KHOTBAH NGOSEI ORANGTUA

Nats   : 2 Sam. 19:31-38

ibas wari si sendah ilaksanaken me acara adatta ibas budaya nta kalak karo eme mereken kehamaten ras nehken kekelengen man orangtua (nambari ose). Tantangna kel seh berita kerna acara enda, rukur aku agak ndekah sitik, acara kai ka kin e? la pernah ku begi, uga turi-turinna pe labo kuteh. Saja lit turah ibas pikirenku, iyah adi nggo bage sura-sura keluarga mejile nge, si mehuli ndai nge, emaka ku-ueken me guna maba kebaktin ibas acara nta enda. Piga-piga wari selanjutna, rukur ka aku, kai nge ndia si banci ku peseh, kata Dibata si apai nge kubereken kari. Darami pe buku, labo kudat buku-buku si membahas ngosei itinjau dari segi Alkitabiah,labo lit e, labo perbah ku the buku si e. emakana jurus terakhir kubuka me buku Ranan Adat karangen Pdt. Sada kata Ginting, M.Th. ibas buku e, jelas kel ituriken kerna adat ta kalak karo mulai kin ibas bertin nari seh ku adat simate-mate. Emaka kubuka me halaman kerna ngosei enda, kubaca-baca emaka nggo ku dat kai makna situhuna ibas ngosei e.

Kepeken ngosei ningen e, labo e saja adat ta kalak karo si menggambarkan mereken kehamaten ras nehken kekelengen man orangtua, memang enda salah sada eme nambari ose, lit ka ia mereken ciken, kampil, tuktuk ras nggalari utang adat man kalimbubu. Emaka situhuna enda sura-sura anak nge nandangi orangtua ntah pe banci ikataken, enda nge jadi bukti sijelas ia kekelengen anak e man orangtua, janah ibas si e pe ertoto nge anak ras kempu bage pe ente ras entah adi nggo lit guna orangtua e gelah reh malemna atena ngepkep kerina anak-anak bage pe kempu enter as entahna.

Emaka biasana ibas ngosei e ngerana me anak sidilaki, “ersura-sura kami nambari uisndu gelah sambar perukurenndu jenda nari ku pudi, sambar reh ulinalah”.  Erkiteken memang biasana manusia adi nggo metua, reh megek-gekna nge ia, reh serana man katanken, sebab beluhen nge ia iakapna asangken kalak si deban si lebih nguda. Tapi memang tradisi/adat ta enda labo kepeken kita saja si lit adat ta bagenda, secara umum nehken kehamaten ras kekelengen man orangtua, mungkin carana berbeda tapi intina tetap guna sie ndai.

Ibas Tradisi kalak Kristen Alkitabiah lit ka nge tradisi si bage, eme mpehaga kalak si lebih tua. Eme ikataken kelompok tua-tua. Erkiteken kebijaksanna kelompok tua-tua enda ndatken penghormaten bagi nina introitusta ndai ibas kit, eme lit peranenna khusus ibas kelompok nggeluh kalak Israelb Ul. 19:32, janah pe sendalanen ras si e lit ka nge tanggung jawab ntah pe kewajibenna eme guna nurunken tradisi man kelompok kehidupan si lebih muda.

Arah bahan teks renungenta sendah, jelas kel ituriken penulis maka kepeken kalak si nggo metua enda lit perubahen ibas fisik bagepe penggejapenna. Ay 34 nina “…” mulai lit perasan pesimis ibas ndalani kegeluhen, jadi rikutken si e kalak si enggo metua lanai nggit bermimpi terlalu tinggi sebab akapna labo lit gunana. Kemampuan fisikna pe nggo mulai menurun, mulai kin pemegina enggo berkurang, penglihaten matana lanai bagi sigel-gel. Emaka kerna si e ibas ay. 35 nina “lanai kai pe banci erbahanca aku senang” sebab memang kemampuan fisik tentu mendukung kepuasaan akan sesuatu hal yang dinikmati.

Kalak si enggo metua nina ka pe tole indera pencecap pe enggo lanai berfungsi seiring berjalanna waktu, lanai teh na nanam pangan ntah pe inemen si entabeh. Sora kalak rende pe lanai etehna mbedakenca. Emaka rikutken si e iakapna enggo mulai me ndeher ia ku ingan pengadi-ngadina. Emaka sope lenga ka ia ngadap ku Dibata turikenna pemindon terakhirna, bagi Barsilai enda ndai turikenna pemindonna man Daud. Emaka Daud pe, amin gia ia raja tapi harus ia hormat nandangi Barsilai si ndauh tuaen asangken ia, janah patut memang ikabulken Daud me pemindon Barsilai enda.

