilakoken. Ucapannya bisa dipercaya, perbuatannya bisa diandalkan. Ia tidak mengobral janji. Perkataan dan perbuatannya sama.

Ernatal mbaba kedamen ibas kegeluhennta, labo natal e mbaba kehancuren, sebabna dari tahun ke tahun siidah maka dung natal e lit perjentiken sapih-sapih kita. Arah natal tahun enda maka erdewasanalah ukurnta aminna la bagi ukurnta hasil natal e. Bahanlah kekurangen natal tahun enda jadi pelajaren untuk kedepanna, gelah tahun sireh ka pe erjilena perdalanan natalnta. Labo kita mandangi panitia saja, sebab ia pe latih nge akapna.

Jadi adi nggo kin sipahami kai tujuannta ernatal e, rikutken kita pe ninta nggo dewasa. Maka marilah silaksanaken Natal tahun enda alu pusuh sisukacita ibas berita Natal e, si dahi ia bagi ukur Guru i Timur Nari eme ukur “la tanggung riahna ukurna ngidahsa”, sisiapkenlah persembahennta situhu2 (geluhnta, jabunta, pelayanannta) simehulina man Dibata (Rom.12:1) ula bagi ukur Herodes si dem alu cian, dendam, amarah, ras sidebanna. Uga pe , meriah nari Natal e.

SELAMAT MENYAMBUT NATAL 25-26 DESEMBER 2017

DIBATA SIMASUMASU KITA KERINA

Sarilaba

Pdt. Dewi Rolita Br. Tarigan, S.Th

---

[1] Kemenyan dihasilkan dari getah putih pohon-pohon tertentu yang tumbuh di Arab. Bubuk  bernilai tinggi yang di produksi dari getah tersebut berbau harum dan biasa digunakan dalam ibadat orang Yahudi (Keluaran 30:34-38), wangi-wangian getah rasamala adalah getah seperti susu dari akar tanaman seperti wortel yang banyak ditemui di Persia dan Siria. Kemeyan berasal dari bahan berwarna putih yang lengket dari pohon-pohon tertentu di Timur Dekat, biasanya di tumbuk menjadi bubuk  yang jika dibakar mengeluarkan bau harum. Mur adalah getah berwarna merah tua, berasal dari sejenis semak yang tumbuh di Arab dan Afrika. Baunya sangat kuat dan rasanya pahit. Karet itu kemudian dihancurkan menjadi bubuk dan digunakan sebagai bahan baku wewangian dan balsamyang mahal harganya.

[2] Atau dikenal sebagai Herodes Agung. Ketika pasukan Roma menduduki Palestina, ia diangkat menjadi gubernur Galilea. Herodes kemudian menjadi raja atas Yudea, Galelea, Samaria, dan daerah disebelah timur sungai Yordan sekitar tahun 37 SM. Menurut catatan sejarah, ia meninggal tahun  4SM. Heroes membangun kembali beberapa kota, seperti Kaisarea dan Yerikha, ia ingin dirinya populer dimata orang Yahudi dengan membangun kembal bait Allah di Yerusalem.

[3] Yesaya 61:1 “Roh Tuhan”. sama seperti Roh Tuhan datang kepada Daud ketikaia dipilih menjadi raja Israel ( 1 Sam. 16:13). Demikianlah juga raja baru ini (Yesaya 11) akan menerima Roh yang sama. Para ahli tidak dapat memastikan apakah yang berbicara dsini adalah Yesaya atau “hamba Allah” itu (Yes.42:1-4, 49:1-9), hamba dalam nyanyian ini dikenal sebagai Israel. Namun hamba juga bisa menunjuk kepada seorang raja seperti yang disebutkan dalam 9:5-6 dan 11:1-5.

Pembicara disini telah dipilih untuk mengumumkan kabar baik yang mencakup kesembuhan dan kebebasan. Tahunrahmat Tuhan (61:2) barangkali tahun perayaan yang istimewa (juga dikenal sebagai tahun Yobel) yang tiba setiap 50 tahun. Selamatahun itu, budak dibebaskan dan tanah dikembalikan kepada keluarga pemilik aslinya (Imamat 25:8-34). Ayat ini kemudian dikutip Yesus untuk mengambarkan misiNya (Luk. 4:16-19), lihat juga Matius 11:5; Lukas 7:22.

DEWASA ER-ADVENT

Sermon Pekan Kebaktin Keluarga

Berngi pe-5 ken

Invocatio          : Kesusuren Raja Daud bali ras batang kayu si enggo itabah. Tapi bagi tunas si turah ibas tongkehna nari, bage me pe ibas kesusuren Daud nari keke sekalak raja (Jesaya 11:1)

Ogen               : Miha 5:2-5a

Renungen       : Lukas 1:38-45

Tema              : Dewasa er-Advent

1. Dewasa dan Advent…?

Rusur kel kata dewasa ikaitken ras usia atau kemampuan guna memimpin entah enggo mandiri tapi kepeken kedewasaan e la terjeng penampakan secara fisik saja tapi ikut pe ras batinna. Adi Rasul Paulus menggambarkan kalak si langa dewasa secara kiniteken e langa ngasup ngaloken nakan keras tapi susu denga (Heb 5:11). Ertina amin gia enggo dewasa secara umur tapi kinitekenna bagi danak-danak denga. Kalak si dewasa e eme kalak si nggit rusur iproses guna mpelimbarui kegeluhenna ibas Dibata.  amin na gia ibas proses enda labo entabeh kerina si man alankenna. Tapi adi danak-danak denga meriah akapna adi kerina seh bagi sura-surana saja.

