ERGIAH-GIAH MAKEKEN SI LIT GUNA TUHAN

Bahan PJJ 30 Juli-05 Agustus 2017

Teks            : II Kronika 31:1-10

Tema           : Ergiah-giah Makeken Si Lit Guna Tuhan

Pelikasi Latar Belakang Teks

Sejarah si tercatat ibas kitab 1 ras 2 kronika bersifat pra pembuangen, tetapi asal-usul ras sudut pandangenna  kitab enda bersifat pasca pembuangen. Kitab enda itulis ibas paroh sipeduaken abad ke-5 sM, sangana ezra ras kalak Yahudi buangen i Babel ras Persia mulih ku Yerusalem (457 sM). Erkiteken si e emaka kalak si mulih ibas pembuangen nari ku Yerusalem si sangana majekken mulihi tembok ras Bait Suci Yerusalem membutuhken landasen rohani si megegeh, eme kerna jatidiri alu sejarah penebusen masa lampau ras kiniteken ibas paksa gundari bagepe arapen kerna masa depan selaku bangsa pilihen Dibata. Guna menjawab kebutuhen enda me kitab 1 ras 2 Kronika enda itulisken.

Secara khusus ibas 2 Kronika berfokus kubas sejarah Kerajaan Yehuda sebage sejarah Penebusen Israel alu 3 (telu) alasen:

(1)    Bait suci di Yerusalem tetap menjadi pusat penyembahan yang benar kepada Allah

(2)    Raja-raja Yehuda adalah keturunan Daud, dan

(3)    Yehuda adalah suku yang terkemuka diantara orang-orang Yahudi yang kembali untuk membangun Yerusalem dan bait suci kembali.

Pelikasi Teks ras Aplikasi

Sejarah dalam 2 Kronika terbagi menjadi dua bagian utama.

(1)    Pasal 1-9, menceritakan masa pemerintahan Salomo yang menjadi masa keemasan Israel dalam damai sejahtera, kuasa, kemakmuran, dan kehormatan

(2)    Pasal 10-36, merupakan kisah yang sangat terpilih perihal para Raja Yehuda setelah kematian Salomo dan perpecahan kerajaan itu.

Bagin teks si menjadi renungenta merupaken bagin Raja Hiskia si sangana melakukan pembersihan Rohani alu menyingkirken gana-gana ibas kegeluhen bangsa Yehuda. Ibas teks ituriken kerna respon umat ibas ngaloken perintah siipeseh Hiskia gelah tetap setia man Dibata. Lit telu (3) bagin perenungen siilakoken Hiskia ras kalak Yehuda ibas ergiah-giah makeken silit ibas Tuhan guna tetap encidahken sikap setia man Dibata :

1.       Menyingkirken berhala ibas kegeluhen

Pembaharuan rohani ibenaken ibas sikap memutus hubungen ras Berhala sisedekah enda ianggap sebagai kebanggaan, penyelamat ntah pe tujun ibas kegeluhenta. Sikap kalak Yehuda simenyadari kelepakenna irespon alu sikap pang nadingken ras memutus pandangen si salah ibas kegeluhenna. arah bahan ope teks icidahken maka semangat enda turah arah perayaan Paskah siirayaken sada Minggu (Psl 30:21) janah itambahi sada minggu nari (30:23) siirayaken alu meriah. Perayaan enda merupaken symbol semangat ibas persadan umat ras Dibata. Alu semangat ibas persadan enda me jadi gegeh/spirit ras komitmen umat ibas memutus hubungen ras berhala-berhala simenjadi penghalang, penghambat hubungenta ras Dibata.

2.       Peningkaten pelayanan Ibadah

Setia man Tuhan la terjeng menyingkirken berhala ras nembah man Dibata. Tapi ilanjutken alu menambah kreativitas ibas dahin pelayanen khususna para imam (petugas). Ibas teks isingetken maka Hizkia ngaturken para Lewi alu sedemikian rupa gelah dahin pelayanen lebih mehuli asangken sienggona. Hiskia ngaturken Job Description sijelas antara imam ras para Lewi, baik sibertugas nehken korban bakaren, nehken pengataken bujur, ngendeken puji-pujin ras singelai ibas pintun. Bagepe ibahanna divisi-divisi pelayanen sibertugas tiap minggu janah berganti tiap minggu (2 Kronika 24:2).

Gambaren teks enda nuduhken kerna para pelayan ras pelayanen si ilakoken ibas rumah ibadah. Gereja enggo idahiken alu mehuli, tertib ras professional. Lanai lit si salah nari, lagu-lagu enggo mantap iendeken, petugas ingetna dahinna, la sidalihen ibas tugas siibereken, rsd. Si mungkin perlu ikoreksi ibas pelayanen siibahan kita. Sebab enda ikut menentuken ibas geluh kiniteken perpulungen.

3.       Jadi contoh ras ergiah-giah makeken si lit

Pembahareuan si ilakoken Hiskia la terjeng pesikap pelayanen, tapi ilanjutken alu ncidahken contoh/teladan selaku pemimpin man bangsana (umat) ibas mereken persembahen. Hiskia la tanggung-tanggung mereken persembahenna man Dibata. Sikap siibahan Hiskia nuduhken kerna penggejapen si luar biasa kerna Dibata. Adi pemimpin siibanggaken pe ngggejapken pasu-pasu siluar biasa arah Dibata, tentu umat/ rakyat pe pasti ngikuti bagi siibahan pemimpinna. Pang jadi teladan/ contoh merupaken sada kearusen ibas mabai perpulungen reh mbagesna erkiniteken man Dibata. Uga sijadi ibas perpulungenta? Nggo kin selaku pemimpin kita mereken contoh si mehuli ntah cukup nuruh saja. Banci kita erlajar arah sikap Hiskia ras umat Yehuda.

Sikap si melumbar mere ntah pe tetap ergiah-giah makeken silit labo muncul bage-bage saja. Gambaren siirutiken ibas teks nuduhken piga-piga pokok penting siperlu itengeti eme:

-   Semangat mere lebe ibahan pemimpin jadi contoh, emaka iikuti perpulungen (ay. 3)

-   Pemere siibereken e jelas kai guna ras tujunna, emaka ieteh kerna penggunaanna bagepe laporenna (ay. 4-9), ikhususken man pelayan ras pelayanen siilakoken

-   Pemre sitading pe tetap ipergunaken sebage pendukung/penunjang pelayanen (ay.10). alu kata sideban adi bas poin idatas pemere e ipake ibas rangka dahin pelayanen, maka bagin enda merupakan hal-hal siibutuhken/ iperluken guna menunjang ntah pe mendukung pelayanen. Ibas zaman gundari misalna kegiaten sosial kemasyarakatan, bencana alam, bantuan sosial, rsd.

Sipasti maka arah sikap siergiah-giah makeken silit mabai kita nggejabken ras ngendesken kai si banci ipersembahken guna kemuliaan Tuhan. 

Bahan Sermon Klasis Medan Delitua by. Pdt. E. S. Meliala

Posted by : Pdt. Julia Elprida Br. Ginting

(0853-6175-3339)

Selamat Melayani man Banta Kerina