Hal si luar biasa janji Dibata man kalak si enggo metua jelas tersurat ibas Yes. 46:4,”Aku kap Dibatandu, emaka kuembah-embah kam seh kam metua janah ubanen. Aku si njadiken Kam emaka kutatang-tatang, kuangkip-angkip janah ku kelini kam”. Luar biasa janji Dibata man kalak si enggo metua khususna kam orangtua kami sibakal iosei ibas wari si sendah, janah lit sada perlu terus iingetndu ibas kitab Mzm. 71, ije lit tersurat kerna uga patutna carana kalak sienggo metua ertoto, ula lupakenndu si e janah Dibatalah si tetap masu-masu kita kerina. Amin.

Liturgi Nambari ose man orangtua

LITURGI KEBAKTIN ACARA MEREKEN KEHAMATEN RAS NEHKEN KEKELENGEN MAN ORANGTUA

(NAMBARI OSE)

I. Persikapen

     Rende PEE 85: 1-2

     1. Man bandu Raja Greja isehken kami bujur

         Kam kap sinjayamsa Geluh perpulungenNdu

         Pasu-pasuNdu Tuhan Kuse min bagi udan

         Maka serayanNdu idemi kuasaNdu

         Latih ia la mbiar ukurna tetap nggintar

         Kek’lengenNdu simper b’ritaNdu jadi mbincar

     2. Bahanlah min o, Tuhan erdolat serayanNdu

         Ngayu ras tersuan ngaloken pendiloNdu

         Ukur, pengarapenna man banNdu saja ngenca

         Tutus ras setia, kataNdu la tersia

         Lagu langkah mulia, e Kam si pesikapsa

         Tutus kel atena mbarken kata Dibata

II. Kebaktin

1. Votum      : Kebaktin ibas mereken kehamaten ras nehken kekelengen man orangtua enda ibenaken ibas gelar Dibata, Bapa si den kemulian, ibas gelar Yesus Kristus si jadi penebus ras ibas gelar Kesah si Badia sinemani ras nampati kegeluhen manusia.

     Salam       : Perkuah ate ras dame ibas Dibata Bapa ras ibas Tuhan Yesus Kristus nari, ibas kerembaken Kesah si Badia, ras kita (kam) kerina gelah. Amin.

     Perp         : Amin… Amin… Amin…

2. Introitus    : Mehamatlah man kalak si enggo metua, janah pehagalah Aku. Aku kap Tuhan (Im. 19:32)

3. Rende PEE 81 : 1,3

     1. Meriah ukur kami o Tuhan lias ateNdu si nggo tersuan

         Igejab kami kuasaNdu mbelin si erban kami krina terkelin

         Kam me kap si pegedangken umur man bandu kami ngataken bujur

         Kam me kap si pegedangken umur man bandu kami ngataken bujur

     3. ItampekenNdu umur si gedang rikut ka pe ras ukur si senang

         Bas dalin gelap ibreNdu terang Kam si erbanca kami pemenang

         Keleng ateNdu la kap nggo sirang KuasaNdu la kel kapen teralang

         Keleng ateNdu la kap nggo sirang KuasaNdu la kel kapen teralang

4. Berita kerna perbahanen Dibata Bapa, Anak ras Kesah si Badia

     Marilah sibegiken berita kerna perbahanen Dibata Bapa, Anak ras Kesah si Badia.

     Pengkh     : Adi kalak ersada ras Kristus, ia me tinepa simbaru, simale enggo lepas janah nehenlah si mbaru enggo reh. Kerina sienda Dibata erbahanca, maka arah Yesus Kristus, kita si gel-gel nari ermusuhen ras Ia, enggo ibahanNa jadi temanNa. Bage pe erkiteken Kesah si Badia me simereken kegeluhen man banta, emaka lagu langkahta pe arus rikutken peraten Kesah e. la banci meganjang ukurta, ntah sitokoh-tokohen, ntah pe sician-cianen. Terpujilah Bapa, Anak ras Kesah si Badia