Advent asal katana Adventus si ertina “kedatangan”, Ibas minggu gerejanta minggu advent enda igelari minggu persiapan guna nimai kerehen Tuhan Yesus. Kenca dung minggu advent enda maka biasana sirayaken me wari natal. Ibas minggu persiapen enda banci siidah uga kedewasaan sesekalak jelma ibas erkiniteken man Dibata.  Adi anak-anak persiapen siibahanna eme tarian guna menunjukkan kemampuanna, baju gelah teridah ia mejile (seragam), sepatu model kekinian, uga model rambutna pagi ras sidebanna si berhubungen guna kiniulin dirina. Adi kita kalak si enggo dewasa secara umur kai ka nge persiapen sibahan guna ngalo-ngalo kerehen Tuhan Yesus e…?. semal kel e ibas gerejanta icakapken wari natal maka mis kita ercakap kerna kai si man tanggerenken..?, uga baju seragamta, apakah bagenda model persiapen kalak si enggo dewasa erkiniteken….?. sicubaken ngenen persiapen Maria ras Elisabet ibas nimai kerehen Tuhan Yesus …

2. Maria dan penantian kedatangan Yesus

Maria ijumpai Malaikat Gabriel guna nehken berita maka Maria e ijadiken Dibata jadi nande Yesus. Ibas masa si e Maria enggo ertunangen ras Yusuf tapi langa bo pernah ia ngelakoken hubungen suami istri.  Melala kel kebiaren-kebiaren sir eh nangdangi Maria ibas ndatken berita e misalna :

1. Ibas tradisi kalak Yahudi adi sekalak diberu kedaten erlua-lua maka hukumenna ibenteri alu batu seh mate. Maria ibas masa si e enggo hamil, adi lit kalak ngetehsa kerna si e, padahal ia langa sah jadi ndehara Yusuf maka enda jadi aib janah banci pe ia kena hukumen.

2. Yusuf  pe merencanaken guna nadingken Maria alu sinik-sinik.

Kerina enda tuhu-tuhu mberat guna ngalakenca tapi Maria alu kinitekenna ngatakenca “kuendesken diringku man bandu Tuhan. Janah jadilah ibas aku bagi si enggo ikatakendu e !”

Persiapen Maria ibas ngalo-ngalo kerehen Tuhan Yesus eme PENYERAHEN DIRI SEPENUHNYA. Maria mereken dirina sepenuhna bagi sura-sura Dibata ras tek man baNa. alu sukarela ngaloken kehormaten ibas Dibata nari sekaligus celaan ibas masyarakat nari.

Perbeben kegeluhen e enggo jadi sada bagian siharus sihadapi ibas kegeluhenta ibas doni enda, banci arah keluarga, ekonomi, kesehaten ras sidebanna. Tapi uga nge persiapennta selaku kalak sierkiniteken ibas mempersiapken dirinta ngalo-ngalo kerehen Tuhan e…? erlajarlah kita arah Kedewasaan kiniteken Maria yang  mengubah BERAT menjadi BERKAT.

3. Maria dan Elisabet

Elisabet eme senina Maria, ia pe jadi aib ibas masyarakat Yahudi erkiteken enggo metua tapi lalap langa lit pupusna. Tradisi Yahudi ngatakenca maka perjabun si la lit pupusna ianggap sebagai pejabun si la ndatken pasu-pasu ibas Dibata nari janah enda rusur ihubungken ras hukumen Dibata. Emaka si Elisabet enda pe labo lit temanna. Kenca Maria jumpa ras Malaikat Gabriel ndai jenari lawes ia ku rumah Elisabet, Sebagai nande si paksana mehuli bertinna la nguraki semangatna guna lawes ku rumah Elisabet amin gia dalanna erdeleng-deleng. Banci ikataken Maria la njadiken kelemahenna jadi alasan untuk tidak menjadi berkat.

Ibas perjumpanna ras Elisabet enda tupung ikatakenna mejuah-juah, maka anak siibas bertin Elisabet minter kemuit. Secara ilmu kedokteran adi anak kemuit ibas bertin rusur ikataken kontraksi, janah biasana nande mesui nge akapna, tapi enda berbeda kel ras Elisabet, ia justru ermeriah ukur dingen idemi alu Kesah Sibadia. Kehadiran Maria maba kemalemen ate man Elisabet seh maka kinisuin pe berubah jadi keriahen.

Elisabet si enggo idemi Kesah Sibadia pe nehken pasu-pasu man Maria janah ibas perkataanna e pe teridah lit ije kiniteruken ukurna. Mungkin Elisabet enda ndauh nge tuan asangken Maria, tapi teridah ije pendahin Kesah Sibadia maka ipasu-pasuna Maria ras anak siipupusna alu dem kiniteruken ukurna. Maria ras Elisabet dewasa kinitekenna, emaka sad ape labo ia peganjangken bana, banci saja Maria meganjang ukurna erkiteken ia nande Yesus entah Elisabet erkiteken tuan ia asangken Maria. Dewasa ibas nimai kerehen Tuhan Yesus e lit ije kiniteruken ukur guna sihamaten sada ras sidebanna.

