Rindang dan Manislah apa yang engkau perbuat
(Meramis dingen entebulah buah perbahanenndu)
Filipi 4: 4b-14
khotbah : Jesaya 5:1-7
Ibas kitab Jesaya enda iumpamaken sekalak teman si lit peken anggurna i das uruk-uruk (ay. 1). Janah temanna e iolahna peken anggur ndai, icangkulina ras iambekkenna batu-batuna, emaka itanamina alu bibit anggur si mejile. La terjeng sie saja, tapi ipajekkenna ka pantar man inganna njagasa, ras enggo ibanna lubang ingan ngerik buahna (ay. 2). Emaka kenca enggo ibahan bage buena usaha, kalak ndai pasti ngarapken gelah peken anggurna e menghasilkan anggur si mejile ras berkualitas tinggi. Tapi kepeken anggur siihasilken peken e eme anggur simacem labo anggur si entebu. Kai nge siarus ibahan siempuna peken e? (ay. 2b). banci saja icuba siempuna peken e mereken kesempaten sekali nariman anggur enda gelah menghasilkan buah sientebu. Tapi alu ngenen maka taneh ingan anggur e torah e me taneh si mehumur, janah enggo mbue usaha erbahanca anggur e berkualitas ilakoken, kinatana buahna tetap macem, emaka cukup adil nge adi siempuna peken, itabahina kerina batang anggur ndai, janah iruntuhkenna tembokna alu bage tanaman anggur e ndai pasti iperjak-perjak kalak ras turah ije duri ras rih (ay. 6-7). Peken anggur sitangtangna ndai mejile, gundari enggo ceda. Labo erkiteken peken anggur e la erbuah, tapi la sesuai buah siihasilkenna adi ibandingken ras kai siiharapken siempuna peken e.
Kisah sedih peken anggur enda ipeseh Jesaya jadi nubuaten kerna ukumen sibakal ibereken Dibata man bangsa Israel. Tuhu-tuhu dasyat kel penghukumen siibereken man batang anggur si gagal mereken buah si mehuli. Bage ka pe Dibata merawa man bangsaNa si gagal erbuah ibas kegelihen enda.
Kai siimaksudken peken anggur e, labo lain eme bangsa Israel ras juda. Dibata enggo namaken bangsa Israel ras Juda ku taneh Kanaan si seh kel mehumurna, rasp e berkualitas mejile, Dibata pe enggo mereken pasu-pasuNa ras iarak-arakNa bangsa Israel ras Juda, janah Dibata pe enggo ngerana man bangsa e arah Nabi-nabiNa. Tapi kepeken bangsa Isarel ras Juda tetap la iingetna Dibata, iabahanna tetap kai si la ngena ate Dibata. emaka ipediat Tuhan nge bangsa Juda iambekken ku Babil seh 70 tahun dekahna. Janah man bangsa Israel lebih dekah asa si e, kalak enda itawan bangsa Asyur ras lanai banci idarami pe jejak bangsa Israel enda sebab enggo bercampur ia ras pendududk bangsa-bangsa sideban.
Ngataken bujur kita man Dibata sebab ipasu-pasuna kegeluhenta ras keluarganta alu seh kel ulina, tapi enggo kin sidalanken tanggungjawabta guna ngasilken buah sientebu simahanca Dibata Dibata senang ras jadi pasu-pasu man kalak sideban? Ngataken bujur ras hargai min karya kasih Dibata ibas kegeluhenta alu berjuang ngelakoken simehuli ras empermuliaken Dibata, bage pe ngasup jadi pasu-pasu man jelma sinterem. Ingetlah maka Dibata lalap nge nimai buah-buah sientebu arah kegeluhen anak-anakNa nari
Bage me kita genduari, pernah kin siidah dirinta sendiri, ntah erbuah kin kita ibas kegeluhen enda, janah labo terjeng erbuah saja tapi mereken buah simejile ka. Tuhan Jesus ngatakenca man banta maka sitandai nge batang kayu arah buahna. Adi mejile buahna, maka batang kayu e pe pasti mejile. Adi la mejile buahna, pasti batang kayu e pe la mejile (Mat. 7:17-20). Kerna si e me, mari dage siintrospeksi dirinta ras kehidupenta. Enggo kin ibas kegeluhen enda ihasilken kita buah si mejile? Ntah mungkin kita terjeng erbuah saja la siperdiateken kerna kualitas buah e sendiri. Adi lenga mari dage kita genduari erkomitmen gelah sihasilken me buah si mejile mulai sendah. Adi enggo, mari kita pe mindo man Dibata gelah isampatiNa kita guna tetap menghasilkan buah-buah si mejile ibas kegeluhenta, gelah ibas kerina aspek kegeluhenta pe, gelar Dibata saja tetap ipermuliaken.
Tidak ada komentar:
Posting Komentar