     Perp         :Ha..leluya Ha.. leluya Dibata telu sada

5. Rende KEE 199 : 1,5

     1. Senang gundari geluhku ban Tuhan negu langkahku

         Kuja pa pe perdalanku tetap tanNa gelemenku

         Reff     : Tuhan nemani geluhku cikepNa tanku meteguh

                        Dibata pengndesenku ibas tanNa aku nggeluh

     5. Dimate tah nggeluh gia Kam Tuhan me netapkenca

         Lalit ngasup ngolangisa ‘di akapNdu nggo paksana

         Reff     : Tuhan…

6. Renungen/ Kata Dibata : II Samuel 19: 31-38

7. Pengakun kiniteken

8. Persembahen

     - nina Dibata kerna Persembahen : O, senina-seninangku, nginget perkuah ate Dibata si mbelin si isehkenNa man banta, kupindo man bandu, endeskenlah kulandu man Dibata saja selaku persembahen si nggeluh rikutken singena ateNa, sebab bage me arusna kam ersembah man Dibata sue ras biakNdu selaku makhluk si rukur. (Roma 12:1)

     Rende      : SEE 131 : 1-

     1. Pasu-pasu bas Tuhan nari gejabken kami teptep wari

         Bas paksa-paksa geluh kami Kam me kap tetap singkawali

         Pasu-pasu bas Tuhan nari jadi pergegeh tendi kami

         Guna ndalani wari-wari si rehna bas Kam Tuhan nari

         Reff     : Pasu-pasu dage o Tuhan persembahen kami anakNdu

                       Labo kapen enda metunggung

                       Persembahen si nggo pepulung

                       ajariNdu pe kami gelah min tetap ngasup mere manTuhan

     2. Buaten lit kami o Bapa gejabken kami Kam empuna

         Tanda ukur kami meriah endesken kami baNdu Bapa

         Persembahen enda o Bapa desken bunga ncole merimna

         Persembahen ateNdu ngena, bagelah akapNdu o Bapa

         Reff     : Pasu-pasu…

     3. Aloken min dage o Tuhan persembahen kami anakNdu

         Labo ban beluh kami Tuhan lako mere kuadepenNdu

         Pakeken min dage o Tuhan persembahen kami anakNdu

         Guna pebelangken kataNdu nandangi krina tinepaNdu

         Reff     : Pasu-pasu…

9. Ertoto Persembahen/ syafaat

10. Rende SEE 162 :1

     Yesus ulu kegeluhenku Kam me ngenca pengendesenku

     Lalap tedeh ate pusuhku kupehaga Kam bas geluhku

     O Tuhan pernehen pusuhku si ertedeh ate man baNdu

     Ku gelem pedah ras padanNdu kusembah kam ibas geluhku

11. Pertoton Tuhan/ Pemasu-masun

     Mulihlah alu dame ras mejuah-juah tetap tutus ras setialah ibas kinitekenndu janah alokenlah pasu-pasu idur Dibata nari : Tuhan masu-masu kuta ras jumata (ndu). Tuhan masu-masu kita (kam)maka kita (kam) ertuah, bayak, maka nterem pupusta (ndu), melala pageta (ndu), melala lembunta (ndu)ras biri-birita (ndu). Tuhan masu-masu sinuan-sinuanta (ndu)ras pangan siibahan ibas sinuan-sinuan e nari. Tuhan masu-masu pendahinta (ndu)ras ndemi lumbung-lumbungta (ndu)alu gandum. Ipasu-pasuna kita (kam) ibas negri si iberekenNa man banta (ndu) Amin (Ul. 28: 3-6,8)

Perp              : Amin… Amin… Amin…

KESELAMATEN SITUHU-TUHU

BAHAN SERMON PJJ TANGGAL 22-28 MARET 2015

Ogen  : Efesus 2:1-10

Tema  : Keselamaten situhu-tuhu

Tujun  : * Gelah ngawan ni perpulungen ngangkai erti keselamaten situhu-tuhu

            * Gelah ngawan ni perpulungen ncidahken tanda-tanda kegeluhen kalak si enggo iselamatken

Latar belakang teks

U  Efesus enda isuratken Paulus kenda pantek piga-piga gereja bage pe Paulus ngukurken alu mbages kerna hakikat dari organinsasi yang baru terbentuk. Hanya didalam Efesuslah dalam perjanjian baru yang menempatkan kata “jemaat” ertina eme “gereja” yang universal bukan suatu kelompok local.

U  Dage banci iaktaken maka surat sinitulisken Paulus sekitar tahun 60-61 M enda itaruhken Tikhikus ras Onesimus (Ef. 6:21) itujuken man kalak sienggo mencapai kematangan tertentu dalam kehidupan rohani dan ingin meningkat kepada pengetahuan dan kehidupan yang lebih penuh.