4. Refleksi

Mpesikap diri ibas ngalo-ngalo kerehen Tuhan Yesus e ula terjeng fisik saja tapi siterutamana kel eme ukurta. Erlajar arah Maria si dewasa cara kinitekenna mpersiapken diri guna ngalo-ngalo kerehen Tuhan Yesus eme :

1. Penyerahan diri seutuhna man Dibata

2. Kelemahen la jadi alasan guna menyerah

3. Jadi pasu-pasu man kalak sideban

4. Lit kiniteruken ukur ibas persadanta kerina..

Sebab sialo-alo kita e pe eme si MABA DAME , raja s idem alu kemulian dingen ngerajai rakyatna alu dem kemulian she maka rakyatna e pe nggeluh alu senang. (Miha 5:2-5a). Maka marilah kit ape kerina jadi agen-agen pembawa dame. Ula erkiteken lit natal maka lit ka perubaten gara-gara lomok-lomok si la seri takarenna, entah erkiteken la tampil vocal groupta ras sidebanna. Tapi mulihilah kita ku yang terpenting ras terutama eme YESUS e……

ANAK DIBATA NGGO NUSUR KUDONI

BAHAN SERMON PERPULUNGEN JABU-JABU

12-18 NOPEMBER 2017

Ogen          : Lukas 2 : 8-14

Tema          : Anak Dibata Nggo Nusur Ku Doni

Sijadi cataten sibanci ibuat kita guna jadi perenungen ibas PJJ enda eme:

Þ    Malekat Tuhan encidahken bana man kelompok permakan si jarakna 2,2 km i kota Betlehem nari. Permakan-permakan enda me sinjaga biri-biri itengah berngi i mbal-mbal, janah kalak enda me singaloken berita ketubuhen Jesus ibas Malekat nari. Ibas berngi si gelap berubah jadi teraang ras ende-enden pujin man Dibata iendeken malekat Sorga (ay. 13)

Þ    Engkai maka Ketubuhen Tuhan Yesus maba berita keriahen? Lit telu alasen: 1. Nina Malekat e man bana “Ola mbiar, aku reh maba berita si meriah, simereken keriahen simbelin man kerina manusia” (ay. 10). 2. Berita e maba keselamaten (ay. 13), 3. Berita e maba dame man manusia ras pe bersifat ‘kosmik’ (Seluruh alam semesta), (ay. 14).

Þ    Teridah respon permakan singaloken berita e, ija permakan e minter lawes ku kota Betlehem (ay. 15), guna njumpa ras Anak Dibata juruselamat e. iturikenna man Jusup ras Maria kai sienggo ikataken Malekat man bana kerna anak e. jenari mulih permakan e, janahna rende ersurak muji Tuhan.

Ketubuhen Tuhan Yesus maba dame man banta manusia singena ateNa. Ertina kalak simaba dame iakui Dibata me ia anak-anakNa. Kinatana kegeluhen manusia melala maba kengisahen, kearun, kebiaren ras perubaten. Man kalak sibage labo ketuahen ialokenna. Emaka arah ketubuhen Tuhan Yesus Anak Dibata sienggo nusur ku doni, sicidahken ras sibaba min dame kuja pa pe kita isuruh Tuhanta. Bagi permakan simaba dame ibas ketubuhen Yesus Kristus, emaka sibaba dame e kutengah jabuta, gereja ras sekelewetta. Adi silakoken si e tentu mbelin gunana. Endaa me tanggung jawabta ibas kita ngakuken Tuhan Yesus situbuh e Juruselamatta, nggit kita maba dame man kalak si deban. ola kita maba perpecahen, perjengilen, perubaten, ras kinisuin man kalak sideban. Mari siusih teladan Tuhanta sienggo tubuh ku doni, si jadi juru dame, sindameken manusia perdosa ras Dibata si Badia. Metedeh min ateta guna ndalanken perentahNa, temtu geluhta pe iwarnai sukacita dame sejahtera. 

JABU SIERSADA IBAS SIMEHULI

BAHAN SERMON KHOTBAH MINGGU

19 NOPEMBER 2017

Invocatio    : jabu ipanteki erpalasken kepentaren ras pengertin (Kuan-Kuanen 24:3)

Ogen          : Perbahanen Rasul-rasul 5: 1-11 (Tunggal)

Khotbah     : Perbahanen Rasul-rasul 18: 1- 3 (Tunggal)

Tema          : “Jabu Siersada Ibas Simehuli”

Kata Perlebe

Jabu eme sada lembaga sipemena lit ibabo doni enda. Leben lit persadan jabu asa persadan sideban, termasuk gereja ras Negara. Ajaren Reformasi ngataken jabu masuk kubas “Orde Penciptaan” (Kej. 2:18). Maksudna eme maka Dibata nge singerencanaken ras sinetapken litna jabu. Jadi, arah enda banci siertiken maka jabu situhuna palas kerina persadan si lit ibabo doni enda. Emaka nina Pdt. DR. Eddy Paimoen situhuna, labo lit masalah ibas gereja, labo lit masalah ibas Negara, sibermasalah situhuna eme jabu. Maksudna maka kalak s imbue masalah ibas jabu, janah lalit ibdatna serpang pulahna, kalak sibagenda me maba persoalen ibas gereja ntah ibas Negara enda. Ertina konvensasi kalak si la malem atena (bahagia) ibas jabu, biasa idarat jabu ipedaratna. Erkiteken Jabu e, rehna ibas rencana Dibata nari emaka arusna min jabu e ibabai ku hal-hal simehuli, sebab Dibata eme ulu kerina si mehuli.

Fakta Teks/ Pemahamen Teks

Ø  Ogen        : Perbahanen Rasul-rasul 5: 1-11

Perpulungen sipemena si tek man Jesus ersada ukurna dingen ersada penggejapenna (4:32), erkiteken si e kerina si lit ibas perpulungen e ipake guna keperlun ras-ras. Tapi kepeken ibas perpulungen sipemena e lit ka nge si la jujur perbahanenna, Ananias ras Safira. Duana ia ndayaken tanehna tapi hasil tukur taneh ndai labo kerina itaruhkenna man rasul-rasul. Sada bagin ngenca iberekenna janah sada bagin nari ibunikenna, Ananias ras Safira ersada arihna ngelakoken sibagenda rupana erkiteken ikuasai iblis ukurna. Lukas nulisken kisah pasangen enda kenca ia nuratken siibahan  Barnabas. Tapi berbeda ras Barbanas, Ananias ras Safira pekulah-kulahna maba hasil tukur taneh e. Ananias ras Safira atena mere kesan meniru bagi siibahan Barbanas. Cinta uang ras cita-cita guna ndatken gelar terhormat eme pintu siipake Iblis ibas merasuki ukur Ananias & Safira.

