ALO-ALOLAH IA IBAS PUSUHNDU

BAHAN SERMON KHOBAH MINGGU 29 MARET 2015

Invocatio    : Meteruk ukurna, janah erkemalangen Ia man Dibata seh matena pe; e me i kayu persilang (Pilipi 2:8)

Ogen          : Masmur 69:1-20 (Responsoria)

Khotbah      : Markus 11:1-11 (Tunggal)

Kata Perlebe

Adi Jesus nggeluh ibas zamanta gundari, kemungkinen karpet merah nge ikimbangken labo uis, ranting, bulung-bulung ntah pe sidebanna. Pengalo-ngalo siialoken Jesus mungkin lebih modern, elegan rikutken perkembangen zamanta. Banci ka mungkin panitia pengalo-ngalo pe ibentuk ikut pe ras tim keamanen guna mengantisipasi/ jaga-jaga gelah ula terjadi hal si la iinginken. Banci saja Jesus ipuja-puja bagi selebriti, kuja pe Ia lawes pasti lit jelma simengkerubutisa, guna mindo tanda tangan, foto bersama ntah pe terjeng salamen saja enggo terakap. Tapi tentu la bage si ialoken Jesus ibas zamanna, penungkunena gundari uga nge caranta ngalo-ngalo kerehen Jesus e alu versinta kalak si erkiniteken?

Pemahaman teks

ü  Invocatio : adi sioge Filp. 2:1-18, bakal sidapeti maka dalan Tuhan Jesus e semakin menurun. Ibas ay. 7 ikataken maka Ia nadingken kerina si lit ibas Ia (mengosongkan diri), jadi bagi kita manusia, Ia takluk iteruh undang-undang Dibata, pergeluhna bagi juak-juak, Ia erdahin ras pe ngenanami kiniseran bagi manusia. Tapi ibas ay. 8 enda Jesus ngelakoken hal lebih daripada si e. Ia mpeteruk baNa, labo ipeteruk, la Ia ipaksa ngelakoken hal sibage tapi Ia mpeteruk baNa erkiteken kemauanNya sendiri. Ibas Ia mpetruk baNa, Ia pe patuh seh mate. Paulus la ngataken man ise Jesus patuh, tapi tentu enggo sieteh maka Ia patuh man Dibata Bapa. Labo erkiteken si e la penting, tapi Paulus atena gelah perpulungen Filipi meteh maka Kristus e patuh seh mate. Labo terjeng patuh ibas nandangi kematenNa tapi patuh segedang geluhNa. Ertina kepatuhenNa terus-menerus, seh ibas ia isalibken la Ia mundur.

ü  Ogen       : Masmur 69 enda rusur ipandang jadi masmur sibertulisken kerna Mesias, erkiteken masmur enda isina kerna pertoton Daud ibas kiniseran. Kalak si segat atena Daud serupa ras kalak si segat atena Jesus (ay.5) bage pe keleng ate Daud nandangi rumah Dibata (ay.10) banci ikaitken kubas peristiwa pembersihan siilakoken Jesus i rumah Pertoton. Daud ngatakenca maka ia ibere cuka tupung ia muas (ay.22) enda pe bali ras peristiwa Jesus ibere cuka paksa ia muas i kayu persilang. Amin pe nubuaten enda labo nubuaten langsung tapi bagin-baginna banci itafsirken secara khas ras Kristus. Arah ogen enda lit piga-piga garis besar sibanci itarik kita, eme:

¶  Tuhan Dibata eme tumpuan keteguhen (2-4) ↔ Pemazmur nggambarken kiniseranna sipagit kel tempa-tempa ia lanai ngasup ngelakoken kai pe gelah pulah arah kiniseran e. ia bagi masuk kubas lumpur hidup, adi berusaha sendiri kita maka akan terperosok semakin dalam. Emaka ia membutukan seorang penolong idarat nari. Alu kinitekenna si paguh, Dibata ijadikenna si utama ras pertama guna jadi penampatna, sebab ibas kondisina paksa si e ia memerluken tumpuan yang kokoh guna keselamatenna. Lalit silebih kokoh selain Dibata guna jadi tumpuenta nggeluh.