U  Tema surat enda eme kerna gereja. Bagin pemena eme kerna “susunen kekuatan gereja” (1:1-14). Peduaken eme kerna “kesadaren gereja: doa” (1:15-23). Peteluken, pembentukan gereja: unsur, sarana, tujuan (2:1-10). Peempatken, kerukunen gereja (2:11-22). Sipelimaken, kerna penyelenggaraan gereja (4:1-6:9) janah siperpudina eme kerna pertentangen ibas gereja (6:10-24)

Tafsiran teks

& Khusu s sijadi bahan PJJ ta minggu enda eme kerna pembentukan gereja sincakapken kerna unsure-unsur, sarana ras tujun gereja e pantek. Ibas ayat 1-3, isuratken Paulus me kerna unsure-unsur gereja. Ertina eme kerna ise saja kin si lit ibas gereja e. si lit ibas gereja eme kalak si nai nggeluh ibas dosa. Kegeluhen sibage ikataken eme “mate pertendinna” (ay. 1). Sienda berlaku man kalak si nai, bage pe she paksa si sendah. ;it telu hal ikataken kerna kalak simate pertendinna. (1) kalak si ngikutken dalan ntah pe cara-cara doni enda. (2) sijadi ingan pengarapen ras penundalenna eme kuasa-kuasa si lit ibas awang-awang. (3) nggeluh ibas kesah simabai manusia e la erkemalangen man Dibata. kerna sitelu hal enda, situhuna banci saja pernah lit ibas kalak sienggo Kristen pe (orang-orang Kristen Yahudi) emaka patut nge situhuna kalak si lit ibas gereja e pe ndatken pernembeh ate Dibata.

& Ayat 4-7, ibas bagin sipeduaken enda isuratken Paulus maka kalak si nai nggeluh ibas kesemalen doni tapi genduari enggo jadi kalak sierkiniteken man Kristus maka idatna me keselamaten. Lit kap keselamaten ras penebusen ibas Kristus e. keselamaten e banci jadi erkiteken keleng ateNa situhu-tuhu sicidahkenNa arah kematen ras kekeken Kristus e. Dage, Tuhan Jesus e bengket kap kubas dirinta seh maka ipekekeNa kita ibas kematen (kesemalen doni) gelah kita nggeluh ibas kegeluhen simbaru. Tujun Dibata ngelakoken sienda eme: gelah seh rasa lalap icidahkenNa kiniulinNa silanai lang-lang belinna, eme lias ateNa man banta ibas Kristus Jesus. Dage, kerina manusia banci jadi sarana gereja Tuhan lako mabai manusia e ka kempak keselamaten.

& Ayat 8-10, ijenda icidahken Paulus kerna tujun gereja e pantek. Arah persadan kalak sienggo Kristen, eme sinigelari gereja e, kerina min si lit ibas gereja e tetap nggeluh ibas pengataken bujur man Tuhan. Engkai maka arus ngataken bujur? Sabab kita selamat erkiteken lias ateNa ras erkiteken kinitekenta. Kiniteken eme alat lako ndatken keselamaten bage pe lias ate Dibata e. Alu bage, kalak Kristen la nggit mujiken bana saba dalanna guna ndatken keselamatenna e sendiri erkiteken pemere Dibata kap.

Renungen/ Aplikasina

Dage, keselamaten situhu-tuhu ertina eme tetap nggeluh ibas lias ate Dibata dingen ibas kinitekenta. Keselamaten situhu-tuhu e jadi perayaken kalak Kristen seh maka nggit ia nadingken kerina kesemalen-kesemalen doni e. bicara gia kita nggeluh ibas doni enda tapi keselamaten e ngo kap sikerejangenta, singgeluh jadi anak Dibata. dahinta genduari ibas gereja enda eme tetap mabai ras ngajari kerina perpulungen rikut pe man dirinta sendiri lako nggeluh alu payo ibas lias ate Dibata bage pe ibas kinitekenta e. cirri-cirina rikutken pengogenta ndai banci sicidahken eme: ndalanken kebiasan singen ate Dibata, ngikutken sura-sura penguasa kegeluhenta eme Tuhan Dibata, bage pe tetap erkemalangen man Dibata.

Dage, PJJ nta minggu enda ngajuk kita kerina ngawan ni perpulungen Tuhan bage pe kerina serayan-serayanNa tetap min nggeluh ibas persadan ras Kristus Jesus.