Kenca ipepayo Petrus kerna hasil tukur taneh ndai, tetap Ananias ras Safira labo ngataken situhuna tapi tetap mekeng ia melasken si la tuhu. La ietehna maka situhuna labo Petrus siibualina e tapi Kesah Si Badia (Kesah Si Badia ndemi dingen ngkuasai ajar-ajar ibas wari Pentakosta). Arah kata-kata Petrus (ay.4) jelas maka kalak enda labo wajib ndayaken ras nyerahken tukur taneh e. entah sope bagepe kenca idayaken pe, hasil tukur e banci ate-atena makesa. Dosa siibahan Ananias ras Safira eme kalak enda duana enggo ncedai persekutun perpulungen alu erbual (berdusta), jadi, lanai sehati ras sidebanna. Erkiteken si e, kata-kata siibelasken Petrus pe dem alu kuasa Kesah Si Badia. Kenca Ananias melasken kata si la tuhu minter ia mbulak dingen mate pe.

Ibas ay 7, “kira-kira 3 jam kenca si e……” banci siamati maka situhuna labo minter reh Safira ndahi Petrus. Banci jadi erkiteken enggo ndekah kal iakapna nimai perbulangenna i rumah, seh maka telu jam la mulih-mulih. Kemungkinen besar Safira atena nungkun man Petrus ija nge perbulangenna, engkai maka lenga mulih. Tapi sope lenga lit penungkunen e ipedarat Safira, minter ipepayo Petrus man bana kerna hasil tukur taneh ndai. Erkiteken la ieteh Safira kai sienggo leben terjadi nandangi perbulangenna seh makana tetap mekeng ia, kata bual siipesehna man Petrus. Ibas sienda pe Safira enggo erbual man Kesah Si Badia, janah ulihna eme Kematen.

Ibas paksa si e lit piga-piga anak perana si tedis dingen baluti dingen nguburken mait Ananias ras Safira e. anak-anak perana e kemungkinen ajar-ajar Petrus ntah pe kalak si sangana megiken pengajaren Petrus.

Ibas teks enda sieteh uga ulihna adi kalak ngelakoken si la mehuli, ngataken si la tuhu ntah pe erbual man Kesah Si Badia. Labo lit tersurat kai situhuna motivasi Ananias ras Safira ibas ngelakoken hal si la payo e, tapi tangkas man banta ulihna eme kematen. Tanda sengget si e, labo tanda sengget sipemena ilakoken Petrus, janah kalak si nterem bage pe perpulungen simegi kerna kejadin e mbiar ia. Banci jadi kejadin enda pe jadi persinget nandangi kerina perpulungen si pemena e, gelah ula erbual man Kesah Si Badia.

Kejadin enda isuratken labo sebagai ancamen ntah pe pebiar-biar singogesa tapi jadi peringaten gelah singogesa la isesatken. Ibas kejadin enda justru keutuhen perpulungen si sehati ras sejiwa, terancam. Erkiteken si e me maka Ananias ras Safira datken kematen sebab perbahanen si la mehuli arus itiadaken ibas perpulungen Tuhan nari, tapi amin gia bage tetap lit kesempaten untuk bertobat, sienda pe imaklumken Petrus (3:19)

Ø  Perbahanen Rasul-rasul 18: 1- 3

Kota Korintus jadi tempat kegiaten Paulus si penting. Enterem kalak Jahudi bagepe Junani jadi kalak si tek. Paulus seh i Korinti siletakna lit berkisar 50km Atena nari. Enda me ibukota propinsi Akhaya ras pe ingan tading Gubernur Romawi. Korintus eme Pelabuhen besar, kota e pe terkenal ibas praktik-praktik ketidaksusilaan. Enda me kota koloni Romawi siiduduki enterem kalak Romawi janah nggeluh seturut adat istiadat kalak Roma. Ibas kota e pe lit Rumah Pertoton kalak Jahudi entah pe Sinagoge.

I Korintus Paulus jumpa ras Akwila bagepe Priskila ndeharana, kalak enda duana pengikut Yesus Mesias. Akwila asalna i Pontus nari. Pasangen enda i pelawes Kaisar Klaudius i Roma nari. Kaisar mpelawes kalak Jahudi i Roma nari erkiteken kalak Jahudi i Roma lalap menimbulkan kerusuhen atas hasutan chrestus (ejaan lain dari Kristus. Paulus, Akwila & Priskila erdahin sebage tukang tenda. Pendahin selaku tukang tenda ntah pe tukang kulit eme usaha si mudah ibaba ibas perdalinen. Ibas perikop enda icidahken segelintir kisah ija Paulus kesilang i rumah pasangen enda, janah labo ngenca kesilang tapir as-ras ia erdahin selaku tukang tenda.