¶  Mpeteruk diri iadepen Dibata ras ngakuken kinilangasupenta (5-6) ↔ ieteh pemazmur enterem kalak rate segat man bana, enterem jelma ngayak-ngayak ia atena guna munuh ia. ibas kinilangasupenna menghadapi kerina musuh-musuhna e labo ia mindo gelah kerina musuh-musuhna e ibinasaken tapi justru ia mpeteruk diri iadepen Dibata ras ngakuken kekurangenna, kinilangasupenna, enda me sada sikap simembuktiken kekelengen man kalak sideban tanpa terkecuali.

¶  Menderita karena iman ↔ pemazmur ncritaken kerina perbebenna man Dibata, alu tegas ia ngatakenca maka perbeben e reh erkiteken kinitekenna si paguh man Dibata, alu kata sideban ia ianiaya erkiteken ia tek man Dibata. kiniteken sibagenda enggo jarang sijumpai bas doni enda, sebab enterem manusia hanya memikirkan diri sendiri lanai menghirauka Dibata. ibas ngalaken perbeben rusur kel manusia lupa mindo campur tan Dibata, padahal adi Dibata ikut campur ibas perbebenta e maka kita pasti ndatken kemenangen.

¶  Lalap erpengendes man Dibata ↔ kiniteken siicidahken pemazmur labo kiniteken sisea-sea, ntah pe kiniteken simate. Tapi isaksikenna maka Dibata pasti mereken penampat man bana. Pemazmur tek ia maka Dibata pasti mereken si mehuli man bana.

ü Khotbah  : bagin teks enda ibagi jadi 2 bagin eme ay. 1-6 ras 7-11.

¶ Ay. 1-6 : kerehen Jesus ku Jerusalem la bali ras kerehenNa sebelumna.

Isuruh Jesus ajar-ajarna guna minjam kelede ku kuta si lit ilebe. Ajar-ajar Jesus enda labo ietehna ise empuna kelede siipinjam e. Jesus genepi nubuaten ibas kitab Zakh. 9:9. Kota Yerikho ku Jerusalem lit jarakna 35 Km. letak kota Jerusalem lebih tinggi ibandingken kota Jerikho. Jesus ras rombongenna erdalan arah Betfage ras Betania eme desa sebelah timur bukit zaitun, jenda nari me isuruh Jesus ajar-ajarna guna minjam kelede e. sijadi perhatin ijenda eme ajar-ajar la melala komentarna, mis ia lawes alu nginget perentah Jesus e. dua murid silawes ndai ndapeti kelede e pas bagi siikataken Jesus. Tupung ipelepas ajar-ajar kelede e reh kalak nungkun engkai maka iosarindu? Nina bagi siikataken Jesus me jawaben ajar-ajar “Perlu Tuhan” nina. Kelede eme hewan ternak siipake jadi tunggangen tep-tep wari ibas keadaan dame. Kelede muda siimaksudken eme kelede betina, si lenga pernah itunggangi kalak. Kelede e jadi lambang perdamaian.

¶ Ay. 7-11 : Kelede e ibaba ku Jesus.