Mungkin memang kurang jelas ituriken ibas perikopta kerna uga pasangen enda, Akwila ras Priskila tuhu-tuhu ersada erbahan simehuli. Amin gia bage banci sinehen korelasina ibas kisah selanjutna 18 : 24-27, ija lit sekalak gelarna Apolos, ia sekalak si terdidik dingen ngajar ia kerna Jalan Tuhan ertina Jalan Tuhan Yesus. Erkiteken Apolos hanya meteh kerna peridin Johanes ngenca, seh makana kenca ibegi Priskila ras Akwila carana ngajar ibabana ia kurumahna, dingen ije me iajarken kalak enda man bana kerna Dalan Dibata alu lebih teliti. Labo terjeng Akwila sinjelasken man Apolos tapi pe ikut ije Priskila, ndeharana, bahkan gelarnaa nge leben isuratken. Ibas kisah sienda jelas isuratken maka kepeken Priskila ras Akwila enggo nampati dahin meritaken berita si Meriah, janah eme sada perbahanen si mehuli. Ersada arihna duana ibas erbahan simehuli.

Aplikasi/Perenungen

1.      Kisah Ananias & Safira situhuna mengejutkan. Ibas padan simbaru ijenda ngenca banci idapeti kita perpulungen si minter mate erkiteken dosa. Bagin enda banci jadi perenungen ras peringeten man perpulungen segelah ula mendustai Dibata.

2.      Ancaman kerna keutuhen ras kebadiaan Perpulungen ijenda teridah ibas internal perpulungen Kristen e, labo darat nari. Asa bancina situtup min pintu perukurenta terhadap penggodaan guna nipu ibas persekutun

3.      Iblis gunaken cinta manusia gelah terhormat ras cinta uang. Banci jadi isekelewetta pe sigejabken uga sifat cinta uang banci ncedaken kegeluhen pihak tertentu arah nipu ntah pe korupsi skala besar. Payo memaang kita butuh serpi guna keperlun geluh sitep-tep wari. Tapi waspadalah terhadap godaan si lit ibas serpi e.

4.      Dibata ngawasi dingen njagai kebadian Perpulungen. Menurut paulus, ibas keadaan tertentu enda jadi tugas pemimpin Jemaat (band. I Kor. 5:11-13). Tapi labo berarti pemimpin jemaat e harus bertindak bagi polisi. Pemimpin jemaat perlu mpermakani perpulungen si erdosa alu keleng ate (band. Mat. 18: 13-35).

5.      Priskila ras Akwila eme pasangan si memiliki kesehatian. Banci siperdiateken ayat-ayat sinulisken kerna pasangen enda, gelarna tetao itulisken berdampingen. Banci sibandingken ras kejadin Ananias ras Safira si bersehati ibas ngelakoken si la mehuli. Pengajaren sibanci itarik kita ijenda eme, Paulus ngajuk kita gelah sehati sepikir ibas hal si mehuli.

6.      Priskila ras Akwila eme pasangen Suami-Istri simediate nandangi dahin Meritaken berita Simeriah. Catatenna banci siperdiateken ibas ay. 11 ija Paulus tading ras pasangen enda sada setengah tahun dekahna.

7.      Jabu Priskila ras Akwila eme jabu si ngangkai kerna kata Dibata. Seh maka pasangen enda ka pe nuriken alu teliti kerna Dalin Dibata man Apolos, sekalak si terdidik dingen beluh ngerana.

Siterakhir, mari kita erlajar jadi jabu si sehati dingen mediate nanadangi dahin Dibata, janah pe jadi jabu singangkai kerna kata Dibata sekaligus jadi Pelaku Firman. 

TUHAN MULAHI BANGSANA

TUHAN MULAHI BANGSANA

 (Matius 9:35-38)

Ibas bahan ogennta enda siidah tuhu-tuhu kerehen Jesus ku bas kuta e mereken dampak dingen teladan si luar biasa guna man usihenta. Isiari Jesus kuta-kuta si meriah ras kuta-kuta si kitik. Piga-piga hal sinilakoken Jesus, eme:

1.      Ngajar Ia i rumah-rumah pertoton kalak Jahudi.

2.      IberitakenNa Berita Si Meriah kerna Kinirajan Surga.

3.      IpepalemNa erbage-bage pinakit.

Kerina sinilakoken Jesus erpalasken keleng ate. Mekuah ate Jesus ngenehen kalak si nterem e (ibas bahasa Indonesia: tergeraklah hati Yesus oleh belas kasihan), sabap kalak si nterem enda kote dingen lanai lit si ngepkepsa, bagi biri-biri si la ipermakani.

Pusat pengajaren Jesus emekap keselamaten ras Kinirajan Surga. Banci siidah maka pengajaren si isehken Jesus tuhu-tuhu maba dampak ku bas kegeluhen kalak Jahudi. Pengajaren si tuhu-tuhu berbeda ras ahli-ahli Taurat. Salah sada kelemahan ibas ahli-ahli Taurat, melala ia ngajar guna kepentingen dirina ras melala lanai erpalasken keleng ate ras kebenaren Kata Dibata. Nina Jesus, maka melala pengajaren-pengajaren ahli-ahli Taurat, merupaken peraturan-peraturan manusia (Mat. 15:9).  Jesus mulahi kalak Jahudi ibas pemahamen-pemahamen si salah kerna pengajaren-pengajaren agama.

Iberitaken Jesus kerna Berita Si Meriah kerna Kinirajan Surga. Berita Si Meriah si iberitaken Jesus tuhu-tuhu sirehna ibas Dibata nari ras Ia nge situhuna Berita Si Meriah e. Arah Jesus maka kita banci seh ku bas Kinirajan Surga e (Joh. 4:6). Kerehen Jesus guna mulahi kalak Jahudi ibas maut, sabap ia kap dalan keselamaten ras dalan ku bas Kinirajan Surga.

Ipepalem Jesus erbage-bage pinakit. Banci siidah kepedulian Jesus nandangi kalak si nterem, si erpinakiten. KepedulianNa tuhu-tuhu nyata arah Ia nggit pepalem kalak si sakit. Kerehen Jesus pe mulahi nterem kalak Jahudi ibas pinakit.

Kerina silakoken Jesus enda bukti man banta maka Tuhan mulahi bangsaNa, mulahi ibas kuasa maut erkiteken dosa-dosanta. Penting guna tetap ngejapken kerna keselamaten si enggo ibereken Tuhan man banta kerina arah anakNa Jesus Kristus. Alu bage, pendilo Dibata nandangi kita guna muat bagin ibas pelayanen ras erberita kerna Berita Si Meriah si lakoken alu tutus ras semangat. Mbelang man peranin, tapi kurang si ranisa; alu kata sederhana, melala pelayanen si banci silakoken tapi kurang denga si muat bagin ibas pelayaanan e. Maka arah PJJ-nta sekale enda, mari si ajuk perpulungen Tuhan guna nggit muat bagin ibas pelayanen, erberita ras jadi perpanjangan tangan Tuhan. Tuhan enggo mulahi kita ibas dosa nari. Pelayanan si banci silakoken kita mencakup ibas kerina dampar kegeluhen manusia: kiniteken, pendidikan, kesehatan, ekonomi, rsd.

Lagu si rusur si endeken kita eme KEE 108: Mbelang Me Kap Man Peranin. Lagu enda menjadi penyemangat guna tetap melayani ras erberita kerna Berita Si Meriah.

MPELIMBARUI KEGELUHEN ERSEMBAH

BAHAN SERMON KHOTBAH MINGGU 05 NOPEMBER 2017

(Minggu Reformasi Gereja)

Invocatio    : Sendah kubereken man bandu kuasa nandangi bangsa-bangsa raas kerajan-kerajan lako mbungkarken dingen ngeruntuhken, lako ngkernepken dingen ngeradasken, lako manteki dingen nuan. (Jeremia 1:10)

Ogen          : Markus 11: 15-19

Khotbah      : 2 Kronika 35: 20-26

Tema          : Mpelimbarui Kegeluhen Ersembah

1. Kata Perlebe

Ibas zaman genduari enda lit pandangen maka “manusia genduari lanai perlu iakapna nandangi rumah pertoton (ersembah)”, tapi situhuna pandangen si e la banci sianggap mewakili sikap manusia secara umum. Sebab ibas zaman genduari ka pe labo sitik kalak si perlu iakapna ersembah man Dibata, seh maka la akapna sikap ndalani kegeluhenna sada wari adi la ia ersembah man Dibata lebe (ertoto/saat teduh). Bahkan lit denominasi gereja tertentu situhu-tuhu teridah kemajunna, terkhususna kuantitas perpulungen. Tapi adi si soroti secara kualitas, labo beluh kita menilaisa soal maju mundurna gereja (ingan ersembah) e, sebab ermacam-macam motivasi kalak si reh ku rumah Pertoton. Arah bahan ogen bagepe khotbah ras invocatio-ta minggu enda, ibabai kita guna ngenehen uga kin situhuna kegeluhen ersembah si payo.

2. Pemahamen/Fakta Teks

·         Ogen : Markus 11 : 15-19

Jesus lawes ku Rumah Pertoton i Jerusalem, ije ipelawesNa kalak si erbinaga ras sinukur ibas kesain rumah pertoton e, itunggalingkenna meja-meja ingan nukar duit. Kenca si e ilakoken Jesus maka iajariNa kalak sinterem ibas isi Pustaka Si Badia kerna Rumah Pertoton. Kenca bage Iman-iman Simbelin ras guru-guru agama ndarami dalan guna munuh Jesus, tapi la ia pang. Kenca bage lawes me Jesus ras ajar-ajarna ibas kuta e nari.

Jerusalem, eme pusat ingan ersembah kalak Jahudi/Israel. Rumah Pertoton e ibagi jadi 3 bagian, eme : ibas (imam besar, guru agama/lewi, pria dewasa), kesain (diberu), idarat (Non Jahudi, pemungut cuke, kalak cacat, rsd). Pembagin e ibahan erkiteken ibas masa padan si Mbaru orientasi jelma eme kelompokna, emakana identitas ras status sekalak jelma itentuken kelompokna ibas massyarakat. Jesus meteh maka keadaan Rumah Pertoton paksa sie lanai bagi arusna. Rumah pertoton siarusna mereken kenyamanen ras kesetaraan ilebe-lebe Dibata, justru ije terjadi pembedaan stratifikasi masyarakat. Situhuna Jesus sangat menghormati Rumah Pertoton, rasa hormatNa e dungna mendorong ia gelah mpelimbarui orde yang ada, Rumah Pertoton paksa si e ipandang Jesus jadi alat sebagai penutup kegersangan Rohani bangsa e.

Kegersangen e teridah ibas carana ersembah man Dibata. Ibas Jesaya 56:7b ikataken maka Rumah pertoton e ingan ersembah kerina bangsa, tapi kepentingen status kelompok atas (Jahudi) erbahansa kalak si metunggung masuk kubas rumah pertoton e hanya kalak Jahudi saja (Pria dewasa), sementara si labo kalak Jahudi inganna idarat Rumah pertoton e. selanjutna kebobroken spiritual paksa sie itambahi alu litna kalak sierbinaga ras ingan nukari duit i kesain rumah pertoton e, padahal kesain rumah pertoton e itetapkenna jadi ingan ersembah man diberu, tentuna proses jual-beli si gejek i kesain rumah Pertoton erbahansa diberu si ersembah lanai banci fokus man Dibata. Bagi kalak non Jahudi, cacat ras pemungut cuke si inganna i darat rumah pertoton e, tentu terganggu alu litna proses jual-beli i kesain Rumah pertoton e.

ngidah kinilaraturen si lit i Rumah Pertoton e, Jesus ngandingkensa ingan e bali bagi asar Penamun. Tentuna asar penamun ras Rumah Pertoton eme dua hal si sangat bertolak belakang. Sanga Jesus ngajarken kalak sinterem kerna Rumah Pertoton nembeh kal ate Imam-imam simbelin ras guru-guru agama sebab kalak sinterem megiken pengajaran Jesus, emaka idaramina dalan guna munuh Jesus.