Jesus nangkihi kelede e janah iarak-arak rombongen sinterem ku Jerusalem nandaken maka ia jadi Raja, bali ras Salomo ipenangkihi Daud ku sada kelede betina raja, enda jadi tanda pengangkaten Salomo jadi raja. Kenca enggo ndeher ajar-ajar ras kerina rombongen singikuti Tuhan Jesus ku Jerusalem, mulai me kalak enda ersurak. Uisna itamana idalin guna jadi alas erdalin kelede e janah ersurak kalak enda “HOSANA…!”. Hosana e labo berarti seruan selamat datang tapi ertina ijenda eme “selamatken kami gundari”. Enda seruan kalak si menderita guna mindo penampat, bali me seruan e bagi sitersurat ibas Masm. 118:25. Seruan hosanna enda isertai alu tindaken namaken uis/pakaian i dalin ras melambai-lambaikan dahan palem. Tindaken enda labo tindaken biasa tapi enda merupaken suatu rasa hormat simendalam ras pe penerimaan Jesus jadi Raja. Simenarik memang memang Jesus nangkihi kelede labo kuda ntah gajah. Alu bage Jesus ncidahken maka Ia eme raja si lemah lembut ras rendah hati. Kelede biasana ngangkat beban alu gerobak Jesus ngangkat dosa-dasanta alu kematen ras kekekenNa.

Pengkenaina

1.    Sue ras minggu enda “Palmarum” siertina lambe, eme jadi tanda sukacita. Sukacita/keriahen e eme sambuten guna ngakuken Jesus jadi Tuhan, Raja Dame, Mesias ras Juruslamat dunia. Sambutan pengakun Hosiana e tentuna la terjeng bas biber saja/ ikut-ikuten tapi murni ibas pusuhta nari secara konsisten nggit jadi Pengikut Kristus.

2.    Dibata eme ingan pengarapenta sipertama, sebab Diabta e mahakuasa. Adi lit perbebenta/kiniseran si la ngasup kita ngadapisa, kataken kerina man Dibata alu kiniteken sinteguh. Tek maka Dibata pasti naluken kerina perbebenta ndai. sebab ise si imenangken Dibata maka ia jadi pemenang sejati.

3.    Arah teks nda kita banci erlajar arah pelayanen seekor kelede. Kelede e makhluk biasa ia labo makhluk penting. Kelede rusur ilukisken jadi hewan yang bodoh. Kelede banci ndabuh dua kali ku lubang yang sama. Tapi luar biasa Jesus nggit make kelede e guna naruhken ia masuk ku Jerusalem guna ndalanken misiNa. Kentisik tuhu pelayanen kelede e tapi sungguh indah maka Jesus membutuhkan pelayanan kelede enda. Kita manusia sisederhana, mungkin pernah kita berpikir la kita berguna, tapi Dibata nggit make kita guna ndalanken misi Kerajan Dibata. kelede ndai terjeng naruhken Jesus seh ku gerbang Jerusalem, tapi bersyukurlah bahwa Dibata nggit denga make kita seh paksa enda.

4.    Puji ras muliakenlah Jesus alu ketaaten penuh. Bagi dua ajar-ajar si la melala nungkun tupung isuruh Jesus, bahkan kelede pe icidahkenna ketaatenna. Kelede silenga pernah siersah situhuna mesera kel nangkihisa tapi kelede e ncidahken ketaatenna man Jesus la ia ngelawan, enda me salah sada cara mpermuliaken Tuhan.

5.    Ngalo-ngalo Tuhan ibas pusuhta (sue ras tema) alu kerinduan maka kita ndatken keselamaten arah Ia. bangsa Israel nimai kerehen raja sibakal ngubah kegeluhen aklak enda, enda sebabna kalak e muji-muji Tuhan Jesus. Bage ka me arusna sijadi motivasinta ibas mpermuliaken Tuhan e, eme guna ndatken keselamaten arah Ia, berarti sikap siiperluken kita eme ncidahken sikap si menunjukkan ketergantungenta man Dibata guna ndatken keselamaten e.

6.    Sambutan meriah rasp e uis-uis siitamaken idalan e eme guna ngalo-ngalo Jesus, labo guna ngalo-ngalo kelede siipake Jesus e. emaka kerina kesuksesen pelayanenta labo guna gelarta tapi guna kemulian gelar Dibata. adi pelayanenta sukses, ula kita jadi megombang tapi bahanlah kerina keberhasilen pelayanenta e guna kemulian gelar Tuhan saja.