·         Khotbah : 2 Kronika 35:20-26

Kata kunci ibas ay. 20 eme “Kenca Raja Josia ngelakoken kerina e …” nandaken maka perlu si perdiateken perikop sebelumna. Ibas pasal 35: 1-19, ituriken uga Raja Josia patuh man Tuhan dingen ngerayaken Paskah bagi siiperentahken Dibata. Selama enda perayaan paskah lanai ilakoken bangsa Israel erkiteken Rajana si memerentah eme kalak si la erkemalangen man Tuhan, tapi kenca Josia jadi Raja kegeluhen bangsa Israel mulai berobah, mulihi ngikutken kata Dibata. Mulana kegeluhen ersembah bangsa e seh kal bobrokna, bangsa e nembah man (dewi asera, baal, rsd), dewa-dewi si lit inegeri e tapi kenca Josia jadi Raja, berhala-berhala e kerina ras ingan ersembah man berhala e iruntuhken (34:3). Kenca si e ibahan Josia me perpadanen ras Dibata guna tetap patuh ras ngikutken undang-undang Tuhan alu bulat ukur rikut pe si jadi perentah man bangsa Israel (34:31).

Amin gia Josia icatatken, eme sekalak si merentah bangsa Israel gelah jadi bangsa si erkemalangen man Tuhan tapi tetap saja lit kekurangenna, seh makana ia mate ibas peperangen ngelawan pasukan Neko Raja Mesir.

·         Invocatio : Jeremia 1:10

Kenca kematen Raja Josia, raja-raja si memerentah i Israel mulihi lanai erkemalangen man Dibata seh makana bangsa e itaban ku Babil. Jeremia sekalak Nabi si lit itengah-tengah bangsa Isrel, ia tetap mpersingeti bangsa Israel gelah patuh ersembah man Dibata janah nadingken penembahen si la payo. Jeremia pe ikut muat bagin ibas mpelimbarui kegeluhen ersembah bangsa Israel. Selanjutna Dibata make Kores, Raja Persia guna merentah bangsa Israel mulihi i pembuangen nari ku negerina, janah kegeluhen ersembah man Dibata pe ipekena mulihi (30:1-3).

3. Pengkenaina/Aplikasi

(1)   Manusia eme tinepa Dibata, sendalanen ras sie maka patut nge manusia ersembah ban Dibata sinepa ia.

(2)   Rumah Pertoton e, ingan ersembah man DIbata. Tentuna kebadiaan Rumah Pertoton e pe perlu sijaga. Sebab adi Rumah pertoton e la Badia tentu labo banci ije kita jumpa ras Dibata si Badia

(3)   Seiring berjalannya waktu, tentuna cara-cara ibas ersembah man Dibata pe mulai lit perobahenna. Lit perobahen si positif lit ka si negatif. Emakana selaku kalak si erkiniteken tentuna arus kita metenget nandangi perobahen siterjadi. Hal si positif sibanci membangun kinitekenta banci si pake, tapi si negative sincedaken hubungenta ras Dibata perlu sipedauh.

(4)   Pemimpin ntah tokoh pengajar ibas Rumah pertoton e tentuna harus ngajarken simehuli erpalasken mehamat man Dibata ras guna Kemuliaan Dibata labo guna popularitas diri sendiri. (band. Raja Josia, Imam-imam si mbelin ras guru-guru agama, bagepe Jeremia).

(5)   Kegeluhen ersembah man Dibata arus terus ipelimbarui bagi sienggo ilakoken Raja Josia ras nabi Jerema bagepe Tuhan Jesus, tokoh Reformator ibas teks ta enda me sijadi gegeh ras usihenta. 

NANDE SI ERKINITEKEN

BAHAN SERMON KHOTBAH MINGGU 15 OKTOBER 2017

Invocatio : “Kupasu-pasu ia, Kubereken ia mupus anak dilaki man bandu; ia jadi nande bangsa-bangsa janah ibas sinursurna nari lit pagi si jadi raja” (Kejadin 17:16)

Ogen : Rut 4: 13-22 (Tunggal)

Khotbah : Matius 15: 21-28 (Responsoria)

Perlebe

Ibas Sidang sinode GBKP i Tigabinanga tahun 1956 igagas me ide guna erbahan sada organisasi pernanden GBKP. Guru Agama Rahel Br. Sinuraya itugasken guna mpelopori pembentukenna. Ibas tanggal 16 Oktober 1957 terbentuk me kepengurusen Moria GBKP si pemena. Kenca si e organisasi Moria pe isesuaiken rass keperlun si lit ibas wilayah pelayanen GBKP, mulai i pusat, klasis seh ku rungun ras perpulungen bagepe sektor. Tujun Moria GBKP eme guna nampati pernanden GBKP nandai dingen ngelai Dibata ibas persadanna selaku bagin gereja sedoni bagepe anggota i tengah-tengah keluarga ras masyarakat.

Pemahamen Teks

• Ogen  Rut 4: 13-22

Kitab Rut gambarken kitab kerna kesetian manusia. Penulis kitab enda la ieteh. Pada dasarnya kitab enda eme kisah kesetiaan Rut nandangi simetuana Naomi ibas kecedaan ate Naomi. Boas, singgantiken perbulangen Rut ndube meteh maka lit denga ade-kade sideban silebih ndeher hubungenna ras Rut, seh kedungenna ibas pasal 4 ijelasken uga proses akhirna Rut jadi ndehara Boas. Arah sejarah kisah kegeluhen Rut enda kita meteh maka Dibata tuhu-tuhu perdiateken kegeluhen si tek. Piga-piga bukti campur tangan Dibata ibas hubungen antar manusia bagepe bukti kiniteken Rut, eme :

1. Ibas kesetiaan Rut nandangi Naomi sisangana erceda ate (1:1-22)

Kenca Elimelekh, perbulangen Naomi mate, dua kalak permainna ndukung ia gelah mulih ku kuta. Tapi kedungenna Rut ngikutken si Naomi ku Betlehem, erkiteken la atena ngidah simetuana e merana ibas masa tuana.

2. Ibas perjumpaan Rut ras Boas (2: 1-23)

Perbahanen si mehuli ibas Boas nari nandangi Rut ngelebihi hal si lazim terjadi paksa e. Rut ras Simetuana pe radu ras ermeriah ukur ibas perbahanen Dibata si mehuli, erkelangken Boas.

3. Ibas Tindaken Boas nandangi Rut (3:1-8)

Sekali nari siidah kiniulin Dibata nandangi Rut, situhuna Boas labo kerabat sindeherna kal ras Elimelekh, tapi ia ngelakoken hal si mehuli nandangi Rut, bersedia jadi “Sanak Penebus”.

4. Ibas hubungen Perjabunna (4:1-22)

Boas erjabu ras Rut, ia mereken sekalak anak dilaki (kempu) man Naomi. Janah arah anak enda nari ka me reh pelopor garis keturunen raja-raja (Daud)

• Khotbah Matius 15:21-28

Ibas zaman Tuhan Yesus, guna lawes ku ‘luar negri’ labo hal si sulit erkiteken labo man urusen surat-surat izin. Ibas teks renungen enda Jesus sangana i luar negri ertina ia reh ku kota Tirus ras Sidon, eme diluar negeri kalak Jahudi. Idaerah e la mungkin ia itangkap suruh-suruhen Herodes Antipas, idaerah e Ia terpisah ras pemimpin-pemimpin agama Jahudi. Idaerah e me Jesus banci ngajar murid-muridNa alu teneng. Sanga Jesus erdalin i daerah e, reh me sekalak diberu kanaan, alu sorana si megang ia ngelebuh Jesus (gejek iakap murid-muridNa), tapi la ialoi Jesus. Kenca diberu kanaan e nuriken pemindonna man Jesus, labo ka minter ibereken Jesus siipindonna e. “Bangsa Israel desken biri-biri si enggo lalar kap, janah Aku isuruh Dibata man guna ia ngenca” (ay. 24). Amin bage gia pengaloi Jesus tapi diberu kanaan ndai tetap meseksek mindo penampat Jesus. “O Tuhan sampati min aku”, hal menarik ibas kalimat diberu e, erkiteken ibas pemindon na ia menyatu ras anakna, la ikatakenna “…sampati min anakku..”

Janah sekali nari kepeken Jesus seakan-akan nulak pemindon diberu kanaan e “La patut ibuat nakan anak-anak jenari ibereken man biang”, ibas paksa si e kalak Jahudi biasa nggambarken kalak kafir (non-Jahudi) alu “biang”. Tapi Jesus ijenda situhuna make istilah si halus. Engkai? Sebab biang siimaksudken Jesus eme “anak biang” (biang rumahan, tading ibas rumah, biasa kundul/medem iteruh meja dapur), labo “biang liar” (dalam artian kotor, darangen, mbau, rsd). Amin bage gia pengaloi Jesus man diberu kanaan e tapi tetap ia megenggeng, la ia surut, la menek ukurna, la ia tersinggung, semangat dingen arapenna kerna anakna belinen asangken ketersinggungen si lit ibas pusuhna. Bersih kal ukurna ibas ngarapken anakna malem. Perukuren sienda me erbahanca ia erjimpuh dingen make kata “rimah-rimah”. Diberu kanaan e tek, maka ‘rimah-rimah’ saja pe siidatkenna ngasup pepalem anakna. Kinigenggengen diberu kanaan e memang jadi penekanen utama ibas teks enda, seh maka kinigenggengenna e erbahanca Jesus nampati ia.

Aplikasi

Arah tema ‘Nande si Erkiniteken’, maka banci sitarik kesimpulen kerna ciri-ciri sekalak nande/diberu si erkiniteken, eme :

1. Sifat Rut : dem alu keleng ate (nandangi simetuana)

Dibatanta eme Dibata si tertib, emaka kalak si erkiniteken pe tentu nggeluh alu tertib (menaati aturen), bagi Rut ngikuti aturen/budaya si lit ibas bangsa Israel.

2. Ketubuhen sekalak anak itengah-tengah jabu eme sada keriahen. (band. ras masalah sosial kerna ketubuhen anak si la bagi ukur)

3. Megenggeng, la pergelut ( karakter diberu kanaan)

Semangat tetap guna njagai isi jabu, bagi semangat diberu kanaan e guna nelamatken anakna. (band. ras erbage pinakit sosial zaman gundari. Narkoba,la tutus sekolah, seks bebas, kegutulen zaman sianggap biasa)

4. Saber nimai penampat ibas kegeluhen, bagi diberu kanaan e. 

Written By, Pdt. Julia Elperida Br. Ginting's, S. Th

(0853-6175-3339)

Melayani di GBKP Runggun Penen

Selamat melayani ras mejuah-juah man banta kerina

Klasis Medan Delitua